"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 487
Məcburi köçkün qəsəbələrində Novruz şənlikləri keçirilib
Tədbirlər 19 Mart, 2019

Məcburi köçkünlərin yaşadıqları qəsəbələrdə Novruz bayramı münasibətilə tədbirlər keçirilib.

 

Abşeron rayonunda yeni istifadəyə verilmiş 1000 ailəlik yaşayış kompleksində keçirilən ilk Novruz şənliyində Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev, Məcburi Köçkünlərin Sosial İnkişafı Fondunun direktoru, millət vəkili Mahir Abbaszadə, Milli Məclisin deputatı İmamverdi İsmayılov, Qubadlı rayon icra hakimiyyətinin başçısı Malik İsaqov və digər rəsmi şəxslər iştirak ediblər.

 

Novruz bayramı münasibəti ilə sakinləri təbrik edən Dövlət Komitəsinin sədri ölkə rəhbərliyinin məcburi köçkünlərə böyük diqqət və qayğı göstərdiyini vurğulayıb, müasir tipli yeni qəsəbənin də bunun növbəti təzahürü olduğunu bildirib. Prezident İlham Əliyevin məqsədyönlü, qətiyyətli siyasəti nəticəsində torpaqlarımızın tezliklə işğaldan azad ediləcəyinə, həmin ərazilərdə də Novruz tonqallarının qalanacağına əminlik ifadə olunub. Bildirilib ki, Birinci vitse-prezident xanım Mehriban Əliyevanın xalqımızın əziz bayramı kimi Novruzun beynəlxalq səviyyədə tanınmasında və qeyd edilməsində mühüm xidməti vardır.

 

Qubadlı rayon icra hakimiyyətinin başçısı məcburi köçkünləri bayram münasibətilə təbrik edib, onlara can sağlığı, firavanlıq arzu edib.

 

Qubadlı rayonu Mirağa Əliyev adına Hal kənd tam orta məktəbində keçirilən tədbirdə məcburi köçkünlərin əl işlərindən ibarət sərgi, qədim məişət əşyaları və eksponatlar nümayiş olunub. İdmançı gənclərin çıxışları da maraqla qarşılanıb .

 

Tədbir konsert proqramı ilə davam edib.

 

Bakının Ramana qəsəbəsində yerləşən məcburi köçkün şəhərciyində isə Şuşa Şəhər Icra Hakimiyyətinin və şəhər Mədəniyyət Mərkəzinin təşkilatçılığı ilə bayram şənliyi keçirilib.

 

Şəhərcikdə məskunlaşmış məcburi köçkünlər bayram münasibəti ilə təbrik edilib. Ölkəmizə əmin-amanlıq, əhaliyə bol ruzi-bərəkət arzu edilib. Milli-mənəvi dəyərlərimizin qorunması və gələcək nəsillərə çatdırılması istiqamətində Prezident cənab İlham Əliyev tərəfindən aparılan məqsədyönlü dövlət siyasətindən, Birinci vitse-prezidenti xanım Mehriban Əliyevanın bu sahədəki xidmətlərindən söz açılıb, Novruz bayramını xalqımızın tezliklə Şuşada da qeyd edəcəyinə inam ifadə olunub.

 

Tədbir Şuşa rayon Mədəniyyət Mərkəzinin kollektivinin konsert proqramı ilə davam edib.

 

Gəncə şəhərində məcburi köçkünlər üçün salınmış qəsəbədə də Novruz şənliyi keçirilib.

 

Qaçqınların və Məcburi Köçkünlərin İşləri üzrə Dövlət Komitəsinin dəstəyi, Kəlbəcər Rayon İcra Hakimiyyətinin təşkilatçılığı ilə keçirilən şənlikdə Dövlət Komitəsinin Məskunlaşma, miqrasiya, məşğulluq və status şöbəsinin müdiri Sənan Hüseynov, Kəlbəcər rayon icra hakimiyyətinin başçısı Aqil Məmmədov, yerli ziyalılar və ictimai fəallar iştirak ediblər.

 

Milli geyimli 5 çapar qəsəbənin bütün əhalisini bayram tədbirinin keçiriləcəyi əraziyə dəvət edib. Burada şənlik iştirakçılarını Dədə Qorqud və Bahar qız qarşılayıblar. Kosa və Keçəl duzlu-məzəli söhbətləri və zarafatları ilə tədbiri şənləndiriblər.

 

Tədbir iştirakçıları məcburi köçkünlərə məxsus əl işlərindən ibarət sərgiyə, tətbiqi sənət nümunələrinə baxıb, xalq adət-ənənələrini nümayişinə tamaşa ediblər.

 

Bundan başqa qəsəbədə yerləşən idarə, müəssisə və təşkilatların kollektivlərinin hər biri özünün Novruz süfrəsini hazırlayıb. Tədbir iştirakçıları bayram şirniyyyatları və təamlarından dadıblar. Novruz bayramının adətlərindən olan xoruz döyüşdürmək, ənzəli və dirədöymə oyunları böyük maraqla qarşılanıb.

 

Tədbir Muğam Televiziya Müsabiqəsi qaliblərinin və Kəlbəcər aşıqlarının konsert proqramı ilə başa çatıb.

25 İyun, 2020 / Tədbirlər Silahlı Qüvvələr Günü münasibəti ilə “Əsgərə salam”
23 İyun, 2020 / Tədbirlər Məcburi köçkünlərlə diaspor nümayəndələrinin videogörüşü keçirilib
11 İyun, 2020 / Tədbirlər Səfirlərin ailə üzvləri köçkünlər qəsəbəsində
02 İyun, 2020 / Tədbirlər “Qobu park 3” yaşayış kompleksinə köçürülmə başlanılır
18 May, 2020 / Tədbirlər Qobu Park yaşayış kompleksini içməli su ilə təmin etmək üçün yeni magistral kəmər çəkilib
09 May, 2020 / Tədbirlər Dövlət Komitəsinin sədri “Şuşa Azərbaycanın tarixi mədəniyyət mərkəzidir” mövzusunda keçirilən videokonfrasda iştirak edib
30 Aprel, 2020 / Tədbirlər Məcburi köçkünlər üçün "Eyvana çıx" layihəsi çərçivəsində canlı muğam konsert proqramı təşkil edilib
15 Aprel, 2020 / Tədbirlər Dövlət Komitəsi və “Azərişıq” ASC birlikdə yardım aksiyası həyata keçiriblər
29 Mart, 2020 / Tədbirlər Məcburi köçkünlərin müvəqqəti məskunlaşma yerləri dezinfeksiya olunur
18 Mart, 2020 / Tədbirlər Məcburi köçkün ailələrə bayram sovqatı paylanılıb
11 Mart, 2020 / Tədbirlər Dövlət Komitəsinin nümayəndəsi Brüsseldə keçirilən tədbirdə iştirak edib
07 Mart, 2020 / Tədbirlər Şəkidə məcburi köçkünlər üçün sağlamlıq aksiyası keçirilib
04 Mart, 2020 / Tədbirlər Turnirin ən yaxşıları və müsabiqənin qalibləri mükafatlandırılıblar
26 Fevral, 2020 / Tədbirlər Xocalı soyqırımı qurbanlarının “Qobu Park”da işıqlı xatirəsi…
25 Fevral, 2020 / Tədbirlər Məcburi köçkünlər “Xocalı - bu olub” tamaşasına baxıblar
24 Fevral, 2020 / Tədbirlər “Əsgərə salam” futzal turniri başa çatdı
21 Fevral, 2020 / Tədbirlər Xocalı soyqırımının 28-ci ildönümünə həsr olunmuş anım tədbiri keçirilib
18 Fevral, 2020 / Tədbirlər “Əsgərə salam” futzal turnirində finalçılar məlum olub
17 Fevral, 2020 / Tədbirlər Qaradağlı faciəsinin 28-ci ildönümü qeyd edilib
17 Fevral, 2020 / Tədbirlər Kürdəxanıda məcburi köçkünlərə pulsuz hüquqi yardım göstərilib