"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 281
Bir qrup gəncin könüllülük fəaliyyəti uğurla başa çatıb
Tədbirlər 21 Yanvar, 2020

Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsində iki aylıq könüllülük fəaliyyətini başa çatdıran bir qrup gəncə müvafiq sertifikat təqdim olunub.

 

Dövlət Komitəsinin sədr müavini Fuad Hüseynov ölkəmizdə könüllülüyün milli dəyərlərimizdən qaynaqlandığını, əsası ulu öndər Heydər Əliyev tərəfindən qoyulmuş və cənab Prezident İlham Əliyev tərəfindən uğurla davam etdirilən dövlət gənclər siyasətinin mühüm istiqamətlərindən biri olduğunu diqqətə çatdırıb.  Azərbaycan Respublikası Prezidentinin Sərəncamı ilə 2020-ci ilin ölkəmizdə “Könüllülər ili” elan edildiyini vurğulayan sədr müavini qeyd edib ki, könüllülük insanları vahid niyyət ətrafında birləşdirən, vətəndaş, cəmiyyət və dövlətin birgə fəaliyyətinin ən uğurlu formatı olmaqla yanaşı, həm də vətənpərvərlik məktəbi, öz xalqına, dövlətinə, milli-mənəvi dəyərlərə bağlılıq və xidmət örnəyidir.

 

Qaçqınlar və məcburi köçkünlərlə iş kimi həssas bir sahədə könüllü fəaliyyət göstərən gənclərin həm sosial müdafiəyə xüsusi ehtiyacı olan insanlara dövlət qayğısının necə gerçəkləşdirildiyini əyani şəkildə gördüyü, həm də bu prosesin daha səmərəli təşkilinə öz töhfələrini verdiyi bildirilib. İki aylıq könüllülük fəaliyyəti dövründə gənclər komitənin struktur bölmələrində konkret tapşırıqlar yerinə yetirib, dövlət qulluğunun səciyyəvi xüsusiyyətləri ilə yaxından tanış olub, öz biliklərini artırıb, qaçqın və məcburi köçkünlərlə iş təcrübəsi əldə ediblər.

 

İki ay müddətində Dövlət Komitəsinin müxtəlif şöbələrində təcrübəli mütəxəssislərlə birlikdə  çalışan, bu sahədə təcrübə toplayan könüllülər göstərilən etimada görə təşəkkürlərini bildiriblər.

 

Dövlət Komitəsində iki aylıq müddətdə könüllülük fəaliyyəti göstərən Azərbaycan Dövlət İqtisad Universitetinin tələbəsi İdris Şirinli bu praktikanın gələcək karyerasında mühüm yer tutacağını qeyd edib: “İki aylıq müddətdə komitədə praktik olaraq biliklərə yiyələndim. Bu təcrübə bizə gələcək iş həyatımızda daha da uğur qazanmağımızda yardım olacaq”.

 

Gənc könüllü, Bakı Dövlət Universitetinin məzunu Dəniz Mehdiyeva da iki aylıq təcrübə proqramının başa çatması münasibətilə öz minnətdarlığını bildirib: “Üzərimizdə əməyi olan, bizə vaxt ayıran, hər bir məsələdə bizə yardımçı olan bu cür gözəl və dəyərli kollektivə təşəkkür edirəm. Qısa zaman ərzində bizlərə çox şey öyrətdiniz”.

 

Sonra könüllülərə sertifikat təqdim edilib, xatirə şəkli çəkdirilib.

 

Qeyd edək ki, Dövlət Komitəsində könüllülər üçün təcrübə proqramı davamlı xarakter daşıyır. Hazırda komitədə 23 nəfər gənc könüllü fəaliyyət göstərir.

18 Fevral, 2020 / Tədbirlər “Əsgərə salam” futzal turnirində finalçılar məlum olub
17 Fevral, 2020 / Tədbirlər Qaradağlı faciəsinin 28-ci ildönümü qeyd edilib
17 Fevral, 2020 / Tədbirlər Kürdəxanıda məcburi köçkünlərə pulsuz hüquqi yardım göstərilib
11 Fevral, 2020 / Tədbirlər Kürdəxanı qəsəbəsində məcburi köçkünlərə hüquqi yardım xidmətləri göstəriləcək
10 Fevral, 2020 / Tədbirlər “Əsgərə salam” futzal turniri davam edir
01 Fevral, 2020 / Tədbirlər Məcburi köçkün gənclər arasında “Əsgərə salam” adlı futzal turniri başlandı
31 Yanvar, 2020 / Tədbirlər Dövlət Komitəsi tərəfindən Gənclər günü münasibəti ilə fləşmob və gənc əsgərlərlə görüş keçirilib
28 Yanvar, 2020 / Tədbirlər Dövlət Komitəsində növbəti kollegiya iclası keçirilib
21 Yanvar, 2020 / Tədbirlər “Əsgərə salam” aksiyası davam edir
17 Yanvar, 2020 / Tədbirlər Dövlət Komitəsində 20 Yanvar faciəsinin 30-cu ildönümünə həsr olunmuş tədbir keçirilib
17 Yanvar, 2020 / Tədbirlər Dövlət Komitəsində qanvermə aksiyası keçirilib
16 Yanvar, 2020 / Tədbirlər Taxtakörpü ərazisindəki üç yeni qəsəbənin ikisində laçınlı məcburi köçkünlərin yerləşdirilməsinə başlanılıb
30 Dekabr, 2019 / Tədbirlər Göygöl rayonunda məcburi köçkünlər üçün yeni məhəllənin açılışı olub
29 Dekabr, 2019 / Tədbirlər Ucarda və Göyçayda məcburi köçkünlər üçün yeni yaşayış binaları istifadəyə verilib
28 Dekabr, 2019 / Tədbirlər Kürdəmirdə 563 məcburi köçkün ailəsi üçün yeni yaşayış kompleksi istifadəyə verilib
27 Dekabr, 2019 / Tədbirlər Şirvan şəhərində məcburi köçkünlər üçün yeni yaşayış kompleksi istifadəyə verilib
27 Dekabr, 2019 / Tədbirlər Dövlət Komitəsində Xankəndinin işğal günü ilə bağlı tədbir keçirilib
25 Dekabr, 2019 / Tədbirlər Məcburi köçkünlərin iştirakı ilə bədii-musiqili tədbir keçirilib
24 Dekabr, 2019 / Tədbirlər Məcburi köçkünlərə 253 vakant iş yeri təklif olunub
19 Dekabr, 2019 / Tədbirlər Dövlətin məqsədi odur ki, “Böyük Qayıdış” proqramı tam olaraq icra olunsun