"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 895
Gənclər günü münasibəti ilə videokonfrans keçirilib
Tədbirlər 01 Fevral, 2021

Qaçqınların və Məcburi Köçkünlərin İşləri üzrə Dövlət Komitəsi ərazisi işğaldan azad edilmiş rayonlardan olan gənclərin iştirakı ilə onlayn rejimdə videokonfrans keçirib.

 

2 fevral Gənclər Gününə həsr olunan tədbirdə Dövlət Komitəsinin sədr müavini Fuad Hüseynov çıxış edərək bildirib ki, Azərbaycanda gənclərin inkişafına hərtərəfli dövlət qayğısı göstərilir. Ulu Öndər Heydər Əliyev hakimiyyətdə olduğu bütün dövrlərdə sağlam, savadlı və təşəbbüskar gənc nəslin yetişməsinə, onların vətənə məhəbbət ruhunda tərbiyə edilməsinə böyük önəm verib. Müstəqil dövlətimizin gənclər siyasətinin əsası Ulu Öndər tərəfindən qoyulub, cəmiyyətdə gənclərin rolunu yüksəltmək üçün zəruri tədbirlər görülüb, Gənclər Günü təsis olunub.

 

Prezident İlham Əliyev gənclərlə iş sahəsində dövlət siyasətini daha da təkmilləşdirib, onu zamanın çağırışlarına uyğunlaşdıraraq uğurla davam etdirir. Ölkənin siyasi, iqtisadi, mədəni həyatında gənclərin rolunun artırılması məqsədilə dövlət proqramları icra olunur.  Dövlət idarəçiliyinin müxtəlif sahələrində gənclərə böyük etimad göstərlir.

 

Qeyd olunub ki, bütövlükdə ölkədə həyata keçirilən islahatların, sosial, iqtisadi siyasətin mərkəzində Azərbaycan vətəndaşı, onun layiqli həyat səviyyəsinin təmin edilməsi, sosial müdafiəsinin gücləndirilməsi məsələsi dayanır. Əhalinin həssas kateqoriyasından olan insanlarla bağlı aparılan tədbirlər isə bu siyasətin prioritetini təşkil edir. Belə ki, məcburi köçkünlərin sosial problemlərinin həlli, mənzil-məişət şəraitinin yaxşılaşdırılması, məşğulluğunun təmin edilməsi üçün ardıcıl tədbirlər görülür. Eyni zamanda, məcburi köçkünlər sosial, tibb, təhsil, nəqliyyat, mənzil-kommunal və digər sahələrdə güzəştlərdən istifadə edirlər.

 

Birinci vitse-prezident xanım Mehriban Əliyevanın məcburi köçkün gənclərlə bağlı məsələlərə xüsusi həssaslıqla yanaşdığı, onların sağlamlığı, təhsili, sosial problemlərinin həlli, mədəni inkişafı üçün zəruri şəraitin yaradılmasına böyük qayğı göstərdiyi qeyd edilib.

 

Diqqətə çatdırılıb ki, ölkəmizin təhlükəsizliyinin təmin edilməsində, ərazi bütövlüyünün müdafiəsində gənclərin mühüm rolu vardır. 44 gün davam edən Vətən Müharibəsi dövründə gənclərimiz Prezident, Müzəffər Ali Baş Komandan İlham Əliyevin ətrafında bir yumruq kimi sıx birləşib, işğalçı Ermənistan üzərində parlaq zəfərin əldə olunmasına misilsiz töhfələr veriblər. Tarixi Qələbədə  böyük rolu olan gənclər işğaldan azad olunmuş ərazilərin yenidən qurulmasında və dirçəlməsində də fəal iştirak edəcəklər.

 

Daha sonra, Xocalı rayonundan Canəli Məmmədov, Laçın rayonundan Orxanpaşa İbadov, Cəbrayıl rayonundan Lalə Novruzova, Ağdam rayonundan Anar Əsgərov, Zəngilan rayonundan Xəzər Bağırov çıxış ediblər. Onlar Gənclər Gününü artıq məcburi köçkün kimi deyil, ərazisi işğaldan azad olunmuş rayonların sakini kimi qürurla qeyd etdiklərini məmnunluqla bildiriblər. Bu qüruru və sevinci onlara yaşatdığına görə Prezident İlham Əliyevə təşəkkür edən gənclər  işğaldan azad olunmuş ərazilərin dirçəldilməsi üçün əllərindən gələni əsirgəməyəcəklərini, əzmkarlıq göstərəcəklərini vurğulayıblar.     

10 May, 2022 / Tədbirlər Dövlət Komitəsində Ulu Öndər Heydər Əliyevin anadan olmasının 99-cu ildönümü ilə bağlı tədbir keçirilib
04 May, 2022 / Tədbirlər Dövlət Komitəsinin gənc əməkdaşlarına YAP-ın üzvlük vəsiqəsi təqdim edilib
20 Aprel, 2022 / Tədbirlər Dövlət Komitəsində “Tanrı yoxuşu” kitabının təqdimatı keçirilib
15 Aprel, 2022 / Tədbirlər “Hökumətin fermerlərə dəstək mexanizmləri” mövzusunda təlim keçirilib
15 Fevral, 2022 / Tədbirlər Dövlət Komitəsində kollegiya iclası keçirilib
02 Fevral, 2022 / Tədbirlər Gənclər günü münasibəti ilə “Qarabağlı, Zəngəzurlu gəncliyimiz” adlı videokonfrans keçirilib
19 Yanvar, 2022 / Tədbirlər ANAMA Dövlət Komitəsinin əməkdaşlarına təlim keçib
09 Dekabr, 2021 / Tədbirlər “Qobu Park”da mina təhlükəsizliyi üzrə innovativ tədbir keçirilib
11 Noyabr, 2021 / Tədbirlər Məcburi köçkünlərə dəstək tədbiri keçirilib
10 Noyabr, 2021 / Tədbirlər “Zəfər arzuları” sosial aksiyası yekunlaşıb
05 Noyabr, 2021 / Tədbirlər “Zəfər arzuları” adlı sosial aksiya keçirilib
09 Oktyabr, 2021 / Tədbirlər Dövlət Komitəsinin sədr müavini BMT-nin tədbirində çıxış edib
27 Sentyabr, 2021 / Tədbirlər Bölgələrdəki nümayəndəliklər şəhidlərin xatirəsini yad ediblər
27 Sentyabr, 2021 / Tədbirlər Dövlət Komitəsində şəhidlərin xatirəsi yad olunub
30 İyun, 2021 / Tədbirlər Şəhidlərin xatirəsi əbədiləşdirilib
25 İyun, 2021 / Tədbirlər Məcburi köçkünlər və jurnalistlər üçün mina təhlükəsinə dair təlim təşkil edilib
23 İyun, 2021 / Tədbirlər Şəhid dövlət qulluqçusunun məzarı ziyarət olunub
03 İyun, 2021 / Tədbirlər Mina təhlükəsizliyinə dair maarifləndirmə təlimlərinə yekun vurulub
02 İyun, 2021 / Tədbirlər Tərtərdə mina təhlükəsizliyinə dair maarifləndirmə tədbiri keçirilib
01 İyun, 2021 / Tədbirlər Mina təhlükəsizliyinə dair maarifləndirmə təlimlərinə başlandı