"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 562
Turnirin ən yaxşıları və müsabiqənin qalibləri mükafatlandırılıblar
Tədbirlər 04 Mart, 2020

Qaçqınların və Məcburi Köçkünlərin İşləri üzrə Dövlət Komitəsində “Əsgərə salam” hərbi-vətənpərvərlik aksiyası çərçivəsində keçirilmiş futzal turnirinin ən yaxşıları və məktəblilər arasında inşa müsabiqəsinin qalibləri ilə  görüş olub.

 

Dövlət Komitəsinin sədri Rövşən Rzayev aksiyanın fəal iştirakçısı olan məcburi köçkün yeniyetmə və gəncləri salamlayıb, yüksək vətənpərvərlik göstərdiklərinə və öz bacarıqlarını nümayiş etdirdiklərinə görə onlara təşəkkürünü bildirib.

 

Prezident İlham Əliyevin rəhbərliyi ilə uğurla həyata keçirilən idman və gənclər siyasətinin ölkəmizdə gənc nəslin fiziki və mənəvi sağlamlığının təmin edilməsinə yönəldiyi, bu sahədə böyük nailiyyətlər əldə olunduğu diqqətə çatdırılıb. Vurğulanıb ki, məcburi köçkünlər arasında da bədən tərbiyəsi və  idmanın kütləviliyinin təmin edilməsi, həmçinin bu kateqoriyadan olan yeniyetmə və gənclərin yaradıcılıq imkanlarının artırılması üçün məqsədyönlü tədbirlər həyata keçirilir.

 

Birinci vitse-prezident xanım Mehriban Əliyevanın qaçqın və məcburi köçkünlərlə bağlı məsələlərə xüsusi həssaslıqla yanaşdığı, onların sağlamlığı, təhsili, sosial problemlərinin həlli, mədəni inkişafı üçün zəruri şəraitin yaradılmasına böyük qayğı göstərdiyi qeyd edilib.    

 

Heydər Əliyev Fondunun dəstəyi ilə Dövlət Komitəsinin bu il yanvarın 17-də başlatdığı “Əsgərə salam” hərbi vətənpərvərlik aksiyasının ölkəmizdə böyük maraqla qarşılandığı, aksiyaya cəmiyyətin bütün təbəqələrinin fəal şəkildə qoşulduqları bildirilib. Ölkəmizdə və onun hüdudlarından kənarda yaşayan, müxtəlif sahələrdə çalışan yüz minlərlə insan xalqımıza və müstəqil dövlətimizə sədaqətlə xidmət edən, sərhədlərimizin keşiyində ayıq-sayıq dayanan hərbiçilərimizə sosial şəbəklərdə əsgər salamı göndərməklə Silahlı Qüvvələrimizə və Ali Baş Komandana öz etimad və dəstəklərini bir daha nümayiş etdiriblər. Onların fərdi və ya kollektiv qaydada hərbi salam verməsini əks etdirən fotoşəkillər, videoçarxlar sosial şəbəkələrdə və digər internet resurslarında geniş yayılıb, paylaşılıb və bəyənilib.  

 

Dövlət Komitəsi aksiya çərçivəsində bir-birindən fərqli tədbirlər də həyata keçirib.

 

Belə tədbirlərdən biri, məcburi köçkün gənclər arasında idmanın kütləviliyinin artırılması məqsədilə ilk dəfə keçirilən  “Əsgərə salam” futzal turniri olub. Turnirdə komitənin tabeliyində olan  mənzil-kommunal istismar sahələrinin xidmət etdikləri məcburi köçkün qəsəbələrində yaradılmış  9 komanda iştirak edib. Bakı, Sumqayıt və Abşeron rayonu ərazisindəki qəsəbələri təmsil edən bu komandalar arasında birinci yeri paytaxtın Qaradağ rayonunun Müşfiqabad qəsəbəsində məcburi köçkünlərin müvəqqəti məskunlaşdığı yaşayış kompleksinin “Ərgünəş” komandası  tutub.

 

Ərazisi işğalda olan rayonların məktəbliləri arasında keçirilmiş  inşa müsabiqəsi isə məcburi köçkün yeniyetmələrin vətən keşikçiləri haqqında öz ürək sözlərini, duyğu və düşüncələrini ifadə etməsinə şərait yaradıb. Müsabiqəyə Şuşa, Laçın, Kəlbəcər, Xocavənd, Xocalı, Ağdam, Zəngilan, Füzuli, Cəbrayıl, Qubadlı rayonlarının məktəblilərindən ümumilikdə 41 iş göndərilib. İnşa işləri birinci mərhələdə rayon təhsil şöbələri, sonra isə Dövlət Komitəsində yaradılmış münsiflər heyəti tərəfindən qiymətləndirilib.

 

Dövlət Komitəsində keçirilən görüşdə futzal turnirinin ən yaxşıları və inşa müsabiqəsinin qalibləri mükafatlandırılıblar.

18 Mart, 2020 / Tədbirlər Məcburi köçkün ailələrə bayram sovqatı paylanılıb
11 Mart, 2020 / Tədbirlər Dövlət Komitəsinin nümayəndəsi Brüsseldə keçirilən tədbirdə iştirak edib
07 Mart, 2020 / Tədbirlər Şəkidə məcburi köçkünlər üçün sağlamlıq aksiyası keçirilib
26 Fevral, 2020 / Tədbirlər Xocalı soyqırımı qurbanlarının “Qobu Park”da işıqlı xatirəsi…
25 Fevral, 2020 / Tədbirlər Məcburi köçkünlər “Xocalı - bu olub” tamaşasına baxıblar
24 Fevral, 2020 / Tədbirlər “Əsgərə salam” futzal turniri başa çatdı
21 Fevral, 2020 / Tədbirlər Xocalı soyqırımının 28-ci ildönümünə həsr olunmuş anım tədbiri keçirilib
18 Fevral, 2020 / Tədbirlər “Əsgərə salam” futzal turnirində finalçılar məlum olub
17 Fevral, 2020 / Tədbirlər Qaradağlı faciəsinin 28-ci ildönümü qeyd edilib
17 Fevral, 2020 / Tədbirlər Kürdəxanıda məcburi köçkünlərə pulsuz hüquqi yardım göstərilib
11 Fevral, 2020 / Tədbirlər Kürdəxanı qəsəbəsində məcburi köçkünlərə hüquqi yardım xidmətləri göstəriləcək
10 Fevral, 2020 / Tədbirlər “Əsgərə salam” futzal turniri davam edir
01 Fevral, 2020 / Tədbirlər Məcburi köçkün gənclər arasında “Əsgərə salam” adlı futzal turniri başlandı
31 Yanvar, 2020 / Tədbirlər Dövlət Komitəsi tərəfindən Gənclər günü münasibəti ilə fləşmob və gənc əsgərlərlə görüş keçirilib
28 Yanvar, 2020 / Tədbirlər Dövlət Komitəsində növbəti kollegiya iclası keçirilib
21 Yanvar, 2020 / Tədbirlər Bir qrup gəncin könüllülük fəaliyyəti uğurla başa çatıb
21 Yanvar, 2020 / Tədbirlər “Əsgərə salam” aksiyası davam edir
17 Yanvar, 2020 / Tədbirlər Dövlət Komitəsində 20 Yanvar faciəsinin 30-cu ildönümünə həsr olunmuş tədbir keçirilib
17 Yanvar, 2020 / Tədbirlər Dövlət Komitəsində qanvermə aksiyası keçirilib
16 Yanvar, 2020 / Tədbirlər Taxtakörpü ərazisindəki üç yeni qəsəbənin ikisində laçınlı məcburi köçkünlərin yerləşdirilməsinə başlanılıb