"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 309
“Qobu Park”da məcburi köçkünlərə dəstək tədbirləri həyata keçirilib
Tədbirlər 21 Sentyabr, 2019

Sentyabrın 20-21-də Azərbaycan Respublikası Qaçqın və Məcburi Köçkünlərin İşləri üzrə Dövlət Komitəsinin dəstəyi ilə Koreya Respublikasının ölkəmizdəki Səfirliyi, SEBA (Seul-Bakı) Azərbaycan-Koreya Mədəniyyət Mübadiləsi Assosiasiyası İctimai Birliyi və “SEBA” Koreya Şərq Təbabəti Klinikası Bakının Qaradağ rayonunun Lökbatan qəsəbəsindəki “Qobu Park” yaşayış kompleksində məcburi köçkünlərə dəstək tədbirləri həyata keçiriblər.


Dəstək tədbirlərinə məcburi köçkünlərin tibbi müayinəsi, kompleksdə fəaliyyət göstərən ümumtəhsil müəssisələrinə texniki avadanlıqların və dərs ləvazimatlarının hədiyyə edilməsi, şagirdlər arasında keçirilən inşa müsabiqəsinin qaliblərinin mükafatlandırılması, həmçinin məcburi köçkün ailələri ilə görüş daxil idi.


Yaşayış kompleksinin ərazisində Ağdam rayon 32 nömrəli və Laçın rayon 29 nömrəli tam orta məktəblərinin yerləşdikləri binanın akt zalında keçirilən yığıncaqda Koreya Respublikasının Azərbaycandakı fövqəladə və səlahiyyətli səfiri Kim Tonq Op çıxış edərək, ölkələrimiz arasındakı dostluq və əməkdaşlıq əlaqələri haqqında danışıb, koreya xalqının da qaçqınlıq və köçkünlük problemləri yaşadığını, məcburi köçkün ailələrdən olan şəxslərin sonradan ölkənin dövlət idarəçiliyində və biznes sektorunda yüksək mövqe qazandıqlarını vurğulayıb. Koreyalı diplomat Azərbaycan dövlətinin qaçqın və məcburi köçkün problemlərinin həlli sahəsindəki təcrübəsinin bütün dünya üçün nümunə olduğunu qeyd edib, ölkəsinin azərbaycanlı qaçqın və məcburi köçkünlərə bundan sonra da dəstək verəcəyini bildirib.


“SEBA” Koreya Şərq Təbabəti Klinikasının baş həkimi İsmət xanım Qasımzadə məlumat verib ki, artıq beş ildir ki, məcburi köçkün qəsəbələrində pulsuz tibbi xidmət aksiyaları həyata keçirdiklərini, doğma yurdundan didərgin düşmüş insanların sağlamlığının bərpasına yardım göstərməyi mənəvi borc hesab etdiklərini bildirib. Qeyd edib ki, koreyalı və azərbaycanlı həkimlərdən ibarət tibbi heyət iki gün ərzidnə “Qobu Park” sakinərinə xidmət edib. Ümumilikdə, 600-dən çox məcburi köçkün müayinə olunub.


Yığıncaqda səfirliyin təşəbbüsü ilə Ağdam rayon 32 nömrəli və Laçın rayon 29 nömrəli tam orta məktəblərin II-XI sinifləri arasında keçirilmiş “Vətənim Azərbaycandır” mövzusunda inşa müsabiqəsinin qalibləri mükafatlandırılıblar. Qaliblərə hədiyyələr, hər iki məktəbə isə müxtəlif texniki avadanlıqlar və dərs ləvazimatı təqdim olunub.


Rəsmi hissə başa çatdıqdan sonra isə tədbir iştirakçıları “Bakı K-pop Festivalı-2019” festivalının qalibi olmuş “7 sins” və “The legend” qruplarının ifasında Koreya, məcburi köçkün məktəblilərin ifasında isə Azərbaycan xalq rəqslərinə tamaşa ediblər.
Sonra səfir Kim Tonq Op məcburi köçkünlərin tibbi müayinəsinin gedişi ilə tanış olub və 2016-cı ilin aprel döyüşlərinin iştirakçısı, baş leytenant, qazi Əhliyyət Mehdiyevin ailəsinə baş çəkib, gənc ailəyə hədiyyələr təqdim edib.


Koreya Respublikasının Azərbaycandakı səfirliyi Dağlıq Qarabağ münaqişəsi nəticəsində yurdlarından didərgin düşmüş məcburi köçkünlərə dəstək tədbirlərini 2014-cü ildən təşkil edir. Bu cür tədbirlər ölkələrimiz arasında dostluq münasibətlərini daha da möhkəmləndirilməsinə öz müsbət təsirini göstərir.


“Qobu Park” yaşayış kompleksində keçirilən tədbirdə Azərbaycan Respublikası Qaçqın və Məcburi Köçkünlərin işləri üzrə Dövlət Komitəsinin məsul şəxsləri iştirak ediblər.

 

 

21 Yanvar, 2020 / Tədbirlər Bir qrup gəncin könüllülük fəaliyyəti uğurla başa çatıb
21 Yanvar, 2020 / Tədbirlər “Əsgərə salam” aksiyası davam edir
17 Yanvar, 2020 / Tədbirlər Dövlət Komitəsində 20 Yanvar faciəsinin 30-cu ildönümünə həsr olunmuş tədbir keçirilib
17 Yanvar, 2020 / Tədbirlər Dövlət Komitəsində qanvermə aksiyası keçirilib
16 Yanvar, 2020 / Tədbirlər Taxtakörpü ərazisindəki üç yeni qəsəbənin ikisində laçınlı məcburi köçkünlərin yerləşdirilməsinə başlanılıb
30 Dekabr, 2019 / Tədbirlər Göygöl rayonunda məcburi köçkünlər üçün yeni məhəllənin açılışı olub
29 Dekabr, 2019 / Tədbirlər Ucarda və Göyçayda məcburi köçkünlər üçün yeni yaşayış binaları istifadəyə verilib
28 Dekabr, 2019 / Tədbirlər Kürdəmirdə 563 məcburi köçkün ailəsi üçün yeni yaşayış kompleksi istifadəyə verilib
27 Dekabr, 2019 / Tədbirlər Şirvan şəhərində məcburi köçkünlər üçün yeni yaşayış kompleksi istifadəyə verilib
27 Dekabr, 2019 / Tədbirlər Dövlət Komitəsində Xankəndinin işğal günü ilə bağlı tədbir keçirilib
25 Dekabr, 2019 / Tədbirlər Məcburi köçkünlərin iştirakı ilə bədii-musiqili tədbir keçirilib
24 Dekabr, 2019 / Tədbirlər Məcburi köçkünlərə 253 vakant iş yeri təklif olunub
19 Dekabr, 2019 / Tədbirlər Dövlətin məqsədi odur ki, “Böyük Qayıdış” proqramı tam olaraq icra olunsun
14 Dekabr, 2019 / Tədbirlər Məcburi köçkünlər arasında futzal turniri keçiriləcək
11 Dekabr, 2019 / Tədbirlər Dövlət Komitəsinin sədri və Almaniyanın ölkəmizdəki səfiri Mingəçevirdə gənclərlə görüşüblər
10 Dekabr, 2019 / Tədbirlər Məcburi köçkün gənclər kiçik sahibkarlıq fəaliyyətinə başlamaq üçün avadanlıqlarla təmin edilib
09 Dekabr, 2019 / Tədbirlər “Qobu Park-2” yaşayış kompleksində məcburi köçkünlərə hüquqi yardım göstərilib
29 Noyabr, 2019 / Tədbirlər 833 məcburi köçkün gəncə şəxsi biznesini qurmaq üçün avadanlıqlar təqdim edilib
19 Noyabr, 2019 / Tədbirlər Məcburi köçkünlər üçün əmək yarmarkası keçirilib
02 Noyabr, 2019 / Tədbirlər Ağdam rayonunda məcburi köçkünlər üçün tibbi aksiya keçirilir