"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 838
“Qobu Park-2” yaşayış kompleksində məcburi köçkünlərə hüquqi yardım göstərilib
Tədbirlər 09 Dekabr, 2019

Azərbaycan Respublikası Vəkillər Kollegiyasının və Qaçqınların və Məcburi Köçkünlərin İşləri üzrə Dövlət Komitəsinin birgə təşkilatçılığı ilə Bakının Qaradağ rayonunda "Qobu Park-2" yaşayış kompleksində məcburi köçkünlərə pulsuz hüquqi yardım aksiyası keçirilib.

 

Kompleksdə yerləşən Zəngilan rayon 20 saylı tam orta məktəbdə təşkil edilmiş aksiyada Dövlət Komitəsinin hüquq sektorunun müdiri Ziya Məmmədov və Bakı şəhər 20 saylı vəkil bürosunun rəhbəri İlhamə Həsənova çıxış edərək bildiriblər ki, tədbirin məqsədi qaçqınların və məcburi köçkünlərin hüquqi maarifləndirilməsi, onlara bu sahədə əməl kömək göstərilməsidir.

 

Qeyd edilib ki, Prezident İlham Əliyev qaçqınların və məcburi köçkünlərin problemlərinin həllini sosial siyasətin prioritet istiqamətlərindən biri kimi müəyyənləşdirib. Onların mənzil-məişət şəraitinin və maddi vəziyyətinin yaxşılaşdırılması, məşğulluğunun artırılması istiqamətində məqsədyönlü ardıcıl iş aparılır. Birinci vitse-prezident xanım Mehriban Əliyeva məcburi köçkünlərin mənzil, təhsil, sağlamlıq problemlərinin həllinə xüsusi diqqət və qayğı göstərir. Bu sahədə Heydər Əliyev Fondunun həyata keçirdiyi layihələr də davamlı xarakter daşıyır.

 

Dövlətimizin başçısının təşəbbüsü və rəhbərliyi ilə hazırda ölkəmizdə hüquqi islahatların aparıldığı, bu islahatların insan və vətəndaş hüquq və azadlıqlarının yüksək səviyyədə təmin olunmasına şərait yaratdığı, məhkəmə-hüquq sistemində şəffaflığı daha da genişləndirdiyi, müasir informasiya-kommunikasiya texnologiyalarının tətbiqi ilə vətəndaşlara göstərilən hüquqi xidmətlərdə ciddi keyfiyyət dəyişikliyi yaratdığı qeyd edilib.

 

Bildirilib ki, qaçqınların və məcburi köçkünlərin hüquqlarının qorunması, qanuni mənafelərinin təmin edilməsi dövlətimizin bu kateqoriyadan olan insanlarla iş sahəsində apardığı siyasətin vacib elementidir. Onlar da, digər vətəndaşlar kimi, şəxsi və ictimai həyatda zəruri hüquqi dəstək tələb edən müxtəlif məsələlərlə üzləşir, bu zaman bəzən maddi imkansızlıqdan peşəkar hüquqşünasların xidmətlərindən istifadə etməyə çətinlik çəkirlər.

 

Vəkillər Kollegiyasının rəhbərliyi bunu nəzər alaraq, öz üzvlərinə məcburi köçkünlərə dəstək verməyi tövsiyə edib. Bakı şəhər 20 saylı Vəkil Bürosu bu təşəbbüsə birinci olaraq qoşulub. Büronun rəhbəri İlhamə Həsənova, vəkillər - Gülnar Qulizadə, Abdul Bağırov, Rubayıl Səfərov, Nəsimi Cəfərov, Yeganə Məmmədova, Pərvanə Məmmədova, Taleh Abbasov, Turan Abdullazadə, Əlibaba Əliyev və Elçin Mikayılov "Qobu Park-2" yaşayış kompleksində müvəqqəti məskunlaşmış məcburi köçkünlərə vətəndaşların müraciətlərinə baxılması qaydaları, pensiya təminatı, məcburi köçkünlərin imtiyazları, sahibkarlıq məsələləri və s. barədə ətraflı məlumat veriblər.

 

Sonra məcburi köçkünlərin fərdi müraciətləri dinlənilib, sualları cavablandırılıb, həmçinin hüquqi yardıma ehtiyacı olan 100 nəfərə yaxın məcburi köçkünə məsləhət verilib və əməli yardım göstərilib.

 

Məcburi köçkünlərə ödənişsiz hüquqi yardım layihəsi respublikamızdakı digər müvafiq qəsəbələrdə də təşkil olunacaq.

 

 

 

 

 

25 Sentyabr, 2020 / Tədbirlər Məcburi köçkünlər üçün keçirilən ilk yardım təlimləri başa çatıb
23 Sentyabr, 2020 / Tədbirlər Quzanlıda ilk yardım təlimləri başladı
03 Sentyabr, 2020 / Tədbirlər “Əsgərə salam” layihəsinə daha üç şəhidin övladları qoşulub
20 Avqust, 2020 / Tədbirlər Şəhid övladları "Əsgərə salam" layihəsində
10 Avqust, 2020 / Tədbirlər Dövlət Komitəsi “Öncə Vətən” adlı sosial layihəyə start verib
25 İyun, 2020 / Tədbirlər Silahlı Qüvvələr Günü münasibəti ilə “Əsgərə salam”
23 İyun, 2020 / Tədbirlər Məcburi köçkünlərlə diaspor nümayəndələrinin videogörüşü keçirilib
11 İyun, 2020 / Tədbirlər Səfirlərin ailə üzvləri köçkünlər qəsəbəsində
02 İyun, 2020 / Tədbirlər “Qobu park 3” yaşayış kompleksinə köçürülmə başlanılır
18 May, 2020 / Tədbirlər Qobu Park yaşayış kompleksini içməli su ilə təmin etmək üçün yeni magistral kəmər çəkilib
09 May, 2020 / Tədbirlər Dövlət Komitəsinin sədri “Şuşa Azərbaycanın tarixi mədəniyyət mərkəzidir” mövzusunda keçirilən videokonfrasda iştirak edib
30 Aprel, 2020 / Tədbirlər Məcburi köçkünlər üçün "Eyvana çıx" layihəsi çərçivəsində canlı muğam konsert proqramı təşkil edilib
15 Aprel, 2020 / Tədbirlər Dövlət Komitəsi və “Azərişıq” ASC birlikdə yardım aksiyası həyata keçiriblər
29 Mart, 2020 / Tədbirlər Məcburi köçkünlərin müvəqqəti məskunlaşma yerləri dezinfeksiya olunur
18 Mart, 2020 / Tədbirlər Məcburi köçkün ailələrə bayram sovqatı paylanılıb
11 Mart, 2020 / Tədbirlər Dövlət Komitəsinin nümayəndəsi Brüsseldə keçirilən tədbirdə iştirak edib
07 Mart, 2020 / Tədbirlər Şəkidə məcburi köçkünlər üçün sağlamlıq aksiyası keçirilib
04 Mart, 2020 / Tədbirlər Turnirin ən yaxşıları və müsabiqənin qalibləri mükafatlandırılıblar
26 Fevral, 2020 / Tədbirlər Xocalı soyqırımı qurbanlarının “Qobu Park”da işıqlı xatirəsi…
25 Fevral, 2020 / Tədbirlər Məcburi köçkünlər “Xocalı - bu olub” tamaşasına baxıblar