"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 515
Qarabağ Dirçəliş Fondunun Müşahidə Şurasının ikinci iclası keçirilib
Tədbirlər 22 Aprel, 2021

Aprelin 21-də Qarabağ Dirçəliş Fondunun Müşahidə Şurasının (MŞ) ikinci iclası keçirilib.

 

Onlayn formatda keçirilən iclasda Müşahidə Şurasının sədri, Azərbaycan Respublikasının iqtisadiyyat naziri Mikayıl Cabbarov, Şuranın üzvləri - ekologiya və təbii sərvətlər naziri Muxtar Babayev, Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev, Milli Məclisin deputatı, Azərbaycan Respublikasının Dağlıq Qarabağ Bölgəsinin Azərbaycanlı İcması İctimai Birliyinin sədri Tural Gəncəliyev, Milli Məclisin deputatı Fatma Yıldırım, Bakı Musiqi Akademiyasının rektoru Fərhad Bədəlbəyli, Azərbaycan Dövlət İqtisad Universitetinin rektoru Ədalət Muradov, Azərbaycan Dillər Universitetinin rektoru Kamal Abdulla və Azərbaycanın Xalq artisti Alim Qasımov, həmçinin Qarabağ Dirçəliş Fondunun İdarə Heyətinin sədri Rəhman Hacıyev iştirak ediblər.

 

Prezident İlham Əliyevin Fondun qarşısında qoyduğu vəzifələri müzakirə edən tədbir iştirakçıları işğaldan azad olunmuş ərazilərin dirçəlişinə töhfə verə biləcək dayanıqlı bir təşkilatın yaradılmasının zəruriliyini xüsusilə vurğulayıblar.

 

Fondun aparatının təşkilati strukturunun və ştat cədvəlinin layihələri, habelə Fondun Fəaliyyət Planı, Əməliyyat büdcəsi və 2021-ci il üçün İnvestisiya Siyasəti Müşahidə Şurasının üzvlərinin diqqətinə çatdırılıb.

 

Bu sənədlərin əsasını dövlətimizin başçısının fərmanlarından irəli gələn tapşırıqlar, eləcə də qarşıya qoyulan vəzifələrin öhdəsindən gələ biləcək dayanıqlı bir təşkilatın yaradılması məqsədilə istifadə edilən müasir korporativ idarəetmə prinsipləri təşkil edib.

 

Sonra Müşahidə Şurası üzvlərinin səsverməsi keçirilib və təqdim olunan sənədlərin layihələri təsdiqlənib.

 

Müşahidə Şurasının üzvlərinə, həmçinin Qarabağın erməni işğalı nəticəsində dəymiş ziyana dair 10 mindən çox fotosübutun yer aldığı “Karabakh Center” portalının layihəsi də təqdim edilib.

 

Burada dağıdılmış yüzlərlə binanın, Azərbaycan xalqının tarixi, memarlıq, dini, mədəni abidələrinin fotoşəkilləri, eləcə də Ermənistan-Azərbaycan münaqişəsinin tarixi və səbəbləri ilə bağlı eksklüziv materiallar yerləşdirilib. Portala mütəmadi olaraq yeni materiallar əlavə ediləcək.

 

Portal Azərbaycan və rus dillərində hazırlanıb, ingilisdilli versiyası üzərində iş isə yaxın zamanda yekunlaşdırılacaq. Gələcəkdə bütün materialların bir neçə digər dilə tərcüməsi və internetdə, xüsusilə də sosial şəbəkələrdə fəal şəkildə təbliği planlaşdırılır.

 

Portal yaxın vaxtlarda ictimaiyyətə təqdim ediləcək.

 

“Karabakh Center” portalı Azərbaycan Respublikasının Birinci vitse-prezidenti Mehriban Əliyevanın təşəbbüsü ilə Qarabağ Dirçəliş Fondu tərəfindən yaradılıb.

 

İclas iştirakçıları Prezident İlham Əliyevin Fərmanına əsasən Qarabağ Dirçəliş Fondunun yaradılmasının xüsusi əhəmiyyətini bir daha vurğulayıb və Fondun qarşısında qoyulan vəzifələrin öhdəsindən layiqincə gələcəyinə əminliklərini ifadə ediblər.

30 İyun, 2021 / Tədbirlər Şəhidlərin xatirəsi əbədiləşdirilib
25 İyun, 2021 / Tədbirlər Məcburi köçkünlər və jurnalistlər üçün mina təhlükəsinə dair təlim təşkil edilib
23 İyun, 2021 / Tədbirlər Şəhid dövlət qulluqçusunun məzarı ziyarət olunub
03 İyun, 2021 / Tədbirlər Mina təhlükəsizliyinə dair maarifləndirmə təlimlərinə yekun vurulub
02 İyun, 2021 / Tədbirlər Tərtərdə mina təhlükəsizliyinə dair maarifləndirmə tədbiri keçirilib
01 İyun, 2021 / Tədbirlər Mina təhlükəsizliyinə dair maarifləndirmə təlimlərinə başlandı
27 May, 2021 / Tədbirlər Respublika Günü ilə əlaqədar ağacəkmə aksiyası keçirilib
26 Aprel, 2021 / Tədbirlər Dövlət Komitəsi yanında İctimai Şuraya seçkilər keçirilib
13 Mart, 2021 / Tədbirlər İnklüziv sosial inkişaf və sosial təminat üzrə alt İşçi Qrupunun iclası keçirilib
11 Mart, 2021 / Tədbirlər Füzuli rayonunda məcburi köçkünlərə yeni evlər verilib
04 Mart, 2021 / Tədbirlər İşğaldan azad edilmiş ərazilərdə məsələlərin mərkəzləşdirilmiş qaydada həlli üçün yaradılmış Əlaqələndirmə Qərargahının növbəti iclası keçirilib
17 Fevral, 2021 / Tədbirlər Qaradağlı faciəsinin 29-cu ildönümü qeyd edilib
01 Fevral, 2021 / Tədbirlər Gənclər günü münasibəti ilə videokonfrans keçirilib
21 Yanvar, 2021 / Tədbirlər Dövlət Komitəsinin sədri Vətən Müharibəsi iştirakçısı olan əməkdaşlarla görüşüb
22 Oktyabr, 2020 / Tədbirlər Məcburi köçkünlərə 40 ton ərzaq yardımı göndərilib
21 Oktyabr, 2020 / Tədbirlər Koronavirus (COVID-19) pandemiyası ilə mübarizə çərçivəsində məcburi köçkünlərə yardım göstərilib
08 Oktyabr, 2020 / Tədbirlər Ermənistan təxribatı haqqında xarici diplomatlara məlumat verilib
25 Sentyabr, 2020 / Tədbirlər Məcburi köçkünlər üçün keçirilən ilk yardım təlimləri başa çatıb
23 Sentyabr, 2020 / Tədbirlər Quzanlıda ilk yardım təlimləri başladı
03 Sentyabr, 2020 / Tədbirlər “Əsgərə salam” layihəsinə daha üç şəhidin övladları qoşulub