"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 1111
“Böyük Qayıdış: Köçürülmə üzrə Püşkatma” tədbiri keçirilib
Tədbirlər 18 Noyabr, 2023

Qaçqınların və Məcburi Köçkünlərin İşləri üzrə Dövlət Komitəsi “Böyük Qayıdış: Köçürülmə üzrə Püşkatma” tədbiri keçirib. Füzuli şəhərinə növbəti mərhələdə köçürüləcək ailələr arasında keçirilən püşkatma mərasimində Azərbaycan Respublikası Prezidentinin Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) xüsusi nümayəndəliyinin, Milli Məclisin deputatları, mərkəzi icra hakimiyyəti orqanlarının nümayəndələri, ərazisi işğaldan azad olunmuş rayonların icra hakimiyyətlərinin rəsmiləri, Dövlət Komitəsi yanında İctimai Şuranın üzvləri, QHT nümayəndələri iştirak ediblər.

 

Dövlət Komitəsinin sədr müavini Fuad Hüseynov bildirib ki, hazırda Azərbaycan dövlətinin qarşısında işğaldan azad edilmiş ərazilərin bərpası, davamlı inkişafı və məcburi köçkünlərin doğma yurda qayıdışının təmin edilməsi kimi şərəfli vəzifə durur. Diqqətə çatdırılıb ki, Prezident İlham Əliyevin sosial siyasətində qaçqınlara və məcburi köçkünlərə dəstək və qayğı xüsusi yer tutur, Birinci vitse-prezident Mehriban Əliyeva  onların yaşayış şəraitinin yaxşılaşdırılmasını, təhsil, sağlamlıq, mədəni inkişaf  məsələlərinin həllini daim diqqətdə saxlayır.

 

Böyük Qayıdış üzrə I Dövlət Proqramı çərçivəsində Füzulidə tikilən yaşayış məhəllələrinə, növbəti mərhələdə, 122 ailə (461) nəfər köçürüləcəyini vurğulayan sədr müavini bununla da, şəhərdə 380 ailənin (1389 nəfər) daimi məskunlaşacağını diqqətə çatdırıb.

 

Prezident İlham Əliyevin tapşırıqlarına uyğun olaraq, Füzulidə məcburi köçkünlərin rahat və təhlükəsiz yaşayışının təmin edilməsi üçün zəruri infrastruktur yaradılıb. Qeyd edilib ki, məcburi köçkün ailələrin nümayəndələri püşkatma vasitəsilə onlara verilən evlərin dəqiq ünvanını müəyyənləşdirirlər.

 

Tədbirdə çıxış edən Milli Məclisin deputatı Vüqar Bayramov bildirib ki, müasir standartlara uyğun olaraq yenidən qurulan Füzuli şəhərində bərpa-quruculuq işləri davam edir. Püşkatmanın keçirilməsi, sakinlərin doğma yurdlarına qayıdışı orada yeni həyatın başlanmasını göstərir. Bu qürurverici mənzərədir. Füzuli bərpa və yenidənqurma mərhələsi ilə yanaşı, məskunlaşma, iqtisadiyyatın formalaşması və reinteqrasiya mərhələsinə də daxil olub.

 

BMTİP-nin Azərbaycandakı Rezident Nümayəndəsinin səlahiyyətlərini icra edən Alessandra Rokkasalvo insanların qayıdışa hazırlanmasını, nəsillər arasında bağ yaradılmasını yüksək qiymətləndirib. Qeyd edib ki, Azərbaycan məcburi köçkünlərin geri qayıdışı təcrübəsi ilə bağlı dünyaya nümunə yaradır.

 

Tezliklə daimi yaşayış üçün Füzuli şəhərinə qayıdacaq keçmiş məcburi köçkünlər çox böyük sevinc hissi keçirdiklərini qeyd ediblər. Onlar işğaldan azad olunmuş ərazilərdə yaradılan şəraitə və məcburi köçkünlərə göstərilən diqqət və qayğıya görə Prezident İlham Əliyevə və Birinci vitse-prezident xanım Mehriban Əliyevaya dərin minnətdarlıqlarını bildiriblər.

 

Püşkatmada iştirak edən ailələr indiyədək Bakı və Sumqayıt şəhərlərində, Abşeron rayonu ərazisində müvəqqəti məskunlaşma yerlərində yaşayıblar. Ailə tərkibinə uyğun olaraq, onlardan 47-i ikiotaqlı, 58-i üçotaqlı, 17-i dördotaqlı mənzil ilə təmin olunub.

 

Püşkatmada iştirak etmiş ailələr yaxın günlərdə Füzuli şəhərinə yola salınacaqlar.

 

27 Noyabr, 2023 / Tədbirlər Dövlət Komitəsinin təşkilati dəstəyi ilə tədbir təşkil edildi
20 Noyabr, 2023 / Tədbirlər “Bura mənim evimdir” filminin təqdimat mərasimi keçirilib
17 Noyabr, 2023 / Tədbirlər “Böyük Qayıdış: reinteqrasiya və icma əsaslı inkişaf” mövzusunda konfrans keçirilib
16 Noyabr, 2023 / Tədbirlər Səhiyyə Menecmenti Zirvəsində Böyük Qayıdışa həsr olunmuş panel müzakirəsi təşkil edilib
08 Noyabr, 2023 / Tədbirlər Şuşa şəhərinə növbəti infotur təşkil edilib
07 Noyabr, 2023 / Tədbirlər Dövlət Komitəsində Vətən müharibəsi iştirakçıları ilə görüş keçirilib
07 Noyabr, 2023 / Tədbirlər Zabuxa növbəti mərhələdə köçürüləcək sakinlər arasında püşkatma keçirilib
04 Noyabr, 2023 / Tədbirlər Zəngilanın Ağalı kəndinə infotur təşkil edilib
30 Oktyabr, 2023 / Tədbirlər Dövlət Komitəsində kollegiya iclası keçirilib
28 Oktyabr, 2023 / Tədbirlər Ağalı kəndinə köç edən ailələrə mənzillərin açarı təqdim edilib
26 Oktyabr, 2023 / Tədbirlər Bərdədə məcburi köçkünlər üçün məlumatlandırma seminarı təşkil edilib
25 Oktyabr, 2023 / Tədbirlər Şuşa şəhərinə növbəti infotur təşkil edilib
18 Oktyabr, 2023 / Tədbirlər Dövlət Komitəsi Füzuli şəhərinə infotur təşkil edib
06 Oktyabr, 2023 / Tədbirlər Füzuli şəhərinə köçürüləcək ailələr arasında növbəti püşkatma keçirilib
27 Sentyabr, 2023 / Tədbirlər Dövlət Komitəsində Xankəndinin azərbaycanlı sakinləri ilə görüş keçirilib
13 Sentyabr, 2023 / Tədbirlər Daha 123 nəfər Ağalıya köçürüldü
08 Sentyabr, 2023 / Tədbirlər Ağalı kəndinə növbəti köç üçün püşkatma keçirilib
12 Avqust, 2023 / Tədbirlər Daha 106 nəfər doğma yurda köçürüldü
09 Avqust, 2023 / Tədbirlər Laçının daha 93 sakini doğma yurda qayıtdı
07 Avqust, 2023 / Tədbirlər Zabuxa birinci mərhələdə köçürüləcək sakinlər arasında püşkatma keçirilib