Böyük Qayıdışa dair I Dövlət Proqramının Tədbirlər Planının icrası çərçivəsində Qaçqınların və Məcburi Köçkünlərin İşləri üzrə Dövlət Komitəsində əməkdaşlar üçün “Windows server inzibatçılığı” mövzusunda təlim təşkil edilib. Nəzəri və sual-cavab hissələrindən ibarət olan təlimin əsas məqsədi Dövlət Proqramının icrası çərçivəsində komitə əməkdaşlarının texniki bilik və bacarıqlarının artırılmasıdır. Təlimdə server konfiqurasiyası, istifadəçi və resursların idarə edilməsi, şəbəkə təhlükəsizliyi, məlumat bazalarının qorunması və sistem monitorinqi kimi əsas mövzular əhatə olunub. Təlimdə əməkdaşlar iştirak edərək, texniki biliklərini artırmaqla yanaşı, peşəkar bacarıqlarını da inkişaf etdiriblər. Bu, Dövlət Komitəsinin əməkdaşlarının iş proseslərinin səmərəliliyini artırmaq və qayıdış prosesi ilə bağlı texniki dəstək imkanlarını genişləndirmək baxımından böyük əhəmiyyət kəsb edir.