"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 532
Dövlət Komitəsində Vəkillər Kollegiyası ilə əməkdaşlıq memorandumu imzalanıb
Tədbirlər 07 Oktyabr, 2022

Oktyabrın 7-də Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsində Azərbaycan Respublikasının Vəkillər Kollegiyası ilə qarşılıqlı faydalı, uzunmüddətli və effektiv əlaqələrin qurulması və inkişafı üçün əməkdaşlıq çərçivəsini və koordinasiya prosedurlarını müəyyən edən memorandum imzalanıb. Memorandumu Dövlət Komitəsinin sədri Rövşən Rzayev və Vəkillər Kollegiyasının sədri Anar Bağırov imzalayıblar.

 

Dövlət Komitəsinin sədri bildirib ki, Prezident İlham Əliyev qaçqınların və məcburi köçkünlərin problemlərinin həllini sosial siyasətin prioritet istiqamətlərindən biri kimi müəyyənləşdirib. Onların mənzil-məişət şəraitinin və maddi vəziyyətinin yaxşılaşdırılması, məşğulluğunun artırılması istiqamətində məqsədyönlü ardıcıl iş aparılır. Birinci vitse-prezident xanım Mehriban Əliyeva məcburi köçkünlərin mənzil, təhsil, sağlamlıq problemlərinin həllinə xüsusi diqqət və qayğı göstərir.

 

Qeyd edilib ki, Prezident İlham Əliyevin təşəbbüsü və rəhbərliyi ilə ölkəmizdə həyata keçirilən hüquqi islahatlar insan və vətəndaş hüquq və azadlıqlarının yüksək səviyyədə təmin olunmasına şərait yaradır. Qaçqınların və məcburi köçkünlərin hüquqlarının qorunması, qanuni mənafelərinin təmin edilməsi dövlətimizin bu kateqoriyadan olan insanlarla iş sahəsində apardığı siyasətin vacib elementidir. Müzəffər Ali Baş Komandanın rəhbərliyi ilə Azərbaycan Ordusunun torpaqlarımızı işğaldan azad etməsi nəticəsində məcburi köçkünlərin beynəlxalq normalara əsaslanan hüquqlarından istifadə etməklə doğma yurdlarına qayıtmasına şərait yaranıb.

 

Vəkillər Kollegiyasının sədri Anar Bağırov əhalinin həssas kateqoriyalarından olan qaçqın və məcburi köçkünlərin hüquqlarının müdafiəsinin onların fəaliyyətlərində mühüm yer tutduğunu bildirib. O, kollegiya üzvlərinin iştirakı ilə məcburi köçkünlərin müvəqqəti məskunlaşdığı bir neçə qəsəbədə hüquqi yardım tədbirlərinin keçirildiyini xatırladıb. Qeyd edib, artıq məcburi köçkünlərin doğma yurdlarına könüllü, təhlükəsiz və ləyaqətlə qayıdışının təmin edilməsi üçün məqsədyönlü iş aparılır.

 

Tədbirdə Vəkillər Kollegiyasının beş illik fəaliyyətinə həsr olunan təqdimat nümayiş etdirilib.

 

Daha sonra Dövlət Komitəsinin sədrinə “Azərbaycan vəkilliyinin 100 illiyi” yubiley döş nişanı təqdim edilib.

 

Memorandum çərçivəsində məcburi köçkünlər üçün pulsuz hüquqi yardım və hüquqi maarifləndirmə tədbirlərinin təşkili edilməsi, mövcud səlahiyyətlər daxilində cəmiyyət üçün aktual olan məsələlərin həllində birgə iştirak, həmçinin beynəlxalq layihələrdə əməkdaşlıq nəzərdə tutulur.

13 Sentyabr, 2023 / Tədbirlər Daha 123 nəfər Ağalıya köçürüldü
08 Sentyabr, 2023 / Tədbirlər Ağalı kəndinə növbəti köç üçün püşkatma keçirilib
12 Avqust, 2023 / Tədbirlər Daha 106 nəfər doğma yurda köçürüldü
09 Avqust, 2023 / Tədbirlər Laçının daha 93 sakini doğma yurda qayıtdı
07 Avqust, 2023 / Tədbirlər Zabuxa birinci mərhələdə köçürüləcək sakinlər arasında püşkatma keçirilib
05 Avqust, 2023 / Tədbirlər Füzuli şəhərinə qayıdış başlayır
04 Avqust, 2023 / Tədbirlər Ağalı kəndinə növbəti köç üçün püşkatma keçirilib
18 İyul, 2023 / Tədbirlər Laçının daha 73 sakini doğma yurda qayıtdı
09 İyun, 2023 / Tədbirlər Ulu Öndər Heydər Əliyevin 100 illik yubileyinə həsr olunmuş mədəni-kütləvi tədbir keçirilib
02 İyun, 2023 / Tədbirlər Dövlət Komitəsində bir ilk: Dünya Bankı ilə qrant sazişi imzalandı
01 İyun, 2023 / Tədbirlər Uşaqların Beynəlxalq Müdafiəsi Günündə Dövlət Komitəsinin sədri ilə maraqlı debüt: Oyunun qalibi…
31 May, 2023 / Tədbirlər Məcburi köçkün məktəblilər arasında Ulu Öndər Heydər Əliyevin 100 illik yubileyinə həsr olunmuş şahmat turniri keçirilib
23 May, 2023 / Tədbirlər Ulu Öndər Heydər Əliyevin xatirəsinə həsr olunmuş ağacəkmə tədbirləri keçirilib
15 May, 2023 / Tədbirlər Ulu Öndər Heydər Əliyevin 100 illik yubileyinə həsr olunmuş turnir keçirilib
10 May, 2023 / Tədbirlər Dövlət Komitəsində ümummilli lider Heydər Əliyevə həsr olunmuş tədbir keçirilib
26 Aprel, 2023 / Tədbirlər Dövlət Komitəsində kollegiya iclası keçirilib
14 Aprel, 2023 / Tədbirlər Dövlət Komitəsində Başlıbel faciəsinin 30-cu ildönümünə həsr olunmuş tədbir keçirilib
12 Aprel, 2023 / Tədbirlər Məcburi köçkünlərə hüquqi yardım göstərilib
11 Aprel, 2023 / Tədbirlər Dövlət Komitəsində ümummilli lider Heydər Əliyevin 100 illiyinə həsr olunmuş tədbir keçirilib
17 Mart, 2023 / Tədbirlər Məcburi köçkünlərin sosial sahibkarlıq brendləri təqdim olunub