"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 819
Koreya səfirliyi məcburi köçkünlərə dəstək tədbirlərini gələcək illərdə daha da genişləndirəcək
Görüşlər 26 Noyabr, 2020

Noyabrın 26-da Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev Koreya Respublikasının Azərbaycan Respublikasındakı Fövqəladə və Səlahiyyətli səfiri Kim Tonq Opla görüşüb.

 

Görüşdə Ermənistanın işğalçılıq siyasəti, onun ağır nəticələrinin aradan qaldırılması, Azərbaycanın ərazi bütövlüyünün bərpası ilə bağlı mövcud vəziyyət, məcburi köçkünlər üçün tikilmiş qəsəbələrin artilleriya hücumu ilə dağıdılması, qaçqınların və məcburi köçkünlərin işğaldan azad edilən ərazilərə qayıtması məsələsi ətrafında fikir mübadiləsi aparılıb.

 

Qeyd olunub ki, Ermənistanın 1988-93-cü illərdə həyata keçirdiyi etnik təmizləmə və işğalçılıq siyasəti nəticəsində doğma yurdlarını tərk etməyə məcbur olmuş 1 milyondan çox həmvətənimiz respublikanın müxtəlif bölgələrində müvəqqəti məskunlaşıb. Prezident İlham Əliyev məcburi köçkünlərə hər zaman diqqət və qayğı göstərir. Bu kateqoriyadan olan soydaşlarımızın sosial problemlərinin həlli ilə bağlı dövlət başçısının müəyyənləşdirdiyi prioritet vəzifələr ardıcıllıqla yerinə yetirilir. Birinci vitse-prezident xanım Mehriban Əliyeva da məcburi köçkünlərə xüsusi qayğı ilə yanaşır, onun rəhbərliyi ilə böyük layihələr həyata keçirilir.

 

Görüşdə Ermənistanın hərbi təxribatının qarşısını almaq üçün Azərbaycan Ordusunun sentyabrın 27-dən noyabrın 10-dək apardığı əks-həmlə əməliyyatı haqqında məlumat verilib. Bildirilib ki, bu əməliyyat nəticəsində Azərbaycan özünün ərazi bütövlüyünü bərpa edib. Qeyd olunub ki, Ermənistan, Azərbaycan və Rusiya dövlət rəhbərlərinin Qarabağda silahlı münaqişənin dayandırılması məqsədilə imzaladıqları bəyanatda təsbit olunan tədbirlərin icrası azərbaycanlı məcburi köçkünlərin tarixən xalqımıza məxsus olan torpaqlara, oradakı ata-baba yurdlarına qayıtmasına şərait yaradır. Ölkə prezidentinin sərəncamlarına uyğun işlər aparılır, bu işlər bitdikdən sonra məcburi köçkünlər öz torpaqlarına qaytarılacaqlar.

 

Səfir Kim Tonq Op Koreyanın da bölünmə tarixini yaşadığından 10 milyona yaxın qaçqının olduğunu və bu səbəbdən qaçqın və məcburi köçkünlərin çətinliklərini çox yaxşı başa düşdüyünü qeyd edib. Koreya Respublikasının Azərbaycan Respublikasındakı səfirliyi 2014-cü ildən başlayaraq hər il Dağlıq Qarabağ münaqişəsi nəticəsində öz torpaqlarından didərgin düşmüş şəxslərə dəstək tədbirləri həyata keçirir. 2019-cu ildə Qaradağ rayonunda yerləşən məcburi köçkünlər üçün inşa edilmiş “Qobu Park” yaşayış kompleksinə səfər edərək sakinlər üçün könüllü tibbi xidmət, şagirdlər arasında inşa müsabiqəsi, məktəbin texniki avadanlıqlarla təmini, məcburi köçkün ailəsinə ziyarət kimi dəstək tədbirləri təşkil edib. Bu il pandemiya ilə əlaqədar olaraq yardım məhsullarının təminatı ilə kifayətlənməli olublar. 

 

Daha sonra “2020-ci il Qaçqın və Məcburi Köçkünlərə Dəstək Tədbiri” çərçivəsində qaçqın və məcburi köçkünlərə çatdırılacaq yardım məhsullarını təqdimatı keçirilib.

 

Səfirə məcburi köçkünlərə dəstək məqsədi ilə keçirilən tədbirlərə görə təşəkkür edilib və nəzərə çatdırılıb ki, bu yardım rayonlarda yaşayan məcburi köçkün ailələrinə paylanacaq. 

 

Koreya Respublikasının Azərbaycan Respublikasındakı səfirliyi  məcburi köçkünlərə dəstək tədbirlərini gələcək illərdə daha da genişləndirməyi planlaşdırır.

14 Aprel, 2021 / Görüşlər Dövlət Komitəsində Ukraynanın Baş nazirinin müavini ilə görüş keçirilib
12 Aprel, 2021 / Görüşlər Dövlət Komitəsində Türkiyənin ölkəmizdəki səfiri ilə görüş olub
13 Mart, 2021 / Görüşlər Dövlət Komitəsində Avropa İttifaqının Cənubi Qafqaz üzrə xüsusi nümayəndəsi ilə görüş olub
05 Mart, 2021 / Görüşlər Dövlət Komitəsində Böyük Britaniyanın səfiri ilə görüş keçirilib
15 Fevral, 2021 / Görüşlər Dövlət Komitəsində Almaniyanın Azərbaycandakı səfiri ilə görüş keçirilib
05 Fevral, 2021 / Görüşlər Məcburi köçkünlərin qayıdışı ilə bağlı məsələlər müzakirə edilib
22 Yanvar, 2021 / Görüşlər Dövlət Komitəsində BMqT nümayəndəsi ilə görüş keçirilib
12 Yanvar, 2021 / Görüşlər Dövlət Komitəsində Kəlbəcər rayonunun Ağdaban və Çayqovuşan kəndlərinin bir qrup sakini ilə görüş keçirilib
06 Yanvar, 2021 / Görüşlər Qarabağ Dirçəliş Fondunun Müşahidə Şurasının ilk iclası keçirilib
22 Dekabr, 2020 / Görüşlər Dövlət Komitəsinin sədri Beynəlxalq Qızıl Xaç Komitəsinin (BQXK) Azərbaycandakı nümayəndəliyinin rəhbəri ilə görüşüb
18 Dekabr, 2020 / Görüşlər Dövlət Komitəsində Koreyanın Azərbaycandakı səfirliyinin nümayəndələri ilə görüş keçirilib
17 Noyabr, 2020 / Görüşlər Dövlət Komitəsində Avropa Komissiyasının eksperti ilə onlayn görüş keçirilib
13 Noyabr, 2020 / Görüşlər Dövlət Komitəsində məcburi köçkünlərin bir qrupu ilə görüş keçirilib
12 Noyabr, 2020 / Görüşlər Dövlət Komitəsinin sədri Fransa Respublikasının ölkəmizdəki səfiri ilə görüşüb
30 Oktyabr, 2020 / Görüşlər Müharibədən əziyyət çəkən məcburi köçkün ailələrinə yardım ediləcək
09 Oktyabr, 2020 / Görüşlər Dövlət Komitəsinin sədri BMT nümayəndəsi ilə humanitar məsələləri müzakirə edib
05 Oktyabr, 2020 / Görüşlər Yaponiyanın ölkəmizdə yeni təyin olunmuş səfirinə Ermənistanın təxribatı haqqında məlumat verilib
22 Sentyabr, 2020 / Görüşlər Dövlət Komitəsinin sədri növbəti videoqəbul keçirib
21 Sentyabr, 2020 / Görüşlər Dövlət Komitəsinin sədri BQXK-nın Azərbaycandakı nümayəndəliyinin yeni təyin olunmuş rəhbərini qəbul edib
15 Sentyabr, 2020 / Görüşlər Dövlət Komitəsinin sədri videoqəbul keçirib