Böyük Qayıdışa dair I Dövlət Proqramı çərçivəsində Qaçqınların və Məcburi Köçkünlərin İşləri üzrə Dövlət Komitəsinin əməkdaşları üçün “Kommunikasiya bacarıqları və effektiv kommunikasiya” mövzusunda təlim proqramı təşkil olunub. Təlimlər zamanı kommunikasiya strategiyasının formalaşdırılması, böhran idarəçiliyi və böhran kommunikasiyası, böhrandan əvvəlki PR-kampaniyaların planlaşdırılması, media savadlılığı və dezinformasiya ilə mübarizə, kommunikasiya kanallarının düzgün seçimi, eləcə də monitorinq və təhlil mövzuları əhatəli şəkildə müzakirə edilib. Təlimlərin əsas məqsədi komitə əməkdaşlarının qeyd olunan sahələr üzrə bilik və bacarıqlarını artırmaq, peşəkar vərdişlərini inkişaf etdirmək və praktik fəaliyyətlərində daha effektiv kommunikasiya qurmaq imkanlarını genişləndirmək olub. Diskussiya formatında keçirilən sessiyalar zamanı iştirakçıların sualları cavablandırılıb, real situasiyalar üzərində fikir mübadiləsi aparılıb.