Böyük Qayıdışa dair I Dövlət Proqramının Tədbirlər Planının icrası çərçivəsində Qaçqınların və Məcburi Köçkünlərin İşləri üzrə Dövlət Komitəsinin əməkdaşları üçün “Məşğulluq və sahibkarlıq fəaliyyətinin təşkili” mövzusunda təlim keçirilib. Tədbir sosial-iqtisadi tədbirlərin dəstəklənməsi məqsədilə effektiv məşğulluq və sahibkarlıq mexanizmlərinin formalaşdırılması, bu sahədə beynəlxalq təcrübənin öyrənilməsi, bilik və bacarıqların artırılması, eləcə də qabaqcıl yanaşmaların tətbiqi imkanlarının müzakirəsinə həsr olunub. Təlimin əsas məqsədi komitə əməkdaşlarının məşğulluq və sahibkarlıq sahəsində nəzəri və praktiki biliklərini təkmilləşdirmək, onların peşəkar bacarıqlarını daha da inkişaf etdirmək olub. İştirakçılara əldə etdikləri biliklərin gələcək fəaliyyətlərində səmərəli şəkildə tətbiqi ilə bağlı tövsiyələr verilib.