"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 896
“Böyük Qayıdış: reinteqrasiya və icma əsaslı inkişaf” mövzusunda konfrans keçirilib
Tədbirlər 17 Noyabr, 2023

Qaçqınların və Məcburi Köçkünlərin İşləri üzrə Dövlət Komitəsi “Böyük Qayıdış: reinteqrasiya və icma əsaslı inkişaf” mövzusunda konfrans keçirib. Konfrans Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı çərçivəsində gerçəkləşdirilən “Doğma yurdlarına qayıdacaq məcburi köçkünlərin gəlirgətirən fəaliyyətlərə təşviq və cəlb edilməsi vasitəsilə dayanıqlı icmaların yaradılması üzrə təşəbbüslərin dəstəklənməsi” layihəsinin ilkin mərhələsinin yekunlarına həsr olunub.

 

Konfransın moderatoru, Dövlət Komitəsinin Məşğulluq sektorunun müdiri Kamran Ağaməliyev layihə haqqında məlumat verib.

 

Komitənin sədr müavini Fuad Hüseynov konfransın mövzusuna dair geniş çıxış edib. Bildirib ki, işğaldan azad olunmuş ərazilərə Böyük Qayıdış – dayanıqlı məskunlaşma və iqtisadi fəaliyyətə reinteqrasiya  Azərbaycanın 2030-cu ilə kimi icra edilməli olan sosial-iqtisadi inkişafının beş milli prioritetindən biridir. Böyük Qayıdışa dair birinci Dövlət Proqramında məcburi köçkünlərin işğaldan azad edilmiş ərazilərdə dayanıqlı məskunlaşması və iqtisadi fəaliyyətə reinteqrasiyası proqramın məqsədlərindən biri kimi müəyyənləşdirilib. İşğaldan azad edilmiş ərazilərdə, Prezident İlham Əliyevin və Birinci vitse-prezident Mehriban xanım Əliyevanın xüsusi diqqəti və tapşırıqları əsasında, bərpa-quruculuq işləri aparılır, məcburi köçkünlərin doğma yurda rahat, təhlükəsiz və ləyaqətli qayıdışının təmin edilməsi üçün bütün zəruri tədbirlər görülür. Artıq 3 mindən çox məcburi köçkünün daimi məskunlaşmaq üçün geri qayıtdığı qeyd edilib. Onların mənzil-məişət şəraitinin yaxşılaşdırılması ilə yanaşı, məşğulluğunun təmin edilməsi də diqqət mərkəzindədir. Dövlət Komitəsi bununla əlaqədar olaraq aidiyyəti dövlət qurumları ilə birlikdə layihələr həyata keçirir.

 

Konfransda Milli Məclisin deputatları Mahir Abbaszadə və Naqif Həmzəyev çıxış ediblər. Qeyd edilib ki, bu günlərdə Milli Məclisə hökumətin təqdim etdiyi 2024-cü ilin dövlət büdcəsi layihəsinin digər prioritetləri sırasında işğaldan azad olunmuş ərazilərdə həyata keçirilən bərpa-quruculuq işləri də var. Geri qayıdanların məşğulluğunun təmin edilməsi üçün istehsalın və sahibkarlıq fəaliyyətinin dəstəklənməsi işləri də uğurla icra olunur, yerli və xarici sərmayəçilər üçün əlverişli biznes mühiti formalaşdırılmaq üçün sənaye parkları yaradılır və digər müvafiq işlər görülür.

 

Kiçik və Orta Biznesin İnkişafı Agentliyinin sədr müavini Hikmət Məmmədov məcburi köçkün icmalarının biznes və sahibkarlıq təşəbbüslərinin dəstəklənməsinin mühüm məsələ olduğunu bildirib, bu sahədə Dövlət Komitəsi ilə əməkdaşlığın əhəmiyyətindən danışıb.

 

Kiçik və Orta Biznes Subyektləri və Klublarının Assosiasiyasının sədri Nigar Ələsgərova isə çıxışında qeyd edib ki, layihə çərçivəsində məcburi köçkünlərə  biznes bacarıqlarını inkişaf etdirmək məqsədilə peşəkar biznes təlimlər keçirilib. Geri qayıtdıqdan sonra fəaliyyət göstərəcəkləri sahələr üzrə biznes planlar hazırlanıb və  mikro sahibkar kimi fəaliyyət göstərmələri üçün müvafiq addımlar atıb.

 

Tədbirdə məcburi köçkünlərin işğaldan azad olunmuş ərazilərə qayıdışını əks etdirən videoçarxlar nümayiş etdirilib.

 

Sonda “Doğma yurdlarına qayıdacaq məcburi köçkünlərin gəlirgətirən fəaliyyətlərə təşviq və cəlb edilməsi vasitəsilə dayanıqlı icmaların yaradılması üzrə təşəbbüslərin dəstəklənməsi” layihəsinin iştirakçılarına sertifikatlar təqdim edilib. Layihənin iştirakçısı Laçın rayonunun Zabux kəndinin sakini Ziyadxan Məmmədov layihənin onlarda biznes bacarıqlarının inkişaf etdirilməsi baxımından əhəmiyyətli olduğunu qeyd edib, məcburi köçkünlərin məşğulluğunun artırılmasına dövlət dəstəyinin göstərilməsinə görə ölkə rəhbərliyinə təşəkkür bildirib.

 

Konfrans iştirakçıları məcburi köçkünlərə gəlirgətirən fəaliyyətlə məşğul olmaq üçün təqdim edilən avadanlıqlarla tanış olublar.

27 Noyabr, 2023 / Tədbirlər Dövlət Komitəsinin təşkilati dəstəyi ilə tədbir təşkil edildi
20 Noyabr, 2023 / Tədbirlər “Bura mənim evimdir” filminin təqdimat mərasimi keçirilib
18 Noyabr, 2023 / Tədbirlər “Böyük Qayıdış: Köçürülmə üzrə Püşkatma” tədbiri keçirilib
16 Noyabr, 2023 / Tədbirlər Səhiyyə Menecmenti Zirvəsində Böyük Qayıdışa həsr olunmuş panel müzakirəsi təşkil edilib
08 Noyabr, 2023 / Tədbirlər Şuşa şəhərinə növbəti infotur təşkil edilib
07 Noyabr, 2023 / Tədbirlər Dövlət Komitəsində Vətən müharibəsi iştirakçıları ilə görüş keçirilib
07 Noyabr, 2023 / Tədbirlər Zabuxa növbəti mərhələdə köçürüləcək sakinlər arasında püşkatma keçirilib
04 Noyabr, 2023 / Tədbirlər Zəngilanın Ağalı kəndinə infotur təşkil edilib
30 Oktyabr, 2023 / Tədbirlər Dövlət Komitəsində kollegiya iclası keçirilib
28 Oktyabr, 2023 / Tədbirlər Ağalı kəndinə köç edən ailələrə mənzillərin açarı təqdim edilib
26 Oktyabr, 2023 / Tədbirlər Bərdədə məcburi köçkünlər üçün məlumatlandırma seminarı təşkil edilib
25 Oktyabr, 2023 / Tədbirlər Şuşa şəhərinə növbəti infotur təşkil edilib
18 Oktyabr, 2023 / Tədbirlər Dövlət Komitəsi Füzuli şəhərinə infotur təşkil edib
06 Oktyabr, 2023 / Tədbirlər Füzuli şəhərinə köçürüləcək ailələr arasında növbəti püşkatma keçirilib
27 Sentyabr, 2023 / Tədbirlər Dövlət Komitəsində Xankəndinin azərbaycanlı sakinləri ilə görüş keçirilib
13 Sentyabr, 2023 / Tədbirlər Daha 123 nəfər Ağalıya köçürüldü
08 Sentyabr, 2023 / Tədbirlər Ağalı kəndinə növbəti köç üçün püşkatma keçirilib
12 Avqust, 2023 / Tədbirlər Daha 106 nəfər doğma yurda köçürüldü
09 Avqust, 2023 / Tədbirlər Laçının daha 93 sakini doğma yurda qayıtdı
07 Avqust, 2023 / Tədbirlər Zabuxa birinci mərhələdə köçürüləcək sakinlər arasında püşkatma keçirilib