Qaçqınların və Məcburi Köçkünlərin İşləri üzrə Dövlət Komitəsinin bölgələrdəki nümayəndəliklərində 27 sentyabr – Anım Gününə həsr edilmiş tədbirlər keçirilib. 

Nümayəndəliklərin əməkdaşları yerlərdəki şəhid məzarlarını ziyarət edib, torpaqlarımızın azadlığı uğrunda canından keçən qəhrəmanların xatirəsini əbədiləşdirmək üçün məcburi köçkünlərin müvəqqəti məskunlaşdıqları qəsəbələrdə ağaclar əkiblər.

Tədbirlər  zamanı Prezient, Müzəffər Ali Baş Komandan İlham Əliyevin rəhbərliyi ilə rəşadətli Ordumuzun 44 günlük Vətən müharibəsində göstərdiyi şücaətdən, igid hərbçilərimizin hünər və cəsarətindən bəhs olunub. Qeyd olunub ki, erməni faşizmi üzərində qələbə, torpaqlarımızın işğaldan azad edilməsi məcburi köçkünlərin doğma yurda qayıdışına imkan yaradıb və bu prosesin tezləşdirilməsi üçün zəruri tədbirlər görülür.

Məcburi köçkünlər onlara qələbə sevinci və qüruru yaşadan şəhidlərimizin xatirəsinə ehtiramlarını bildirib, onlara Allahdan rəhmət diləyiblər.