İşğaldan azad edilmiş ərazilərə Böyük Qayıdışa dair I Dövlət Proqramı çərçivəsində Qaçqınların və Məcburi Köçkünlərin İşləri üzrə Dövlət Komitəsinin əməkdaşları üçün “Köçürüləcək əhalinin siyahılaşdırılması” mövzusunda təlim keçirilib. Təlimdə köçürüləcək əhalinin siyahılaşdırılması prosesində məlumatların toplanılması, daxil edilməsi, emalı və təhlili üzrə bilik və bacarıqları artırmaq, eləcə də bu prosesin effektivliyini təmin edəcək metodologiya, alətlər, proqramlar və məlumat bazasının idarə edilməsi ilə bağlı müvafiq yanaşmalar öyrədilib. Tədbirin keçirilməsində əsas məqsəd komitə əməkdaşlarının bilik və bacarıqlarını təkmilləşdirməkdən, onların peşəkar vərdişlərini inkişaf etdirməkdən ibarət olub. Qeyd edək ki, silsilə şəklində cari ilin sonunadək icrası planlaşdırılan təlimlər Böyük Qayıdışa dair I Dövlət Proqramı”nın Tədbirlər Planının “Əhalinin geri qayıdışı və ərazilərdə dayanıqlı icmaların yaradılması”, 3-cü prioritet istiqaməti çərçivəsində "Geri qayıdan əhaliyə dəstək məqsədilə xüsusi qaynar xəttin yaradılması və onların adaptasiyası ilə bağlı tədbirlərin daha səmərəli həyata keçirilməsi üçün müvafiq dövlət orqanları əməkdaşlarının peşəkar təlimlərə cəlb olunması" (3.1.5.) fəaliyyət istiqaməti üzrə həyata keçirilir.