Böyük Qayıdışa dair I Dövlət Proqramı çərçivəsində Qaçqınların və Məcburi Köçkünlərin İşləri üzrə Dövlət Komitəsinin əməkdaşları üçün “Gender aspekt və elementlərin nəzərə alınması” mövzusunda təlim təşkil olunub.
Təlim zamanı gender bərabərliyi anlayışı, onun hüquqi, sosial və iqtisadi baxımdan əhəmiyyəti, gender aspektlərinin nəzərə alınması, həmçinin qadınların və gənclərin proseslərdə iştirakçılığının artırılması, onların gücləndirilməsi və təşviqi ilə bağlı mövzular geniş şəkildə iştirakçılara təqdim edilib.
Təlimlərin keçirilməsində əsas məqsəd Komitə əməkdaşlarının bu istiqamətlərdə bilik və bacarıqlarını təkmilləşdirmək, peşəkar kompetensiyalarını artırmaqdan ibarətdir. Tədbirin sonunda iştirakçıların sualları cavablandırılıb.
Qeyd edək ki, silsilə xarakterli və cari ilin sonunadək davam etdirilməsi nəzərdə tutulan təlimlər Böyük Qayıdışa dair I Dövlət Proqramının Tədbirlər Planının “Əhalinin geri qayıdışı və ərazilərdə dayanıqlı icmaların yaradılması” üzrə 3-cü prioritet istiqaməti çərçivəsində, “Geri qayıdan əhaliyə dəstək məqsədilə xüsusi qaynar xəttin yaradılması və onların adaptasiyası ilə bağlı tədbirlərin daha səmərəli həyata keçirilməsi üçün müvafiq dövlət orqanları əməkdaşlarının peşəkar təlimlərə cəlb olunması” (3.1.5.) fəaliyyət istiqaməti üzrə həyata keçirilir.
