Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin təşkilatçılığı və Azərbaycan Respublikası Prezidentinin işğaldan azad edilmiş ərazilərdəki xüsusi nümayəndəliklərinin dəstəyi ilə 27 sentyabr - Anım günü ilə bağlı işğaldan azad edilmiş ərazilərdə video-fləşmob hazırlanıb. Fləşmobda işğaldan azad edilmiş ərazilərdə məskunlaşmış keçmiş məcburi köçkünlərin bir qrupu iştirak edib. İşğaldan azad edilmiş ərazilərdə məskunlaşmış keçmiş məcburi köçkünlərin iştirak etdiyi fləşmobda şəhidlərimizin əziz xatirəsi bir dəqiqəlik sükutla yad olunub. Videoçarxda Azərbaycan Respublikasının Prezidenti, Müzəffər Ali Baş Komandan İlham Əliyevin rəşadətli ordumuz, qəhrəman əsgər və zabitlərimiz, ölkəmizin ərazi bütövlüyünün və dövlət suverenliyinin bərpası uğrunda canını qurban verən şəhidlərimiz, xalqımızın qürur mənbəyi olan möhtəşəm Zəfərimiz barədə söylədiyi fikirlər yer alıb. Videoçarxı təqdim edirik.