Dövlətqaçqınkomun kollegiya iclasında cari ilin birinci rübünün nəticələri müzakirə edilmişdir.

XƏBƏRLƏR

Çap et 2013

Mətbuat xidmətinin məlumatı 07 May, 2011

2011-ci il 29 aprel tarixində Qaçqınların və Məcburi Köçkünlərin İşləri üzrə Dövlət komitəsinin 2011-ci ilin birinci rübünün yekunlarına həsr olunmuş geniş kollegiya iclası keçirilib.Baş nazirin müavini-Dövlətqaçqınkomun sədri cənab Əli Həsənovun sədrliyi ilə keçirilən kollegiya iclasında ölkə başçısının Nazirlər Kabinetinin birinci rübünün sosial-iqtisadi inkişafının yekunlarına həsr olunmuş iclasındakı proqram xarakterli çıxışından irəli gələn vəzifələr və gələcək perspektivlə barədə ətraflı söhbət açılaraq qeyd edilmişdir ki, öz fəaliyyətini müntəzəm olaraq dövlət başçısının qaçqın və məcburi köçkünlərlə bağlı imzaladığı müvafiq fərman və sərəncamlardan, xüsusilə “Qaçqınların və məcburi köçkünlərin yaşayış şəraitinin yaxşılaşdırılması və məşğulluğunun artırılması üzrə Dövlət Proqramı”ndan və ona 31 oktyabr 2007-ci il, 21 fevral 2011-ci il tarixli sərəncamlarla təsdiq olunmuş əlavələrdən irəli gələn vəzifələr əsasında quran Dövlətqaçqınkomun əməkdaşları həmişə olduğu kimi, cari ilin birinci rübündə də qaçqın və məcburi köçkünlərin sosial-məişət şəraitlərinin yaxşılaşdırılması, onların məşğulluqlarının təmin edilməsi, digər problemlərinin həlli istiqamətində imkanlarından maksimum istifadə etmişlər.Belə ki, kollegiyanın gündəliyinə daxil edilmiş məsələlərin müzakirəsi zamanı qeyd olunmuşdur ki, hesabat dövrü ərzində Azərbaycan Respublikası Prezidentinin 21 fevral 2011-ci il tarixli Məcburi köçkün ailələrinin mənzil-məişət şəraitinin yaxşılaşdırılmasına dair əlavə tədbirlər haqqında sərəncamı dövlət başçısının bu sahəyə olan diqqət və qayğısının bariz təcəssümüdür.Bu sərəncamla Dövlət Proqramına yeni əlavələrin təsdiq edilməsi Dövlətqaçqınkomun kollektivinin qarşısında da yeni vəzifələr qoymuşdur.Müzakirə edilən məsələlərin məntiqi nəticəsi kimi qeyd olunmuşdur ki, dövlətimizin başçısı cənab İlham Əliyevin rəhbərliyi altında ölkəmizdə bütün sahələr üzrə artım təmin edilmiş, iqtisadiyyatın aparıcı sahələrində müsbət nəticələr əldə olunmuşdur.Dövlətimizin başçısının düşünülmüş, qətiyyətli və çevik iqtisadi siyasəti nəticəsində ölkəmizin inkişaf sürəti artmış, qarşıda duran bütün vəzifələr və infrastruktur layihələri icra edilmiş, əhalinin sosial rifah halının daha da yaxşılaşdırılması istiqamətində mühüm nailiyyətlər əldə olunmuşdur.Bunun nəticəsidir ki, bütün vətəndaşlar kimi,erməni işğalından əziyyət çəkən soydaşlarımızın da yşayış şəraitinin yaxşılaşdırılması və onların məşğuluğunun artırılması işində də əməli addımlar atılmışdır.Müxtəlif ərazilərdə yeni-yeni qəsəbələr salınmış, gözəl evlər, hündürmərtəbəli yaşayış binaları tikilib istifadəyə verilmişdir.Bu istiqamətdə görülən tədbirləri nəzərdən keçirdikdə bir daha aydın olur ki, qaçqın və məcburi köçkünlərin problemlərinin həlli ölkə prezidenti cənab İlham Əliyevin, həmişəki kimi, bu gün də ən çox diqqət yetirdiyi və qayğı göstərdiyi sahə olmuşdur.Dövlətimizin başçısının mütəmadi olaraq müxtəlif bölgələrdə məcburi köçkünlərlə görüşməsi, onlar üçün salınmış qəsəbələrin açılış mərasimlərində iştirakı və dərin məzmunlu çıxışları, məcburi köçkünlərlə birbaşa ünsiyyətdə olması, onların problemləri ilə yerində maraqlanması bu deyilənləri özlüyündə bir daha təsdiqləyir.Kollegiya iclasında müzakirə olunan məsələlərə münasibət bildirən Baş nazirin müavini-Dövlətqaçqınkomun sədri Ə.Həsənov ümumilikdə kollektivin ötən rübdəki fəaliyyətini müsbət qiymətləndirmiş, qarşıda duran vəzifələrlə bağlı müvafiq şöbə və departamentlərə konkret tapşırıq və tövsiyyələrini vermişdir.