Yaponiyanın “Fuji Optical” şirkəti Azərbaycandakı qaçqın, məcburi köçkün və aztəminatlı əhaliyə bu il nəzərdə tutulmuş xidmətini başa çatdırmışdır.

XƏBƏRLƏR

Çap et 1101

Mətbuat xidmətinin məlumatı 29 Aprel, 2014

Aprelin 29-da Azərbaycan Respublikası Baş nazirinin müavini, Qaçqınların və Məcburi Köçkünlərin İşləri üzrə Dövlət Komitəsinin sədri , Beynəlxalq Humanitar Yardım üzrə Respublika Komissiyasının sədri cənab Əli Həsənov Yaponiyanın “Fuji Optical” Ltd. şirkətinin rəhbəri, 2006-cı ildə “Nansen qaçqın mükafatı”na layiq görülmüş dünya şöhrətli oftolmoloq Akio Kanainlə görüşmüşdür. Baş nazirin müavini Əli Həsənov Azərbaycandakı qaçqın, məcburi köçkün və aztəminatlı əhaliyə göstərilən təmənnasız optometrik xidmətə görə doktor Akoi Kanaiyə və onun rəhbərlik etdiyi heyətə təşəkkürünü bildirərək qeyd etmişdir ki, bu xeyirxah missiyanın artıq 10 ildir ki, bununla həyata keçirilməsi bir daha Azərbaycan ilə Yaponiya hökumətləri arasındakı əlaqələrin yüksək səviyyədə olduğunun, Yaponiya təşkilatlarının ölkəmizdəki fəaliyyəti üçün hər tərəfli şərait yaradıldığının bariz nümunəsidir. Azərbaycan Respublikasının Prezidenti cənab İlham Əliyevin rəhbərliyi altında ölkəmizin inkişafından, Azərbaycanın bu gün dünyanın diqqət mərkəzində olmasından, Yaponiya-Azərbaycan əlaqələrindən danışan Ə.Həsənov Ermənistanın ölkəmizə qarşı hərbi təcavüzündən və münaqişənin hələ də həllini tapmadığından təəssüfləndiyini də bildirmişdir. Görüşdə vurğulanmışdır ki, BMT-nin Qaçqınlar üzrə Ali Komissarlığının (QAK) Azərbaycandakı nümayəndəliyinin təşəbbüsü və təşkilatçılığı, həmçinin Azərbaycan Respublikası hökumətinin dəstəyi ilə Yaponiyanın “Fuji optical Ltd. Şirkətinin nümayəndələrinin 2005-ci ildən başlayaraq hər il Şirkətin rəhbəri doktor Akio Kanainin rəhbərliyi ilə Azərbaycana səfər edib və məcburi köçkünlərə, az təminatlı əhaliyə oftomoloji xidmət göstərirlər. BMT QAK-ın Azərbaycandakı nümayəndəliyinin təşkilatı dəstəyi ilə həyata keçirilən bu humanitar missiyanın məqsədi Azərbaycandakı qaçqın, məcburi köçkün və az təminatlı əhaliyə oftomoloji xidmət göstərilməsindən ibarətdir. Qeyd olunmuşdur ki, 2005-ci ildən indiyədək şirkət Azərbaycandakı fəaliyyətinə 1,8 milyon ABŞ dollarından artıq vəsait xərcləmişdir. İndiyədək şirkət tərəfindən otuz doqquz minə yaxın yüksək keyfiyyətli optik eynək və digər vasitələr ölkəyə gətirələrək bu təbəqədən olan soydaşlarımıza paylanmışdır. Bildirilmişdir ki, ümumilikdə ötən 10 il ərzində şirkətin təkcə BMT QAK-ın Azərbaycandakı nümayəndəliyinin və Azərbaycan hökumətinin dəstəyi ilə həyata keçirdiyi bu xeyirxah missiyalar zamanı 19 mindən artıq qaçqın və məcburi köçkün, aztəminatlı şəxs müayinə olmuş və təqribən 18 min nəfər təmənnasız olaraq eynəklə təmin olunmuşdur. Bu il də Doktor Kanai və onun 6 optometrist mütəxxəssisdən ibarət heyət tərəfindən məcburi köçkünlər, qaçqınlar və digər aztəminatlı insanlar üçün ödənişsiz göz müayinəsi və eynək paylanışı 22-26 aprel tarixlərdə İmişli, Beyləqan, Xocavənd və Fizuli rayonlarında, 28 aprel tarixdə Bakı şəhərində, BMT-nin Qaçqınlar üzrə Ali Komissarlığının Qaçqın, Qadın və Gənclər mərkəzində həyata keçirilmişdir. Bu il ki, missiya zamanı “Fuji Optical” şirkətinin mütəxəssisləri tərəfindən ümumilikdə 2400 nəfər müayinə olunmuş, 2 min dən artıq hazır eynək paylanmışdır. Yardım proqramını əvvəlki illərdə olduğu kimi, bu il də BMT QAK-ın Azərbaycandakı nümayəndəliyi və yerli hakimiyyət orqanları ilə sıx əməkdaşlıq şəraitində həyata keçirilmişdir. Görüşdə Doktor Akio Kanai Azərbaycanda son illər aparılan abadlıq-quruculuq işlərindən, qaçqın və məcburi köçkünlər üçün yaradılan hər tərəfli şəraitdən məmnun olduğunu qeyd etmiş, həmçinin missiyanın növbəti səfərinin uğurla həyata keçirilməsinə lazımi kömək göstərdiyinə görə, Azərbaycan hökumətinə, Beynəlxalq Hümanitar Yardım üzrə Respublika Komissiyasına, yerli icra strukturlarına minnətdarlığını bildirmişdir.