Azərbaycan Respublikasının Məcburi Köçkünlərin Sosial İnkişaf Fondu ilə Azərbaycan İcma İnkişafı üzrə Araşdırmalar, Təlim və Resurs Mərkəzi arasında imzalanmış müqaviləyə əsasən “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı üzrə Tədbirlər Planının “Əhalinin geri qayıdışı və ərazilərdə dayanıqlı icmaların yaradılması” prioritet istiqamətinin “İcmaların xarici və daxili resurslarına, aktivlərinə əsasən hazırlanmış "İcma xəritələşməsi" sənədinin hədəf ərazilərdə təqdimat və müzakirələrinin keçirilməsi məqsədilə seminarların təşkili” fəaliyyət istiqaməti üzrə layihə benefisiarı olan məcburi köçkünlərlə məlumatlandırma seminarları keçirilib. Tədbirlərə Ağdam, Laçın, Şuşa, Xocalı, Xocavənd, Kəlbəcər, Füzuli, Cəbrayıl və Zəngilan rayonlarından məcburi köçkün düşmüş ümumilikdə hər birində 40 nəfər olmaqla 25 tədbirdə cəmi 1000 nəfər, o cümlədən 465 nəfəri kişi, 535 nəfər qadın iştirak edib. Tədbirlər Böyük Qayıdışa dair I Dövlət Proqramı ilə bağlı məlumatlılıq səviyyəsinin daha da artırılmasına, bu proqramda iştirakçılığın yüksəldilməsinə zəmin yaratmaqla dövlətin onlara yaratdığı imkanların diqqətə çatdırılması kimi məsələlərə həsr olunub. Praktik müzakirə şəraitində keçirilən məşğələlərin keçirilməsində məqsəd gələcəkdə dayanıqlı icmaların formalaşdırılmasında lazımi bacarıqların icma üzvlərinə aşılanmasıdır. Reinteqrasiyada uğurla iştirak etmələri üçün tədbir iştirakçıları ilə birlikdə icma xəritələşməsinin hazırlanılması üzrə fəaliyyətlər icra olunmuşdur. Praktiki məşğələlərlə daha cox gələcəkdə dayanıqlı icmaların formalaşdırılmasında lazımi bacarıqların icma üzvlərinə öyrədilməsi məqsədini daşıyıb. Sonda tədbir iştirakçıların maraq doğuran sualları cavablandırılıb, qarşılıqlı məsələlər müzakirə olunub.
