Azərbaycan Respublikasının Məcburi Köçkünlərin Sosial İnkişaf Fondu ilə Azərbaycan İcma İnkişafı üzrə Araşdırmalar, Təlim və Resurs Mərkəzi arasında imzalanmış müqaviləyə əsasən “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı üzrə Tədbirlər Planının “Əhalinin geri qayıdışı və ərazilərdə dayanıqlı icmaların yaradılması” prioritet istiqamətinin “İcmaların gücləndirilməsi tədbirləri çərçivəsində icma əsaslı iştirakçılığa, əlaqələrin qurulmasına və gücləndirilməsinə, icma dayanıqlığının təmin olunmasına və icma ənənələrinin formalaşmasına istiqamətləndirilmiş seminar və dəyirmi masaların təşkili” fəaliyyət istiqaməti üzrə layihə benefisiarı olan məcburi köçkünlərlə məlumatlandırma seminarları keçirilib. Tədbirlərdə Laçın, Kəlbəcər, Şuşa, Ağdam, Xocavənd, Xocalı, Füzuli, Cəbrayıl və Zəngilan rayonlarından məcburi köçkün düşmüş 1000 nəfər, o cümlədən 428 nəfəri kişi, 572 nəfər qadın iştirak edib. Ümumilikdə hər birində 40 nəfər məcburi köçkün olmaqla 25 tədbir keçirilib. Tədbirdə  Böyük Qayıdışa dair I Dövlət Proqramı ilə bağlı məlumatlılıq səviyyəsinin daha da artırılmasına, bu proqramda iştirakçılığın yüksəldilməsinə zəmin yaratmaqla dövlətin onlara yaratdığı imkanların diqqətə çatdırılması kimi məsələlərə həsr olunub. Reinteqrasiyada uğurla iştirak etmələri üçün tədbir iştirakçıları ilə birlikdə icmaların gücləndirilməsi, dayanıqlılığının təmin olunması istiqamətində fəaliyyətlər icra olunub. Bu praktiki məşğələlər daha çox gələcəkdə dayanıqlı icmaların formalaşdırılmasında lazımi bacarıqların icma üzvlərinə öyrədilməsi məqsədini daşıyıb. Tədbirlər məcburi köçkünlərin aktiv iştirakçılığı şəraitində interaktiv müzakirələr olmaqla keçirilib. İştirakçıların aktivliyinin artırılması məqsədi ilə müxtəlif üsullardam, o cümlədən “Fokus-qrup” müzakirələri və “Qrup işləri” metodundan istifadə olunub. Sonda tədbir iştirakçıların maraq doğuran sualları cavablandırılıb, qarşılıqlı məsələlər müzakirə olunub.