Qaçqınların və Məcburi Köçkünlərin İşləri üzrə Dövlət Komitəsində dövlət qulluğunda rəhbər vəzifəli şəxslər üçün idarəetmə sahəsində, o cümlədən insan resurslarının idarə edilməsi ilə bağlı təlim keçirilib.

Təlim  Azərbaycan Respublikasının Prezidentinin 2022-ci il 30 dekabr tarixli  3696 nömrəli Sərəncamı ilə təsdiqlənmiş “Azərbaycan Respublikasında dövlət qulluğunun inkişafına dair 2019−2025-ci illər üçün Strategiya”nın 2023−2025-ci illərdə icrası üzrə Fəaliyyət Planı”na əsasən təşkil olunub.

Təlim zamanı iştirakçılar idarəetmə anlayışı, idarəetmənin obyekti, insan resurslarının idarə edilməsinin əsas məsələləri, konsepsiyaları və funksiyaları haqqında nəzəri və praktiki biliklərə yiyələniblər.

İştirakçılar proseslərin idarə edilməsi, iş bölgüsü, komanda quruculuğu və s. mövzularında müzakirələr aparıb, sualları cavablandırılıb.