Qaçqınların və Məcburi Köçkünlərin İşləri üzrə Dövlət Komitəsi Azərbaycan Respublikası Prezidentinin Laçın rayonunda xüsusi nümayəndəliyinin dəstəyi ilə bu rayona özəl yaradıcılıq subyektləri və incəsənət nümayəndələri üçün infotur təşkil edilib. Prezident İlham Əliyevin tapşırıqları əsasında, işğaldan azad edilmiş ərazilərə Böyük Qayıdışa dair I Dövlət Proqramı çərçivəsində rayonda aparılan bərpa-quruculuq işləri, yerli əhalinin doğma yurda geri dönüşə hazırlanması ilə bağlı həyata keçirilən tədbirlər haqqında infotur iştirakçılarına ətraflı məlumat verilib. Bildirilib ki, Laçın şəhərində aparılan genişmiqyaslı bərpa-quruculuq işlərindən sonra keçmiş məcburi köçkünlər doğma yurdalarına qayıdırlar. Qonaqlar səfərin məhsuldar və faydalı olduğunu qeyd ediblər. Xatırladaq ki, Böyük Qayıdışa dair I Dövlət Proqramının Tədbirlər Planının 3.1.2-ci bəndinin icrası çərçivəsində Qaçqınların və Məcburi Köçkünlərin İşləri üzrə Dövlət Komitəsi müxtəlif yaradıcı peşə sahiblərindən ibarət qrupların iştirakı ilə Qarabağa və Şərqi Zəngəzura infoturları təşkil edir. 

Video link: 

https://www.facebook.com/share/v/1ARXAkuvTk/?mibextid=WC7FNe