Böyük Qayıdışa dair I Dövlət Proqramı çərçivəsində Qaçqınların və Məcburi Köçkünlərin İşləri üzrə Dövlət Komitəsinin əməkdaşları üçün "Qayıdış prosesində müvafiq profillərə uyğun əhali qrupları üzrə məlumatlandırma" mövzusunda təlim təşkil edilib. Təlim Qayıdış prosesində müvafiq profillərə uyğun əhali qrupları üzrə məlumatlandırma və effektiv təbliğat və təşviqat tədbirlərinin təşkili üzrə bilik və təcrübələrin artırılması,  eləcə də qayıdış və reinteqrasiya prosesinin hərtərəfli və insana yönəlik olması kimi məsələsinə həsr olunub. Təlimlərin keçirilməsində məqsəd komitə əməkdaşlarının müvafiq istiqamətlərdə bilik və bacarıqlarını təkmilləşdirmək, peşəkar vərdişləri inkişaf etdirməkdir. Xatırladaq ki, təlimlər 3 gün davam edib və hər birində 29 nəfər əməkdaşın iştirakı təmin edilib. Qeyd edək ki, silsilə şəklində cari ilin sonunadək icrası planlaşdırılan təlimlər Böyük Qayıdışa dair I Dövlət Proqramı”nın Tədbirlər Planının “Əhalinin geri qayıdışı və ərazilərdə dayanıqlı icmaların yaradılması”, 3-cü prioritet istiqaməti çərçivəsində "Geri qayıdan əhaliyə dəstək məqsədilə xüsusi qaynar xəttin yaradılması və onların adaptasiyası ilə bağlı tədbirlərin daha səmərəli həyata keçirilməsi üçün müvafiq dövlət orqanları əməkdaşlarının peşəkar təlimlərə cəlb olunması" (3.1.5.) fəaliyyət istiqaməti üzrə həyata keçirilir.