Böyük Qayıdışa dair I Dövlət Proqramı çərçivəsində Qaçqınların və Məcburi Köçkünlərin İşləri üzrə Dövlət Komitəsində əməkdaşlar üçün "Komputer bacarıqları" mövzusunda təlim təşkil edilib. Nəzəri və sual-cavab hissələrindən ibarət olan və “Komputer bacarıqlarına və Windows server inzibatçılığı” mövzusunu əhatə edən təlimin keçirilməsində əsas məqsəd Dövlət Proqramının icrası çərçivəsində əməkdaşların texniki bilik və bacarıqlarının təkmilləşdirilməsi, onlara peşəkar bacarıqların aşılanmasıdır. Xatırladaq ki, təlimlər 3 gün davam edib və hər birində 29 nəfər əməkdaşın iştirakı təmin edilib. Qeyd edək ki, silsilə şəklində cari ilin sonunadək icrası planlaşdırılan təlimlər Böyük Qayıdışa dair I Dövlət Proqramı”nın Tədbirlər Planının “Əhalinin geri qayıdışı və ərazilərdə dayanıqlı icmaların yaradılması”, 3-cü prioritet istiqaməti çərçivəsində "Geri qayıdan əhaliyə dəstək məqsədilə xüsusi qaynar xəttin yaradılması və onların adaptasiyası ilə bağlı tədbirlərin daha səmərəli həyata keçirilməsi üçün müvafiq dövlət orqanları əməkdaşlarının peşəkar təlimlərə cəlb olunması" (3.1.5.) fəaliyyət istiqaməti üzrə həyata keçirilir.
