Şərqi Zəngəzurda və Qarabağda hüquqi və fiziki şəxs kimi sahibkarlıq fəaliyyətinə başlamaq istəyən keçmiş məcburi köçkünlər üçün biznes təlimləri təşkil olunub. “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”nın  Tədbirlər Planının icrası çərçivəsində təşkil edilmiş təlimlərə 210-a yaxın yeni yaradılan sahibkarlıq subyektinin təmsilçiləri cəlb olunub. Bu il keçirilən təlimlərdə onlar satış, reklam, marketinq, maliyyə, mühasibatlıq və vergi sahəsində biliklər əldə ediblər.  Satışın təşkili, satış texnikaları, marketinq strategiyasının qurulması, məhsul və xidmətlər üzrə reklamın təşkili, sosial medianın idarə edilməsi, həmçinin maliyyə hesabatları, vergilərin və digər məcburi sosial dövlət ödənişlərinin hesablanması, rüblük və illik hesabatların verilməsi qaydaları haqqında təlimləri peşəkar mütəxəssislər aparıblar. Təlimlərin əsas məqsədi müxtəlif sahələrdə kommersiya fəaliyyəti ilə məşğul olmaq istəyən məcburi köçkünlərə öz bizneslərini qurmaqda yardım göstərmək, onların yeni yaşayış şəraitinə adaptasiya olunmasına və iqtisadi həyata reinteqrasiyasına dəstək verməkdir.

Video link:

https://youtube.com/shorts/OmdMxJ2c_OY?si=R5SGoPQhmfyKIvLB