Qaçqınların və Məcburi Köçkünlərin İşləri üzrə Dövlət Komitəsinin dəstəyi ilə Qaradağ rayonunun Lökbatan qəsəbəsindəki Qobu Park-3 yaşayış kompleksində yerləşən “Xarıbülbül” təlim və istehsal mərkəzində məcburi köçkünlərin məşğulluğuna dəstək tədbiri keçirilib.Tədbirdə Dövlət Komitəsinin rəsmiləri və sahibkarlıq subyektlərinin nümayəndələri iştirak ediblər. Qarabağda və Şərqi Zəngəzurda aparılan bərpa quruculuq işlərindən geri qayıdan və qayıdışa hazırlaşan əhalinin məşğulluq məsələlərindən bəhs edilib, bu sahədə sahibkarlıq strukturlarının dəstəyinin vacibliyi qeyd edilib. Tədbir iştirakçıları “Xarıbülbül” mərkəzində çalışan məcburi köçkünlərin istehsal fəaliyyəti ilə tanış olublar.