Qaçqınların və Məcburi Köçkünlərin İşləri üzrə Dövlət Komitəsinin aparat və tabe qurumlarının əməkdaşları üçün etik davranış qaydaları, pozulması halları və buna görə tətbiq edilməli olan intizam tənbehi və qarşısının alınması üçün aparılan profilaktik tədbirlərlə bağlı növbəti maarifləndirici təlim keçirilib.
Azərbaycan Respublikasının Prezidenti İlham Əliyevin 1859 nömrəli Sərəncamı ilə təsdiq edilmiş “Açıq hökumətin təşviqinə dair 2020-2022-ci illər üçün Milli Fəaliyyət Planı”nını rəhbər tutaraq “Dövlət qulluqçularının etik davranış qaydaları” , “Dövlət qulluğu haqqında” Azərbaycan Respublikasının Qanunları təlimin əsas müzakirə mövzusu olub.
Təlimdə bildirilib ki, Prezident İlham Əliyevin rəhbərliyi ilə Azərbaycanda səmərəli dövlət idarəçiliyi sistemi qurulub, dövlət qulluğu sahəsində kadr potensialı təkmilləşdirilib. Dövlət qulluqçularının layiqli həyat səviyyəsinin təmin edilməsi, maddi rifah halının yüksəldilməsi üçün zəruri tədbirlər görülür. Əməkdaşlara vətəndaşlarla davranış qaydaları, onların müraciətlərinə baxılması forması, dövlət qulluqçularının etik davranış qaydalarına əməl etmələri barəsində geniş izahat verib, atılmalı addımlar vurğulanıb və müvafiq tapşırıqlar verilib.
Keçilən tədbir çərçivəsində dövlət qurumları tərəfindən etik davranış məsələləri ilə bağlı aparılmış maarifləndirmə işləri, etik davranış qaydalarının pozulması halları və buna görə tətbiq edilmiş intizam tənbehi tədbirləri barədə illik hesabatların hazırlanması və bu barədə məlumatların rəsmi internet səhifələrində açıqlanması formaları haqqında da məlumat verilib.
Qeyd edək ki, Dövlət Komitəsinin aparat və tabe qurumlarının əməkdaşları üçün “Dövlət qulluqçularının etik davranış qaydaları”, “Dövlət qulluğu haqqında” Azərbaycan Respublikasının Qanunları ilə bağlı müntəzəm olaraq maarifləndirici diskusiyalar təşkil edilir.
