Azərbaycan Respublikası Prezidentinin 2020-ci il 27 noyabr tarixli Sərəncamı ilə təsdiq edilmiş  “Uşaqlara dair Strategiyanın həyata keçirilməsi üzrə 2020-2025-ci illər üçün Fəaliyyət Planı”nın 5.3.16-cı bəndinə uyğun olaraq, erməni təcavüzü nəticəsində əziyyət çəkən ailələrin uşaqlarına sosial dəstək göstərilməsi istiqamətində tədbir həyata keçirilib.

1 sentyabr 2025-ci il tarixində Dövlət Komitəsi və işğaldan azad olunmuş rayon icra hakimiyyətlərinin əməkdaşlarının iştirakı ilə respublikanın müxtəlif rayonlarında müvəqqəti məskunlaşmış aztəminatlı məcburi köçkün ailələrin övladlarına 8000 dəst məktəbli forması paylanılıb.

Komitə sədrinin müvafiq əmri əsasında, 2025-2026-cı tədris ili ilə əlaqədar olaraq Ağdam rayonuna 2000 məktəbli dəsti, Xocavənd rayonuna 400 məktəbli dəsti, Şuşa rayonuna  400 məktəbli dəsti, Kəlbəcər rayonuna 400 məktəbli dəsti, Füzuli rayonuna 400 məktəbli dəsti, Cəbrayıl rayonuna 400 məktəbli dəsti, Qubadlı rayonuna 400 məktəbli dəsti, Zəngilan rayonuna 300 məktəbli dəsti, Xocalı rayonuna 400 məktəbli dəsti, Dövlət Komitəsinin Bərdə rayonunda yerləşən regional nümayəndəliyinə 600 məktəbli dəsti, Dövlət Komitəsinin Gəncə şəhərində yerləşən regional nümayəndəliyinə 1100 məktəbli dəsti, Dövlət Komitəsinin Ağcabədi rayonunda yerləşən regional nümayəndəliyinə 600 məktəbli dəsti, Dövlət Komitəsinin Qax rayonunda yerləşən regional nümayəndəliyinə 600 məktəbli dəsti təqdim edilib. Məktəbli geyim formaları aztəminatlı məcburi köçkün ailələrin övladlarına humanitar yardım olaraq pulsuz verilir.