Noyabrın 19-da Xocavənd rayonunun Qırmızı Bazar qəsəbəsinə və Sos kəndinə köç karvanları yola salınıb. Qırmızı Bazar qəsəbəsi və Sos kəndinə köç edənlər respublikanın müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış ailələrdir. Bu mərhələdə Qırmızı Bazar qəsəbəsinə 21 ailə, 89 nəfər, Sos kəndinə isə 20 ailə, 80 nəfər köçürülüb. Köçürülən ailələrə mənzillərin açarları təqdim edilib. Mərasimdə Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəliyinin, Qaçqınların və Məcburi Köçkünlərin İşləri üzrə Dövlət Komitəsinin nümayəndələri iştirak ediblər