Müstəqil Azərbaycanda çevik və səmərəli dövlət idarəçiliyi sisteminin yaradılması Ulu Öndər Heydər Əliyevin adı ilə bağlıdır. Möhtərəm Prezident cənab İlham Əliyev bu sistemin daha da təkmilləşdirilməsi, ölkəmizin davamlı inkişafının təmin edilməsi məqsədilə genişmiyqaslı islahatlar həyata keçirir.
Bu fikirlər sentyabrın 1-də Qaçqınların və Məcburi Köçkünlərin İşləri üzrə dövlət Komitəsində bir qrup əməkdaşa “Dövlət qulluğunda fərqlənməyə görə” medalının və müvafiq vəsiqənin təqdim olunması zamanı səsləndirilib.
Prezident İlham Əliyevin 23 iyun 2020-cu il tarixli Sərəncamı ilə dövlət qulluğunda səmərəli fəaliyyətinə görə həmin medalla təltif edilən şəxslər arasında Dövlət Komitəsinin dörd əməkdaşı da vardır. Bunlar Dövlət Komitəsinin Miqrasiya, məşğulluq və status şöbəsi müdirinin müavini Hüseynov Xəyyam Sabir oğlu, Sənədlərlə və vətəndaşların müraciətləri ilə iş şöbəsinin vətəndaşların qəbulu, ərizə və şikayətlərlə iş sektorunun müdiri Məhərrəmova Şəfa Fikrət qızı, Maliyyə şöbəsinin maliyyə sektorunun müdiri Sadıqov Elmir Kərəm oğlu, Mənzil İstismar Departamentinin Mühasibat uçotu və hesabatı sektorunun müdiri Abbasov Fariz Yaqub oğludur.
Dövlət Komitəsinin sədri “Dövlət qulluğunda fərqlənməyə görə” medalını və onun vəsiqəsini təltif olunan əməkdaşlara təqdim edib, hər birinə xidməti fəaliyyətdə və şəxsi həyatda uğurlar arzulayıb.
Dövlət qulluğunda fərqlənən əməkdaşlar onların fəaliyyətini qiymətləndirdiyinə görə ölkə rəhbərinə minnətdarlıq bildirib, göstərilən etimadı daim doğruldacaqlarına söz veriblər.
