Azərbaycan Respublikasının Prezidenti İlham Əliyevin 22 iyul 2020-ci il tarixli Sərəncamı ilə  kütləvi informasiya vasitələrinin inkişafında xidmətlərinə görə bir qrup şəxsə “Əməkdar Jurnalist” fəxri adı verilib.

Fəxri ada layiq görülənlərdən biri də Qaçqınların və Məcburi Köçkünlərin İşləri üzrə Dövlət Komitəsinin mətbu orqanı olan “Vətən səsi” qəzetinin baş redaktoru Elşən Əli oğlu Əliyevdir.

E.Əliyev 40 ildən çoxdur ki, mətbuatdadır. Azərbaycan Dövlət Universitetinin (indiki Bakı Dövlət Universiteti) Jurnalistika fakültəsinin məzunudur. Əmək fəaliyyətinə Ağdam rayonunda başlayıb. Sonralar “Xalq qəzeti”, “Azərbaycan”, “Respublika”, “Panorama”, “Bizim əsr” qəzetlərində işləyib. 2003-2018-ci illərdə respublikada elektrik energetikası sahəsi üzrə yeganə ixtisaslaşmış dövri nəş olan “Azərbaycan işıqları” qəzetinin baş redaktoru olub. İki ildir ki, “Vətən səsi” qəzetinin baş redaktorudur.

Əməkdar Jurnalist Elşən Əliyevi fəxri ad alması münasibətilə təbrik edir, ona yaradıcılıq fəaliyyətində yeni uğurlar arzulayırıq.