"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et Arxiv 204
Dövlət Komitəsinin sədr müavini ATƏT-in İnsan Ölçüsü üzrə İllik görüşündə iştirak edib
Mətbuat xidmətinin məlumatı 21 Sentyabr, 2019

Qaçqınların və Məcburi Köçkünlərin İşləri üzrə Dövlət Komitəsinin sədr müavini Fuad Hüseynov bu il sentyabrın 16-21-də Polşanın paytaxtı Varşava şəhərində ATƏT-in İnsan Ölçüsü üzrə növbəti İllik görüşündə (HDİM) iştirak edib.

 

Görüş zamanı təşkil edilmiş işçi sessiyalarda demokratik təsisatlar və seçkilər, media azadlığı, müxbirlərin təhlükəsizliyi, tolerantlıq, qanunun aliliyi kimi mövzular müzakirə edilib. HDİM-in doqquzuncu işçi sessiyası humanitar məsələlər, qaçqın və məcburi köçkünlər, köçürülmə riskində olan şəxslərə həsr edilib.

 

Sessiyada iştirak edən F.Hüseynov çıxışının əvvəlində deyib ki, azərbaycanlı qaçqın və məcburi köçkünləri öz doğma torpaqlarına nə vaxt qayıdacaqları, bununla əlaqədar fundamental hüquqlarının bərpası üçün beynəlxalq ictimaiyyətin niyə laqeyd olduğu maraqlandırır.

 

Sədr müavini  Ermənistanın bu gün də davam edən hərbi işğalı nəticəsində Dağlıq Qarabağdan və onun ətrafındakı 7 rayondan 1 milyondan çox insanın məcburi köçkün düşdüyünü bildirib.  Qeyd edib ki, Ermənistan rəhbərliyi ictimaiyyətin diqqətini daxili problemlərdən yayındırmaq üçün regionu təhlükə və risk altında saxlamaqdadır. 

 

Ermənistanda hakimiyyət dəyişikliyi münaqişənin nizamlanması ilə bağlı gözləntiləri artırmışdı. Lakin Ermənistan rəhbərliyinin “Dağlıq Qarabağ Ermənistanındır, vəssalam” deyə səsləndirdiyi son təxribatçı və destruktiv bəyanatı, “xalqların öz müqəddəratını təyin etmə hüququ” adı arxasında məharətlə gizlətdiyi iyrənc işğalçılıq siyasətini bir daha nümayiş etdirir. Bəyanat beynəlxalq ictimaiyyətə, xüsusi ilə münaqişənin sülh yolu ilə nizamlanmasına çalışan ATƏT-in Minsk qrupuna qarşı tam hörmətsizlikdir. Bu regionda sülh prosesinə zərbə vurur və gərginliyin yüksəlməsinə təhrik edir. Azərbaycan beynəlxalq ictimaiyyəti bəyanatı pisləməyə çağırır.

 

Azərbaycanda “BMT-nin Məcburi Köçkünlük üzrə Rəhbər Prinsipləri”nin tələblərinin yerinə yetirildiyi,  məcburi köçkünlərlə bağlı mövcud təcrübənin dünyada nümunə olduğu diqqətə çatdırılıb. Bildirilib ki, Azərbaycan Prezidenti İlham Əliyevin tapşırığına əsasən, məcburi köçkünlərin mənzil-məişət şəraitinin yaxşılaşdırılması üçün müvəqqəti yaşayış sahələri tikilib istifadəyə verilir. Onların sosial problemlərinin həlli, bir çox dövlət xidmətlərindən xüsusi güzəştlə yararlanması üçün mühüm addımlar atılır.  Ən ağır şəraitdə yaşayan məcburi köçkünlər Birinci vitse-prezident xanım Mehriban Əliyevanın tapşırığı ilə  yeni yaşayış sahələrinə ilk növbədə köçürülürlər.

 

Bildirilib ki, həyata keçirilən işlərə baxmayaraq, Azərbaycanda mövcud olan məcburi köçkün probleminin tamamilə həlli Ermənistan-Azərbaycan Dağlıq Qarabağ münaqişəsinin nizamlanması və köçkünlərin təhlükəsiz şəkildə və ləyaqətlə öz torpaqlarına qayıtması nəticəsində mümkün olacaq.

 

Vurğulanıb ki, Dağlıq Qarabağ Azərbaycanın ayrılmaz parçasıdır. Beynəlxalq ictimaiyyət ölkəmizin ərazi bütövlüyünü tanıyır və dəstəkləyir. Azərbaycan tezliklə, beynəlxalq hüquqla tanınmış ərazi bütövlüyünü bərpa etmək və mülki əhalini əzəli torpaqlarına qayıtmasına nail olmaq əzmindədir. Bununla da, beynəlxalq hüququn aliliyi təmin olunacaq.

 

 

15 Oktyabr, 2019 / Mətbuat xidmətinin məlumatı Dövlət Komitəsində vətəndaşların növbəti qəbulu keçirilib
10 Oktyabr, 2019 / Mətbuat xidmətinin məlumatı Dövlət Komitəsinin sədri jurnalistlərin suallarını cavablandırıb
08 Oktyabr, 2019 / Mətbuat xidmətinin məlumatı Məcburi köçkün icmasının nümayəndələri hərbçilərlə görüşüblər
11 Sentyabr, 2019 / Mətbuat xidmətinin məlumatı Mətbuat xidmətinin məlumatı
08 İyul, 2019 / Mətbuat xidmətinin məlumatı Pirallahı rayonunda məcburi köçkünlər üçün püşkatma keçirilib
05 İyul, 2019 / Mətbuat xidmətinin məlumatı Prezident İlham Əliyev Bakının Pirallahı rayonunda məcburi köçkünlər üçün salınan yeni yaşayış kompleksinin açılışında iştirak edib
25 İyun, 2019 / Mətbuat xidmətinin məlumatı AŞPA-da Azərbaycanda qaçqın və məcburi köçkünlərin taleyinə dair müzakirələr aparılıb
22 İyun, 2019 / Mətbuat xidmətinin məlumatı Prezident İlham Əliyevin Sərəncamı ilə Dövlət Komitəsinin bir qrup əməkdaşı təltif edilib
12 İyun, 2019 / Mətbuat xidmətinin məlumatı Könüllü fəaliyyətinə sən də qoşul!
11 İyun, 2019 / Mətbuat xidmətinin məlumatı Qaçqınların və Məcburi Köçkünlərin İşləri üzrə Dövlət Komitəsinin məlumatı
08 May, 2019 / Mətbuat xidmətinin məlumatı Sosial-iqtisadi tərəqqi Azərbaycanı mühüm beynəlxalq və regional layihələrin təşəbbüskarına və yeni donor ölkəsinə çevirib
06 May, 2019 / Mətbuat xidmətinin məlumatı Qaçqınların və Məcburi Köçkünlərin İşləri üzrə Dövlət Komitəsində kollegiya iclası keçirilib
10 Aprel, 2019 / Mətbuat xidmətinin məlumatı Mətbuat xidmətinin məlumatı
05 Aprel, 2019 / Mətbuat xidmətinin məlumatı Prezident İlham Əliyev Bakının Kürdəxanı qəsəbəsində məcburi köçkün ailələri üçün yeni yaşayış kompleksinin açılışında iştirak edib
01 Aprel, 2019 / Mətbuat xidmətinin məlumatı Könüllü fəaliyyətinə sən də qoşul!
27 Mart, 2019 / Mətbuat xidmətinin məlumatı Mətbuat xidmətinin məlumatı
06 Mart, 2019 / Mətbuat xidmətinin məlumatı Mətbuat xidmətinin məlumatı
27 Fevral, 2019 / Mətbuat xidmətinin məlumatı Sumqayıtda növbəti püşkatma keçirilib
26 Fevral, 2019 / Mətbuat xidmətinin məlumatı Vahid aylıq müavinətin məbləği 50 faiz artırıldı
22 Fevral, 2019 / Mətbuat xidmətinin məlumatı Sumqayıtda yeni yaşayış kompleksinə köçürülmə başlanır