Azərbaycan Respublikasının işğaldan azad edilmişərazilərinə Böyük Qayıdışa dair Dövlət ProqramınınTədbirlər Planına uyğun olaraq, Qaçqınların və Məcburi Köçkünlərin İşləri üzrə Dövlət Komitəsi Ağdam rayonundan olan keçmiş məcburi köçkünlər üçün  Ağdam rayonuna infotur təşkil edib.

İnfotur iştirakçıları şəhərdə aparılan bərpa-quruculuq işləri, həmçinin Ağdamda həyata keçirilən irimiqyaslı layihələrlə yaxından tanış olmaq imkanı əldə ediblər. İnfotur zamanı Ağdam sakinləri ermənilərin törətdikləri vəhşiliklərin izlərini, dağıdılıb talan edilmiş yurd yerlərimizi də müşahidə ediblər. 

İştirakçılar doğma yurdlarına tezliklə qayıdacaqlarına, buranı yenidən dirçəldərək Ağdamın əvvəlki gözəlliyini qaytaracaqlarına əmin olduqlarını bildiriblər.

Sonda səfər iştirakçıları infoturun məhsuldar və faydalıolduğunu qeyd ediblər.