Noyabrın 27-də Böyük Qayıdışa dair I Dövlət Proqramı çərçivəsində Qaçqınların və Məcburi Köçkünlərin İşləri üzrə Dövlət Komitəsinin əməkdaşları üçün "Rəqəmsal marketinqin" mövzusunda təlim təşkil edilib. Təlim Dövlət Komitəsinin əməkdaşlarının müasir texnologiyalar və rəqəmsal alətlər barədə biliklərinin artırılmasına yönəlmişdir. Həmçinin təlimdə iştirak edən əməkdaşlar rəqəmsal marketinqin əsas prinsipləri, sosial media idarəçiliyi və verilən məlumatların analizi və digər məsələlər kimi mövzularda ətraflı məlumat əldə ediblər. Təlimlərin keçirilməsində məqsəd komitə əməkdaşlarının müvafiq istiqamətlərdə bilik və bacarıqlarını təkmilləşdirmək, peşəkar vərdişləri inkişaf etdirməkdir. Sonda komitə əməkdaşlarının sualları cavablandırılıb, qarşılıqlı müzakirələr aparılıb. Xatirladaq ki, təlimdə 30 nəfərin iştirakı təmin edilib. Qeyd edək ki, silsilə şəklində cari ilin sonunadək icrası planlaşdırılan təlimlər Böyük Qayıdışa dair I Dövlət Proqramı”nın Tədbirlər Planının “Əhalinin geri qayıdışı və ərazilərdə dayanıqlı icmaların yaradılması”, 3-cü prioritet istiqaməti çərçivəsində "Geri qayıdan əhaliyə dəstək məqsədilə xüsusi qaynar xəttin yaradılması və onların adaptasiyası ilə bağlı tədbirlərin daha səmərəli həyata keçirilməsi üçün müvafiq dövlət orqanları əməkdaşlarının peşəkar təlimlərə cəlb olunması" (3.1.5.) fəaliyyət istiqaməti üzrə həyata keçirilir.