Qaçqınların və Məcburi Köçkünlərin İşləri üzrə Dövlət Komitəsi işğaldan azad edilmiş ərazilərə Böyük Qayıdışa dair I Dövlət Proqramına əsasən, məcburi köçkünlərin yeni salınmış yaşayış məntəqələrinə geri qayıdışı üçün məlumatlandırma, təbliğat-izahat və təşviqat işlərinin aparılması tədbirləri çərçivəsində Zəngilan rayonunun Ağalı kəndinə infotur təşkil edib.

İnfoturun iştirakçısı olan özəl yaradıcılıq subyektlərinin əməkdaşlarına  Prezident İlham Əliyevin tapşırığı ilə rayonda aparılan bərpa-quruculuq işləri, Böyük Qayıdışa dair I Dövlət Proqramında nəzərdə tutlan tədbirlərin icrası barədə məlumat verilib. Bildirilib ki, indiyədək Ağalı kəndində 175 ailə (871 nəfər) fərdi yaşayış evi ilə təmin edilib.

İşğaldan azad edilmiş ərazilərdə ilk dəfə “ağıllı kənd” konsepsiyası əsasında tikilmiş yaşayış məntəqəsində sakinlərlə görüşüb söhbətləşən iştirakçıları onların gündəlik həyatını və məşğuliyyətini əks etdirən foto-video çəkilişlər aparıblar.

Böyük Qayıdışa dair I Dövlət Proqramının Tədbirlər Planı çərçivəsində işğaldan azad edilmiş ərazilərə infoturlar davam etdiriləcəkdir.