Laçın rayonunun Laçın şəhərinə köçürülmüş sakinlər buradakı həyat şəraiti, uyğunlaşma prosesi və gələcək planları barədə fikirlərini bölüşüblər. Doğma yurdlarında məskunlaşmış keçmiş məcburi köçkünlər buradakı şəraitdən və doğma kəndə qayıtmaqlarından məmnundurlar. Onlar Ali Baş Komandan cənab İlham Əliyevə, Birinci vitse-prezident Mehriban xanım Əliyevaya, qüdrətli Azərbaycan Ordusuna, işğal altında olan torpaqlarımızın azad olunması uğrunda canlarından keçmiş şəhidlərimizə və fədakar qazilərimizə minnətdar olduqlarını bildiriblər.

Xatırladaq ki, bugünədək Laçın şəhərində 363 ailə (1389 nəfər),  rayonun Zabux kəndində 121 ailə (476 nəfər) məskunlaşıb.   Yurd  həsrəti  bitən sakinlər bu torpağa yeni nəfəs gətiriblər.