"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 538
Mətbuat xidmətinin açıqlaması
Mətbuat xidmətinin məlumatı 07 İyun, 2023

Son günlər bəzi internet media resursları məcburi köçkünlər və onlara bərabər tutulan şəxslər üçün müəyyənləşdirilmiş vahid aylıq müavinətin və kommunal xidmətlərin haqqının maliyyələşdirilməsi məqsədilə 2020-2022-ci illərdə dövlət büdcəsindən Dövlət Komitəsinə ayrılmış vəsaitdən düzgün istifadə edilmədiyi, yəni büdcə xərclərinə ümumilikdə, 20,1 mln. manat məbləğində əlavə tələbatın formalaşmasına şərait yaradıldığı barədə Azərbaycan Respublikası Hesablama Palatasına istinadla məlumat yayıblar.

 

Bununla əlaqədar olaraq bildiririk ki, Dövlət Komitəsində bu il Hesablama Palatası tərəfindən aparılan və 2020-2022-ci illəri əhatə edən audit nəticəsində büdcə vəsaitindən düzgün istifadə edilməməsi ilə bağlı müəyyənləşən hallar, əsasən, məcburi köçkünlərə verilən vahid aylıq müavinətlə bağlıdır.

 

Məcburi köçkünlər və onlara bərabər tutulan şəxslər üçün yemək xərci müavinəti, habelə kommunal və digər xidmətlər üzrə dövlət büdcəsindən ödənişlər əvəzinə vahid aylıq müavinətin ödənilməsi Azərbaycan Respublikası Nazirlər Kabinetinin 2017-ci il 24 yanvar tarixli 11 nömrəli qərarı ilə təsdiq edilmiş Qayda ilə tənzimlənir. Audit həmin Qayda  ilə aylıq ödənişlərin şamil edilmədiyi kateqoriyalar üzrə bir sıra tələblərə əməl olunmadığını, müavinətin ödənilməsinin istisna olunduğu halların tam nəzərə alınmadığını müəyyənləşdirib.

 

Audit rəyində istifadəsi düzgün sayılmayan məbləğin əsas hissəsini, yəni 70,6 faizini (14,2 mln manat) sahibkarlıq fəaliyyəti ilə məşğul olduqları, 22,4 faizini (4,5 mln manatı) isə dövlət qulluğunun xüsusi növündə xidmət etdikləri dövrdə  məcburi köçkünlük statusuna malik şəxslərə ödənilmiş vahid aylıq müavinət təşkil edir.

 

Sahibkarlıq fəaliyyəti ilə məşğul olduğu zaman vahid aylıq müavinət almış məcburi köçkünlərin 49,4 faizi (7338 nəfər) 2020-2022-ci illərdə müxtəlif vaxtlarda sahibkarlıq fəaliyyətini dayandırıb, dövlət qulluğunun xüsusi növündə xidmət edən və həmin dövrdə müavinət alan məcburi köçkünlərin isə, ilkin məlumatlar əsasında, 53,6 faizinin (1579 nəfər) 2020-2022-ci illərdə müvafiq vaxtlarda dövlət qulluğunun xüsusi növündə xidməti fəaliyyətinə xitam verilib. Hər iki hal, mövcud qaydalara uyğun olaraq, cari dövrdə həmin şəxslərin vahid aylıq müavinət almaq hüququnun bərpa edilməsi ilə nəticələnib.

 

Məlumat üçün bildiririk ki, məcburi köçkünlərə verilən vahid aylıq müavinətin ödənişinin operativliyini təmin etmək və bu sahədə idarəetməninin  optimallaşdırılması məqsədilə 2022-ci ildə “Elektron hökumət” portalında müvafiq informasiya sistemi yaradılıb.

 

Sosial müdafiəyə xüsusi ehtiyacı olan vətəndaşlar kimi məcburi köçkünlərə dövlət büdcəsindən ayrılan vəsaitlərdən səmərəli istifadə edilməsi, bu sahədə fəaliyyətin optimalaşdırılması, effektivliyinin artırılması komitənin əsas vəzifələrindəndir və  vahid aylıq müavinətin ödənilməsinin istisna olunduğu halların tam nəzərə alınması barədə auditin tövsiyələri bundan sonra da yerinə yetiriləcəkdir.

15 Sentyabr, 2023 / Mətbuat xidmətinin məlumatı Füzulinin daha 73 sakini doğma yurda qayıtdı
11 Sentyabr, 2023 / Mətbuat xidmətinin məlumatı Növbəti köç karvanı Füzuli şəhərinə çatdı
11 Sentyabr, 2023 / Mətbuat xidmətinin məlumatı Füzulinin daha 92 sakini doğma yurda qayıtdı
07 Sentyabr, 2023 / Mətbuat xidmətinin məlumatı Füzulinin daha 102 sakini doğma yurda qayıtdı
04 Sentyabr, 2023 / Mətbuat xidmətinin məlumatı Zabux sakinləri doğma yurda qayıdışın sevincini yaşayır
28 Avqust, 2023 / Mətbuat xidmətinin məlumatı 82 yaşlı Qəribə nənə doğma yurda qayıdışın sevincini yaşayır
25 Avqust, 2023 / Mətbuat xidmətinin məlumatı Zabuxa ilk köç karvanı yola salındı
24 Avqust, 2023 / Mətbuat xidmətinin məlumatı “Nərgiz nənə, gəlmisən? Nə yaxşı!”
22 Avqust, 2023 / Mətbuat xidmətinin məlumatı Füzulinin daha 89 sakini doğma yurda qayıtdı
18 Avqust, 2023 / Mətbuat xidmətinin məlumatı Füzuliyə ilk köç karvanı yola düşüb
17 Avqust, 2023 / Mətbuat xidmətinin məlumatı Öz təsərrüfatlarını doğma yurdda inkişaf etdirirlər
15 Avqust, 2023 / Mətbuat xidmətinin məlumatı Dövlət Komitəsinin əməkdaşlarına medal təqdim olunub
11 Avqust, 2023 / Mətbuat xidmətinin məlumatı Laçın sakini: “Vətən doğulub boya-başa çatdığın evdən başlayır...”
31 İyul, 2023 / Mətbuat xidmətinin məlumatı Laçının daha 53 sakini doğma yurda qayıtdı
28 İyul, 2023 / Mətbuat xidmətinin məlumatı Laçının daha 56 sakini doğma yurda qayıtdı
25 İyul, 2023 / Mətbuat xidmətinin məlumatı Laçının daha 89 sakini doğma yurda qayıtdı
21 İyul, 2023 / Mətbuat xidmətinin məlumatı Dövlət Komitəsində kollegiya iclası keçirilib
13 İyul, 2023 / Mətbuat xidmətinin məlumatı Laçının daha 85 sakini doğma yurda qayıtdı
05 İyul, 2023 / Mətbuat xidmətinin məlumatı Dövlət Komitəsi: Boşalmış mənzil şəhid ailəsinə verildi
25 İyun, 2023 / Mətbuat xidmətinin məlumatı Laçının daha 53 sakini doğma yurda qayıtdı