"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 2853
Məcburi köçkün olmayan şəxslərin müsahibəsi yayımlanıb
Mətbuat xidmətinin məlumatı 25 Oktyabr, 2023

“Azadlıq Radiosu” özünün sosial şəbəkə hesablarında Füzuli şəhərinə məcburi köçkünlərin qayıdışı barədə paylaşdığı videosüjetdə doğma yurda dönənlərin rəyləri ilə yanaşı özünün “ağır şəraitdə yaşadığını və köçürülmədən kənarda qaldığını” deyən bir neçə vətəndaşın iddialarını da ictimailəşdirərək, Böyük Qayıdış prosesinin gedişinə kölgə salmağa cəhd göstərib.

 

Azərbaycan Respublikası  Qaçqınların və Məcburi Köçkünlərin İşləri üzrə Dövlət Komitəsinin Mətbuat xidməti bununla əlaqədar olaraq bildirir ki, videosüjetdə bəzi şəxslərin köçürülmədən kənarda qalmaq iddiaları ilə bağlı araşdırma aparılıb.

 

Araşdırma nəticəsində məlum olub ki, çəkilişin aparıldığı ünvanlardan biri Bakı şəhərinin Nərimanov rayonunda, “Koroğlu Rəhimov küçəsi, 824/835” ünvanında yerləşən tikintisi yarımçıq qalmış doğum evi binasının zirzəmisidir. Zirzəmidə müvəqqəti məskunlaşmış və uzun müddət ağır şəraitdə yaşayan ailələr 2018-ci ilin iyul ayında Bakı şəhərinin Qaradağ rayonunda salınmış “Qobu Park” yaşayış kompleksinə köçürülüb. Köçürülmə işləri Azərbaycan Respublikası Nazirlər Kabinetinin 2017-ci il 24 fevral tarixli 65 nömrəli qərarı ilə təsdiq edilmiş “Məcburi köçkünlərin müvəqqəti yerləşdirilməsi fondunun yaşayış sahələrinin verilməsi Qaydası” əsasında aparılıb.

 

Qaydanın tələblərinə uyğun olaraq, sözügedən ünvanda yaşayan 4 ailəyə məcburi köçkünlərin müvəqqəti yerləşdirilməsi fondundan yaşayış sahəsi verilməyib. Onlardan ikisi Ağdam rayonunun heç vaxt işğalda olmamış Mahrızlı kəndindəndir.

 

Videosüjetdə müsahibə verən iki şəxsdən biri - Məhərrəmova Alidə Əhəd qızı əslən Ermənistanın Amasiya rayonundandır. 2007-ci ilədək Abşeron rayonunda daimi qeydiyyatda olub. Sonra Xocalı rayonuna qeydiyyata düşüb. Məcburi köçkün statusu yoxdur.

 

Digər müsahib - Vəlişova Aidə Kömək qızı Beyləqan rayonunun sakinidir, orada daimi qeydiyyatdadır. Yəni məcburi köçkün deyil.

 

Daha bir müsahib - Almuradova Gülbahar Şahmurad qızı isə Füzuli rayonunun Yuxarı Əbdürrəhmanlı kəndindən məcburi köçkündür. Azərbaycan Texniki Universitetinin 1 saylı yataqxanasında müvəqqəti məskunlaşıb. Əbdürrəhmanlı kəndinin bərpasından sonra onun və ailə üzvlərinin doğma yurda geri qayıdışı təmin ediləcəkdir.

 

İctimaiyyətin nəzərinə çatdırırıq ki, köç prosesi Azərbaycan Respublikası Prezidentinin xüsusi nümayəndəlikləri, rayon icra hakimiyyətləri və vətəndaş cəmiyyəti nümayəndələrinin iştirakı ilə şəffaf və ədalətli şəkildə aparılır. Hazırda Füzuli rayonu ərazisinə qayıdış yalnız yeni tikilən Füzuli şəhəri üzrə həyata keçirilir. Rayonun bir neçə kəndinin təməli qoyulub, tikinti işləri sürətlə davam edir. Məcburi köçkünlərin yeni mənzillərlə təminatı onların qeydiyyatda olduğu şəhər, kənd və qəsəbə üzrə köçürülmə qrafikinə uyğun həyata keçiriləcək.

 

Böyük Qayıdış çərçivəsində indiyədək Zəngilan rayonunun Ağalı kəndinə, Tərtər rayonunun Talış kəndinə, Laçın rayonunun Zabux kəndinə, Laçın və Füzuli şəhərlərinə ümumilikdə 727 ailə (2896 nəfər) köçürülüb. Doğma yurda köçürülənlər, əsasən, Abşeron rayonunda, Bakı və  Sumqayıt şəhərləri ərazisindəki yataqxana, sanatoriya, pioner düşərgəsi, yarımçıq tikililər və inzibati binalarda müvəqqəti məskunlaşmış ailələrdir.

02 İyul, 2025 / Mətbuat xidmətinin məlumatı Cəbrayıla qayıdış: yeni başlanğıclar...
30 İyun, 2025 / Mətbuat xidmətinin məlumatı Köç karvanı Ağdam rayonunun Kəngərli kəndinə çatıb
30 İyun, 2025 / Mətbuat xidmətinin məlumatı Qayıdış davam edir – onlar doğma yurdlarını yenidən dirçəldir
30 İyun, 2025 / Mətbuat xidmətinin məlumatı Ağdam rayonunun Kəngərli kəndinə növbəti köç karvanı yola salınıb
25 İyun, 2025 / Mətbuat xidmətinin məlumatı Dövlət Komitəsi yanında İctimai Şuraya seçkilərin keçirilməsi ilə əlaqədar Elan
25 İyun, 2025 / Mətbuat xidmətinin məlumatı Yeni günə oyanan Ağalı...
24 İyun, 2025 / Mətbuat xidmətinin məlumatı Köç karvanı Ağdərə rayonunun Həsənriz kəndinə çatıb
24 İyun, 2025 / Mətbuat xidmətinin məlumatı Ağdərə və Ağdam rayonunlarına növbəti köç yola salındı
23 İyun, 2025 / Mətbuat xidmətinin məlumatı Böyük Qayıdışa dair II Dövlət Proqramının hazırlanması ilə bağlı iclas keçirilib
23 İyun, 2025 / Mətbuat xidmətinin məlumatı Dövlət qulluqçularının peşə bayramı gününə həsr olunmuş tədbir keçirilib
21 İyun, 2025 / Mətbuat xidmətinin məlumatı Prezident İlham Əliyev Qaçqınların və Məcburi Köçkünlərin İşləri üzrə Dövlət Komitəsinin əməkdaşlarını təltif edib
21 İyun, 2025 / Mətbuat xidmətinin məlumatı Qarabağ — Azərbaycanın dilbər guşəsi, musiqimizin beşiyi
19 İyun, 2025 / Mətbuat xidmətinin məlumatı Laçında yeni səhər, yeni həyat...
18 İyun, 2025 / Mətbuat xidmətinin məlumatı Köç karvanı Ağdam rayonunun Kəngərli kəndinə çatıb
18 İyun, 2025 / Mətbuat xidmətinin məlumatı Ağdam rayonunun Kəngərli kəndinə növbəti köç karvanı yola salınıb
17 İyun, 2025 / Mətbuat xidmətinin məlumatı 27 ölkənin diplomatına Böyük Qayıdış prosesi haqqında məlumat verilib
14 İyun, 2025 / Mətbuat xidmətinin məlumatı Şirvanda keçmiş məcburi köçkünlərə ödənişsiz hüquqi yardım göstərilib
11 İyun, 2025 / Mətbuat xidmətinin məlumatı Doğma yurda qayıdışın ilk ünvanı – Ağalı kəndi...
04 İyun, 2025 / Mətbuat xidmətinin məlumatı Azad, abad Ağalı kəndimiz...
02 İyun, 2025 / Mətbuat xidmətinin məlumatı “Qarabağda gələcək” adlı sərgi və satış-yarmarka təşkil edilib