"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 1112
Dövlət Komitəsində xarici jurnalistlərlə görüş keçirilib
Görüşlər 30 Avqust, 2023

Qaçqınların və Məcburi Köçkünlərin İşləri üzrə Dövlət Komitəsində Tərəfsiz (Parlament) Jurnalistlər İctimai Birliyinin təşəbbüsü ilə Azərbaycanda səfərdə olan Böyük Britaniya, Albaniya və Gürcüstanın nüfuzlu media orqanlarının təmsilçiləri ilə görüş keçirilib.

 

Görüşdə Böyük Britaniyanın “Daily Mail”, “Daily Star” və “Avrupa News Agency” platformalarını təmsil edən Alpaslan Duven, Albaniyanın “infowebmedia” rəqəmsal platformasının təmsilçisi Anisa Bahiti və Gürcüstanın “geodigest.ge” və “newsday.ge” xəbər saytlarının nümayəndəsi Avtandil Otinaşvili iştirak edib.

 

Bildirilib ki, səfərin məqsədi Qərbi Azərbaycan torpaqlarından azərbaycanlıların deportasiyası, xalqımıza qarşı törədilən cinayətlər barədə faktların dünyada təbliğinə dəstək olmaqdır.

 

Dövlət Komitəsinin sədr müavini Fuad Hüseynov qonaqlara Ermənitsanın işğalçılıq və deportasiya siyasəti haqqında məlumat verib. Bildirilib ki, qaçqınlıq və məcburi köçkünlük problemi ilə üzləşən bir milyondan çox soydaşımız ağır çətinliklərə və məhrumiyyətələrə məruz qalıb. Prezident İlham Əliyev bu kateqoriyadan olan soydaşlarımızın problemlərinin həllini sosial siyasətin prioritet istiqamətlərindən biri kimi müəyyən edib, onlara daim diqqət və qayğı göstərib. Birinci vitse-prezident Mehriban xanım Əliyeva məcburi köçkünlərin problemlərinə həssaslıqla yanaşıb.

 

Qeyd olunub ki, hazırda dövlətin qarşısında məcburi köçkünlərin doğma yurd-yuvalarına könüllü, təhlükəsiz və ləyaqətlə qaytarılması kimi ümdə vəzifə durur. İşğaldan azad olunmuş ərazilərdə irimiqyaslı layihələr həyata keçirilir, dağıdılmış şəhər və kəndlər yenidən bərpa edilir, əhalinin rahat yaşayışının təmin edilməsi üçün zəruri infrastruktur qurulur. Diqqətə çatdırılıb ki, işğaldan azad olunmuş ərazilərdə bərpa-yenidənqurma işlərinin intensiv aparılmasına baxmayaraq, işğal dövründə ərazilərin minalarla çirkləndirilməsi soydaşlarımızın doğma yurdlarına qayıdışını ləngidir.

 

Böyük Qayıdış çərçivəsində indiyədək 108 ailə (526 nəfər) Zəngilan rayonunun Ağalı kəndinə, 20 ailə (90 nəfər) Tərtər rayonunun Talış kəndinə, 247 ailə (956 nəfər) Laçın şəhərinə, 70 ailə (247 nəfər) Füzuli şəhərinə, 20 ailə (88 nəfər) Laçın rayonunun Zabux kəndinə köçürülüb. Azərbaycan Respublikasının Prezidentinin sərəncamı ilə təsdiq edilmiş işğaldan azad edilmiş ərazilərə Böyük Qayıdışa dair I Dövlət Proqramına əsasən əhalinin geri qayıdışı davam edəcək.

 

Qonaqlara, həmçinin, Qərbi Azərbaycana qayıdış konsepsiyası haqqında ətraflı məlumat verilib.

 

Daha sonra görüşdə qarşılıqlı maraq doğuran məsələlər müzakirə edilib, jurnalistləri maraqlandıran çoxsaylı suallar cavablandırılıb.

10 İyul, 2024 / Görüşlər Komitənin Aparat rəhbəri vətəndaşların növbəti qəbulunu keçirib
09 İyul, 2024 / Görüşlər Dövlət Komitəsində vətəndaşların növbəti qəbulu keçirilib
04 İyul, 2024 / Görüşlər Dövlət Komitəsinin sədr müavini vətəndaşların növbəti qəbulunu keçirib
03 İyul, 2024 / Görüşlər Komitənin Aparat rəhbəri vətəndaşların növbəti qəbulunu keçirib
02 İyul, 2024 / Görüşlər Dövlət Komitəsində vətəndaşların növbəti qəbulu keçirilib
25 İyun, 2024 / Görüşlər Dövlət Komitəsində vətəndaşların növbəti qəbulu keçirilib
11 İyun, 2024 / Görüşlər Dövlət Komitəsində vətəndaşların növbəti qəbulu keçirilib
10 İyun, 2024 / Görüşlər Dövlət Komitəsinin sədri Masallıda vətəndaşları qəbul edib
04 İyun, 2024 / Görüşlər Dövlət Komitəsində vətəndaşların növbəti qəbulu keçirilib
27 May, 2024 / Görüşlər Dövlət Komitəsinin sədri Kürdəmirdə vətəndaşları qəbul edib
22 May, 2024 / Görüşlər Dövlət Komitəsində amerikalı qonaqlarla görüş keçirildi
21 May, 2024 / Görüşlər Dövlət Komitəsində vətəndaşların növbəti qəbulu keçirilib
14 May, 2024 / Görüşlər Dövlət Komitəsində vətəndaşların növbəti qəbulu keçirilib
07 May, 2024 / Görüşlər Dövlət Komitəsində vətəndaşların növbəti qəbulu keçirilib
02 May, 2024 / Görüşlər Dövlət Komitəsində vətəndaşların növbəti qəbulu keçirilib
26 Aprel, 2024 / Görüşlər Dövlət Komitəsində amerikalı qonaqlarla görüş olub
25 Aprel, 2024 / Görüşlər Dövlət Komitəsində vətəndaşların növbəti qəbulu keçirilib
22 Aprel, 2024 / Görüşlər Dövlət Komitəsinin sədri Tərtərdə vətəndaşları qəbul edib
16 Aprel, 2024 / Görüşlər Dövlət Komitəsində vətəndaşların növbəti qəbulu keçirilib
09 Aprel, 2024 / Görüşlər Dövlət Komitəsində BMT QAK-ın nümayəndələri ilə görüş keçirilib