"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 1311
Dövlət Komitəsində Beynəlxalq Miqrasiya Təşkilatının regional direktoru ilə görüş olub
Görüşlər 09 Oktyabr, 2023

Oktyabrın 9-da Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev Beynəlxalq Miqrasiya Təşkilatının (BMqT) Cənub-Şərqi Avropa, Şərqi Avropa və Mərkəzi Asiya üzrə regional direktoru Manfred Profazi və təşkilatın ölkəmizdəki nümayəndəliyinin müvəqqəti rəhbəri Amr Taha ilə görüşüb.

 

Görüşdə qonaqlara qaçqınlar və məcburi köçkünlərlə iş sahəsində dövlət siyasətinin əsas istiqamətləri barədə ətraflı məlumat verilib, bu kateqoriyadan olan vətəndaşlara Prezident İlham Əliyevin xüsusi diqqət və qayğı göstərdiyi, onların sosial problemlərinin həllinə Birinci vitse-prezident Mehriban xanım Əliyevanın daim həssaslıqla yanaşdığı və təsirli dəstək verdiyi bildirilib.

 

44 günlük Vətən müharibəsi və birgünlük antiterror tədbirləri nəticəsində ölkəmizin ərazi bütövlüyünün və dövlət suverenliyinin tam təmin olunduğu, işğaldan azad edilmiş ərazilərdə genişmiqyaslı bərpa-quruculuq işlərinin aparıldığı, məcburi köçkünlərin əvvəlki yaşayış yerlərinə qayıdışının başlandığı və prosesin daha da sürətləndirilməsi üçün tədbirlər görüldüyü vurğulanıb, qonaqlara bu sahədə görülən işlər barədə məlumat çatdırılıb. Qeyd olunub ki, Azərbaycan dövləti məcburi köçkünlərin beynəlxalq prinsiplər əsasında – könüllü, təhlükəsiz və ləyaqətlə geri dönüşünü təmin etmək üçün zəruri tədbirlər həyata keçirir. Bu məqsədlə 2026-cı ilədək dövrü əhatə edən xüsusi Dövlət Proqramı qəbul edilib və uğurla icra olunur. İndiyədək 2 mindən çox məcburi köçkünün işğaldan azad edilmiş ərazilərdə yeni salınan və bərpa olunan yaşayış məntəqələrinə qaydışı təmin edilib. Eyni zamanda diqqətə çatdırılıb ki, işğal dövründə və sonradan Ermənistanın Azərbaycan ərazilərində həyata keçirdiyi mina terrorunun nəticələrinin aradan qaldırılması zərurəti qayıdış prosesini ləngidir.

 

Dövlət Komitəsinin sədri beynəlxalq təşkilatların məcburi köçkünlərlə bağlı həyata keçirdiyi dəstək tədbirlərini məmnunluqla xatırlayıb. Diqqətə çatdırıb ki, BMqT-nin məcburi köçkünlərin müvəqqəti məskunlaşdıqları ərazilərdə, eyni zamanda işğaldan azad olunmuş Cəbrayılda mühüm su mənbələrindən olan kəhrizlərin bərpasına, həmçinin icma fəaliyyətlərinə dəstək tədbirləri xüsusi ilə təqdirəlayiqdir.

 

BMqT-nin regional direktoru Manfred Profazi səmimi qəbula görə təşəkkür bildirib, Dövlət Komitəsi ilə əməkdaşlığın bundan sonra səmərəli şəkildə davam etdirilməsinin vacibliyini qeyd edib.  

 

Görüşdə BMqT-nin cari fəaliyyətləri və qarşılıqlı maraq doğuran gələcək təşəbbüsləri, işğaldan azad edilmiş ərazilərə Böyük Qayıdış üzrə Dövlət Proqramı ilə bağlı məsələlər müzakirə edilib.

28 Noyabr, 2023 / Görüşlər Dövlət Komitəsində Sus sakinləri ilə görüş keçirilib
27 Noyabr, 2023 / Görüşlər Məcburi köçkünlər üçün qrant layihəsi icra edilir
22 Noyabr, 2023 / Görüşlər Dövlət Komitəsinin sədri Ağdamda vətəndaşları qəbul edib
21 Noyabr, 2023 / Görüşlər Dövlət Komitəsində vətəndaşların növbəti qəbulu keçirilib
14 Noyabr, 2023 / Görüşlər Dövlət Komitəsində vətəndaşların növbəti qəbulu keçirilib
07 Noyabr, 2023 / Görüşlər Dövlət Komitəsində vətəndaşların növbəti qəbulu keçirilib
31 Oktyabr, 2023 / Görüşlər Dövlət Komitəsində vətəndaşların növbəti qəbulu keçirilib
31 Oktyabr, 2023 / Görüşlər Dövlət Komitəsinin sədri fransalı jurnalistlə görüşüb
30 Oktyabr, 2023 / Görüşlər Dövlət Komitəsinin sədri Xankəndi sakinləri ilə görüşüb
25 Oktyabr, 2023 / Görüşlər Dövlət Komitəsinin sədri Oğuzda vətəndaşları qəbul edib
25 Oktyabr, 2023 / Görüşlər Dövlət Komitəsində MMA üzrə dünya çempionu olmuş məcburi köçkün yeniyetmə və onun məşqçisi ilə görüş keçirilib
24 Oktyabr, 2023 / Görüşlər Dövlət Komitəsində vətəndaşların növbəti qəbulu keçirilib
17 Oktyabr, 2023 / Görüşlər Dövlət Komitəsində vətəndaşların növbəti qəbulu keçirilib
16 Oktyabr, 2023 / Görüşlər Dövlət Komitəsində fransalı alimlə görüş olub
12 Oktyabr, 2023 / Görüşlər Dövlət Komitəsində Xankəndi sakinlərinin bir qrupu ilə görüş olub
04 Oktyabr, 2023 / Görüşlər Dövlət Komitəsində İctimai Şura üzvləri ilə görüş keçirilib
03 Oktyabr, 2023 / Görüşlər Dövlət Komitəsində vətəndaşların növbəti qəbulu keçirilib
02 Oktyabr, 2023 / Görüşlər Dövlət Komitəsinin sədri Goranboyda görüşlər keçirib
29 Sentyabr, 2023 / Görüşlər Dövlət Komitəsində Xocalı sakinləri ilə görüş keçirilib
27 Sentyabr, 2023 / Görüşlər Dövlət Komitəsinin sədri Şirvanda vətəndaşları qəbul edib