"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 276
Dövlət Komitəsinin sədri və Almaniyanın ölkəmizdəki səfiri Mingəçevirdə gənclərlə görüşüblər
Tədbirlər 11 Dekabr, 2019

Dekabrın 11-də Mingəçevir şəhərindəki Gənclər Mərkəzində Almaniya Beynəlxalq Əməkdaşlıq Cəmiyyətinin (GİZ)  “Qafqazda aztəminatlı yerli əhalinin və məcburi köçkünlərin sosial və iqtisadi inkişafı” layihəsi çərçivəsində məşğulluğun təşviqi və gənclərin sosial inkişafı məsələlərinə həsr edilmiş tədbir keçirilib.

 

Tədbirdə Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev, Almaniya Federativ Respublikasının ölkəmizdəki fövqəladə və  səhaliyyətli səfiri Volfqanq Maniq, GİZ-in Azərbaycan üzrə direktoru xanım Sonya Fonteyn, layihənin rəhbəri xanım Friderike Roşovanski iştirak ediblər.

 

Qonaqlar layihə iştirakçılarının forum-teatrı, məişət zorakılığı əleyhinə rəsm əsərlərinin sərgisi ilə, həmçinin məşğulluq təlimlərinə qoşularaq özünə uğurlu biznes quranlar və bu işə yeni başlayanlarla tanış olublar. Layihə çərçivəsində gənclər auditoriya qarşısında sərbəst danışmaq və özünüifadəetmə, ictimai ünsiyyət, iş tapmaq bacarıqlarına yiyələniblər.

 

Dövlət Komitəsinin sədri tədbirdə çıxış edərək bu cür proqramların həyata keçirilməsinin əhəmiyyətli olduğunu vurğulayıb. Qeyd edilib ki, Prezident İlham Əliyevin rəhbərliyi ilə ölkəmizdə uğurlu gənclər siyasəti həyata keçirilir. Azərbaycanda gənclərin hərtərəfli inkişafına xarici dövlətlərin və beynəlxalq təşkilatların dəstək verməsi də təqdirəlayiqdir. Dövlət Komitəsinin sədri Almaniya dövlətinin dəstəklədiyi proqramın yaratdığı imkanlardan gənclərimizin fəal şəkildə yararlanmasının, onların sayının çox olmasının və bir-biri ilə daim əlaqə saxlamasının, təcrübə mübadiləsi aparmasının vacibliyini diqqətə çatdırıb. Gənclərə bildirilib ki, onlar Dövlət Komitəsinin gənclər üçün yaratdığı imkanlardan da yararlana bilər.

 

Azərbaycanın ərazi bütövlüyünün  yaxın vaxtlarda bərpa olunacağına və məcburi köçkünlərin beynəlxalq hüquqla təsbit olunan prinsiplər əsasında öz doğma yurdlarına qayıdacaqlarına inam ifadə olunub.

 

Səfir Volfqanq Maniq isə 1992-ci ildə Azərbaycana səfər etdiyini və o zaman ölkədə mövcud olan vəziyyətin çox ağır olduğunu xatırladıb. GİZ-in 1993-cü ildən Azərbaycanda fəaliyyətə başladığı, ilk vaxtlarda məcburi köçkünlərə iş tapmaqda kömək etdiyi, onlara təhsillə bağlı tövsiyə və təkliflər verdiyi qeyd edilib. Səfir hazırda həyata keçirilən layihənin əhəmiyyətini vurğulayaraq deyib: “İkinci Dünya Müharibəsi zamanı Almaniyada qaçqın və məcburi köçkünlər var idi. 1950-ci illərdə alman iqtisadi möcüzəsinin səbəbkarı da məhz onlar olublar.  Qaçqınlar və məcburi köçkünlər iş bacarıqlarına yiyələnərək müxtəlif sahələrdə çalışıblar”.  Səfir vurğulayıb ki, layihədə iştirak edənlərin öz bizneslərini qurması, assosiasiyalarını yaratması iqtisadiyyata töhfə verə bilər.

 

Daha sonra xanım Sonya Fonteyn çıxış edib,  layihənin həyata keçirilməsi və mərhələləri haqqında məlumat verib.

 

Layihədə iştirak etmiş 23 gəncdən 11-i iş tapıb, bir qrupu isə təhsilini davam etdirir.

 

Daha sonra layihə çərçivəsində ümumi fəaliyyət və gələcək planlar haqqında müzakirə keçirilib.

 

Layihə  Almaniya Beynəlxalq Əməkdaşlıq Cəmiyyəti (GİZ) ilə Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin əməkdaşlıq çərçivəsində həyata keçirilir, Ağdam, Bərdə rayonları və Mingəçevir şəhərində məskunlaşmış məcburi köçkünlərin və onlarla eyni ərazidə yaşayan yerli aztəminatlı əhalinin həm iqtisadi, həm də sosial inkişafını nəzərdə tutur. Bu məqsədə çatmaq üçün layihə çərçivəsində məcburi köçkünlərin iqtisadi və sosial inkişafını dəstəkləyən dövlət qurumlarının, həmçinin yerli idarəetmə strukturlarının bilik və bacarıqlarının artırılması, aztəminatlı əhalinin, xüsusilə gənclərin, məşğulluq və sahibkarlıq imkanlarının artırılması, hazırda sahibkarlıqla məşğul olanların fəaliyyətinin genişləndirilməsi istiqamətində iş aparılır.

 

 

2017-ci ildən icrasına başlanan, 2021-ci ilin oktyabr ayınadək davam edəcək layihənin ümumi regional büdcəsi 6 (altı) milyon avrodur.

 

17 Yanvar, 2020 / Tədbirlər Dövlət Komitəsində 20 Yanvar faciəsinin 30-cu ildönümünə həsr olunmuş tədbir keçirilib
17 Yanvar, 2020 / Tədbirlər Dövlət Komitəsində qanvermə aksiyası keçirilib
16 Yanvar, 2020 / Tədbirlər Taxtakörpü ərazisindəki üç yeni qəsəbənin ikisində laçınlı məcburi köçkünlərin yerləşdirilməsinə başlanılıb
30 Dekabr, 2019 / Tədbirlər Göygöl rayonunda məcburi köçkünlər üçün yeni məhəllənin açılışı olub
29 Dekabr, 2019 / Tədbirlər Ucarda və Göyçayda məcburi köçkünlər üçün yeni yaşayış binaları istifadəyə verilib
28 Dekabr, 2019 / Tədbirlər Kürdəmirdə 563 məcburi köçkün ailəsi üçün yeni yaşayış kompleksi istifadəyə verilib
27 Dekabr, 2019 / Tədbirlər Şirvan şəhərində məcburi köçkünlər üçün yeni yaşayış kompleksi istifadəyə verilib
27 Dekabr, 2019 / Tədbirlər Dövlət Komitəsində Xankəndinin işğal günü ilə bağlı tədbir keçirilib
25 Dekabr, 2019 / Tədbirlər Məcburi köçkünlərin iştirakı ilə bədii-musiqili tədbir keçirilib
24 Dekabr, 2019 / Tədbirlər Məcburi köçkünlərə 253 vakant iş yeri təklif olunub
19 Dekabr, 2019 / Tədbirlər Dövlətin məqsədi odur ki, “Böyük Qayıdış” proqramı tam olaraq icra olunsun
14 Dekabr, 2019 / Tədbirlər Məcburi köçkünlər arasında futzal turniri keçiriləcək
10 Dekabr, 2019 / Tədbirlər Məcburi köçkün gənclər kiçik sahibkarlıq fəaliyyətinə başlamaq üçün avadanlıqlarla təmin edilib
09 Dekabr, 2019 / Tədbirlər “Qobu Park-2” yaşayış kompleksində məcburi köçkünlərə hüquqi yardım göstərilib
29 Noyabr, 2019 / Tədbirlər 833 məcburi köçkün gəncə şəxsi biznesini qurmaq üçün avadanlıqlar təqdim edilib
19 Noyabr, 2019 / Tədbirlər Məcburi köçkünlər üçün əmək yarmarkası keçirilib
02 Noyabr, 2019 / Tədbirlər Ağdam rayonunda məcburi köçkünlər üçün tibbi aksiya keçirilir
29 Oktyabr, 2019 / Tədbirlər Dövlət Komitəsi Zəngilanın işğalının 26-cı ildönümü ilə bağlı anım tədbiri keçirib
26 Oktyabr, 2019 / Tədbirlər Qaçqınların və Məcburi Köçkünlərin İşləri üzrə Dövlət Komitəsində kollegiya iclası keçirilib
10 Oktyabr, 2019 / Tədbirlər “Qobu Park-2” üçün ilk püşkatma keçirilib