"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 353
Məcburi köçkün gənclər kiçik sahibkarlıq fəaliyyətinə başlamaq üçün avadanlıqlarla təmin edilib
Tədbirlər 10 Dekabr, 2019

Azərbaycan Hökumətinin və Dünya Bankının birgə maliyyələşdirməsi üzrə həyata keçirilən Məcburi Köçkünlərin Yaşayış Şəraiti və Gəlir İmkanlarının Dəstəklənməsi Layihəsinin (Əlavə maliyyələşdirmə) alt komponenti olan Məcburi Köçkün Gənclərin Dəstəklənməsi proqramının ilk mərhələsinə yekun vurulub.

 

Bu mərhələ çərçivəsində növbəti tədbir dekabrın 10-da Mingəçevir şəhərində keçirilib. Tədbirdə Qaçqınların və Məcburi Köçkünlərin İşləri üzrə Dövlət Komitəsi, Dünya Bankı, digər aidiyyəti orqan və jurnalistlər iştirakı ediblər.

 

Tədbir iştirakçılarına məlumat verilib ki, dövlət başçısı məcburi köçkünlərin problemlərinin həllini sosial siyasətin prioritet istiqamətlərindən biri kimi müəyyən edib. Azərbaycan Respublikasının Prezidenti cənab İlham Əliyevin imzaladığı Dövlət Proqramına uyğun olaraq məcburi köçkünlərin mənzil-məişət şəraiti yaxşılaşdırılır, eyni zamanda onların məşğulluğunun artırılması üçün ardıcıl tədbirlər həyata keçirilir.

 

Birinci vitse-prezident xanım Mehriban Əliyeva da məcburi köçkün gənclərin təhsil, məşğulluq kimi problemlərinin həllinə həssaslıqla yanaşır.

 

Proqram üzrə respublikanın müxtəlif bölgələrində müvəqqəti məskunlaşmış  2500 məcburi köçkün gəncin peşə təlimlərinə cəlb olunması, seçdikləri sahələr üzrə biliyə yiyələnməsi, təcrübə əldə etməsi, təlimlərin sonunda sertifikat alması və təlim keçdikləri peşə üzrə zəruri olan bütün avadanlıqlarla təmin edilməsi nəzərdə tutulub.

 

Layihənin şərtlərinə uyğun olaraq, proqram 3 mərhələdə həyata keçirilir. Birinci mərhələdə köçkün gənclərdən 833 nəfəri  6 ay  peşə və 3 ay kompüter bacarıqları üzrə təlimlər keçib. Təlimləri uğurla başa çatdıran gənclər əlavə olaraq, 15 günlük  “Biznesin idarə olunması” təlimlərinə cəlb edilib.

 

Məcburi köçkün gənclər mühasib, dərzi, çilingər, dülgər, bərbər, plastik qapı-pəncərə ustası, dizayner, mebel ustası, xalçaçı, videooperator, fotoqraf, şirniyyatçı, rəngsaz, qaynaqçı, qaz operatoru, kompüter operatoru kimi 40-dan çox ixtisas üzrə peşə təlimlərində iştirak ediblər.

 

Peşə təlimlərini və biznes təlimi üzrə imtahanları qənaətbəxş səviyyədə başa çatdıran, biznes planları layihənin İcraçı Komitəsi tərəfindən təsdiq edilən gənclər, bu il noyabr ayının 19-dan etibarən seçdikləri sahə üzrə öz bizneslərini formalaşdırmaq üçün zəruri olan bütün alət və avadanlıqlarla təmin edilir.

 

Mingəçevirdə keçirilən tədbirdə də bir qrup gəncə seçdikləri peşələrə uyğun alət və avadanlıqlar verilib.

 

Xatırladaq ki, Məcburi Köçkün Gənclərin Dəstəklənməsi proqramının ilk mərhələsinin yekun vurulmasına noyabrın 29-da başlanılıb. Həmin gün Gəncə şəhərində məcburi köçkün gənclərə şəxsi bizneslərini qurmaq üçün avadanlıqlar təqdim edilib.

 

17 Yanvar, 2020 / Tədbirlər Dövlət Komitəsində 20 Yanvar faciəsinin 30-cu ildönümünə həsr olunmuş tədbir keçirilib
17 Yanvar, 2020 / Tədbirlər Dövlət Komitəsində qanvermə aksiyası keçirilib
16 Yanvar, 2020 / Tədbirlər Taxtakörpü ərazisindəki üç yeni qəsəbənin ikisində laçınlı məcburi köçkünlərin yerləşdirilməsinə başlanılıb
30 Dekabr, 2019 / Tədbirlər Göygöl rayonunda məcburi köçkünlər üçün yeni məhəllənin açılışı olub
29 Dekabr, 2019 / Tədbirlər Ucarda və Göyçayda məcburi köçkünlər üçün yeni yaşayış binaları istifadəyə verilib
28 Dekabr, 2019 / Tədbirlər Kürdəmirdə 563 məcburi köçkün ailəsi üçün yeni yaşayış kompleksi istifadəyə verilib
27 Dekabr, 2019 / Tədbirlər Şirvan şəhərində məcburi köçkünlər üçün yeni yaşayış kompleksi istifadəyə verilib
27 Dekabr, 2019 / Tədbirlər Dövlət Komitəsində Xankəndinin işğal günü ilə bağlı tədbir keçirilib
25 Dekabr, 2019 / Tədbirlər Məcburi köçkünlərin iştirakı ilə bədii-musiqili tədbir keçirilib
24 Dekabr, 2019 / Tədbirlər Məcburi köçkünlərə 253 vakant iş yeri təklif olunub
19 Dekabr, 2019 / Tədbirlər Dövlətin məqsədi odur ki, “Böyük Qayıdış” proqramı tam olaraq icra olunsun
14 Dekabr, 2019 / Tədbirlər Məcburi köçkünlər arasında futzal turniri keçiriləcək
11 Dekabr, 2019 / Tədbirlər Dövlət Komitəsinin sədri və Almaniyanın ölkəmizdəki səfiri Mingəçevirdə gənclərlə görüşüblər
09 Dekabr, 2019 / Tədbirlər “Qobu Park-2” yaşayış kompleksində məcburi köçkünlərə hüquqi yardım göstərilib
29 Noyabr, 2019 / Tədbirlər 833 məcburi köçkün gəncə şəxsi biznesini qurmaq üçün avadanlıqlar təqdim edilib
19 Noyabr, 2019 / Tədbirlər Məcburi köçkünlər üçün əmək yarmarkası keçirilib
02 Noyabr, 2019 / Tədbirlər Ağdam rayonunda məcburi köçkünlər üçün tibbi aksiya keçirilir
29 Oktyabr, 2019 / Tədbirlər Dövlət Komitəsi Zəngilanın işğalının 26-cı ildönümü ilə bağlı anım tədbiri keçirib
26 Oktyabr, 2019 / Tədbirlər Qaçqınların və Məcburi Köçkünlərin İşləri üzrə Dövlət Komitəsində kollegiya iclası keçirilib
10 Oktyabr, 2019 / Tədbirlər “Qobu Park-2” üçün ilk püşkatma keçirilib