"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et Arxiv 204
Dövlət Komitəsində Qubadlının işğalı gününə həsr olunmuş anım tədbiri keçirilib
Tədbirlər 31 Avqust, 2019

Avqustun 31-da Qaçqınların və Məcburi Köçkünlərin İşləri üzrə Dövlət Komitəsində Qubadlı rayonunun təcavüzkar Ermənistanın işğalına məruz qalmasının 26-cı ildönümü ilə bağlı anım tədbiri keçirilib.


Tədbirdə Dövlət Komitəsinin əməkdaşları, Qarabağ Müharibəsi Əlilləri, Veteranları və Şəhid Ailələri İctimai Birliyinin rayon şöbələrinin rəhbərləri, Qubadlı rayonundan olan ziyalılar və ictimai fəallar iştirak ediblər. 


Əvvəlcə torpaqlarımızın azadlığı və ərazi bütövlüyü uğrunda həlak olmuş şəhidlərin xatirəsi bir dəqiqəlik sükutla yad edilib.


Dövlət Komitəsinin sədri Rövşən Rzayev Azərbaycan ərazilərinin işğalına şərait yaradan amillər haqqında söz açıb. Bildirilib ki, ölkəmiz müstəqillik əldə etdikdən sonra ilk illərdə siyasi hakimiyyətdə olan qüvvələrin yol verdiyi ciddi və bağışlanılmaz səhvlər erməni separatizminin daha da genişlənməsinə və Ermənistanın hərbi təcavüzünə imkan yaradıb. Hazırda işğal altında olan rayonlarımızın hamısı kimi, Qubadlının da vətənpərvər övladları torpaqlarımızın müdafiəsinə qalxıb, uzun müddət düşmənə qəhrəmancasına müqavimət göstəriblər. Lakin dövləti idarə edənlərin naşılığı, mövcud vəziyyəti qiymətləndirə bilməməsi və yanlış qərarlar verməsi nəticəsində düşmən öz məkrli niyyətini gerçəkləşdirib. 1993-cü il avqustun 31-də Qubadlı rayonu Ermənistan silahlı dəstələri tərəfindən işğal edilib.


Dünya birliyinin Ermənistanın təcavüzkar əməllərinin qarşısını almaq, işğal siyasətinə son qoymaq üçün hələ də təsirli tədbirlər görmədiyi, Azərbaycan ərazilərinin qeyd-şərtsiz işğaldan azad edilməsi barədə BMT Təhlükəsizlik Şurasının dörd qətnaməsinin digər nüfuzlu beynəlxalq təşkilatların çoxsaylı qərarlarının icra edilmədiyi təəssüf hissi ilə qeyd olunub.


Qubadlının məcburi köçkün əhalisi respublikamızın müxtəlif bölgələrində müvəqqəti məskunlaşıb. Prezident İlham Əliyevin və Birinci vitse-prezident xanım Mehriban Əliyevanın məcburi köçkünlərin sosial problemlərinin həlli ilə bağlı tapşırıqlarının icrası nəticəsində qubadlılı didərginlərin də mənzil-məişət şəraiti, maddi vəziyyəti yaxşılaşdırılır. Anım tədbirində çıxış edən müharibə veteranları, ziyalılar və ictimai fəallar buna görə dövlətimizin rəhbərlərinə minnətdarlıq bildiriblər. Onlar işğal altındakı bütün ərazilərimizin, o cümlədən Qubadlının xalqımızın birliyi, müstəqil dövlətimizin gücü və qüdrəti, Prezident, Ali Baş Komandan İlham Əliyevin qətiyyətli mövqeyi sayəsində tezliklə azad olunacağına əminliklərini ifadə ediblər. 


Sonda “Yol gedir... Qubadlıya” filmi nümayiş etdirilib.

 

12 Sentyabr, 2019 / Tədbirlər Məcburi köçkünlər ilk yardım üzrə təlimə cəlb olunublar
27 Avqust, 2019 / Tədbirlər Beyləqanda 146 məcburi köçkün ailəsi üçün yeni qəsəbə istifadəyə verilib
26 Avqust, 2019 / Tədbirlər “Bir gün Qarabağda” adlı muğam konserti təşkil edilib
23 Avqust, 2019 / Tədbirlər Dövlət Komitəsində Füzuli və Cəbrayılın işğalı günü ilə bağlı tədbir keçirilib
19 Avqust, 2019 / Tədbirlər Qaçqınların və Məcburi Köçkünlərin İşləri üzrə Dövlət Komitəsində növbəti kollegiya iclası keçirilib
23 İyul, 2019 / Tədbirlər Dövlət Komitəsində Ağdamın işğal günü ilə bağlı tədbir keçirilib
13 İyul, 2019 / Tədbirlər Ulu Öndər Heydər Əliyevin Azərbaycanda hakimiyyətə gəlişinin 50-ci ildönümü münasibəti ilə konsert keçirilib
02 İyul, 2019 / Tədbirlər Cenevrədə “Azərbaycanda məcburi köçkünlərin insan hüquqları – tərəqqi və təhdidlər” adlı tədbir keçirilib
24 İyun, 2019 / Tədbirlər Gənclər üçün növbəti festival keçirilib
24 İyun, 2019 / Tədbirlər Bakıda Ümumdünya Qaçqınlar Günü ilə bağlı tədbir keçirilib
19 İyun, 2019 / Tədbirlər “Gənclərin inteqrasiya və fəallığa təşviqi” adlı festival keçirilib
14 İyun, 2019 / Tədbirlər Milli Qurtuluş Günü münasibəti ilə Kürdəxanıda məcburi köçkünlər üçün tibbi aksiya keçirilib
31 May, 2019 / Tədbirlər Məcburi köçkün şagirdlərə ixtisas seçimi ilə bağlı tövsiyələr verilib
18 May, 2019 / Tədbirlər Dövlət Komitəsində Laçın rayonunun işğalının ildönümü münasibətilə anım tədbiri keçirilib
10 May, 2019 / Tədbirlər Ulu Öndər Heydər Əliyevin anadan olmasının 96-cı ildönümü münasibətilə anım tədbiri keçirilib
08 May, 2019 / Tədbirlər Dövlət Komitəsi Şuşanın işğalının 27-ci ildönümü ilə bağlı anım tədbiri keçirib
07 May, 2019 / Tədbirlər Ümummilli lider Heydər Əliyevin anadan olmasının 96 illiyinə həsr olunmuş konsert təşkil edilib
08 Aprel, 2019 / Tədbirlər Dağlıq Qarabağda məcburi köçkünlərə təlim keçiblər
05 Aprel, 2019 / Tədbirlər Qaradağda məcburi köçkünlər üçün tibbi müayinə təşkil edilib
02 Aprel, 2019 / Tədbirlər Dövlət Komitəsində Kəlbəcərin işğalının ildönümü qeyd edilib