"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et Arxiv 204
Dövlət Komitəsində ABŞ Konqresinin üzvlərinin köməkçilərindən ibarət nümayəndə heyəti ilə görüş keçirilib
Görüşlər 29 May, 2019

Mayın 29-da Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev ABŞ Konqresinin üzvlərinin köməkçilərindən ibarət nümayəndə heyəti ilə görüşüb. 

 


Dövlət Komitəsinin sədri qonaqlara Ermənistan-Azərbaycan Dağlıq Qarabağ münaqişəsinin tarixi, səbəbləri və mövcud vəziyyəti, münaqişə nəticəsində ölkəmizin üzləşdiyi humanitar böhran və onun hələ də davam edən fəsadları barədə məlumat verib.

 

Qeyd edilib ki, Ermənistanın öz qoşunlarını Azərbaycanın işğal edilmiş ərazilərindən qeyd-şərtsiz çıxarması ilə bağlı BMT Təhlükəsizlik Şurasının dörd qətnaməsi icra olunmayıb. Münaqişənin həlli üzrə Minsk qrupunun həmsədri kimi ABŞ-ın mövqeyinin bu məsələdə mühüm əhəmiyyət daşıdığı, danışıqlar prosesində irəliləyişin əldə edilməsinə təsirinin vacibliyi diqqətə çatdırılıb. Vurğulanıb ki, münaqişənin siyasi yolla həllinin tapılmaması hər an hərbi vasitələrin tətbiqi təhlükəsi yaradır. Ermənistanın təxribatına cavab olaraq, 2016-cı ilin aprelində qoşunların təmas xəttində hərbi qarşıdurma yarandığı, Azərbaycan Ordusunun əks-həmlə əməliyyatı nəticəsində Cəbrayıl rayonunun Cocuq Mərcanlı kəndinin işğaldan azad edildiyi xatırladılıb. 

 


Bildirilib ki, Ermənistanın etnik təmizləmə və işğalçılıq siyasəti nəticəsində 1 milyon 200 mindən çox qaçın və məcburi köçkün doğma yurd-yuvasından didərgin düşüb. Azərbaycan dövləti mənəvi, fiziki və maddi məhrumiyyətlərə məruz qalan şəxslərin problemlərinin həllini daim diqqət mərkəzində saxlayır. Bu məsələ Prezident İlham Əliyevin sosial siyasətininin prioritetlərindəndir. Qaçqınların və məcburi köçkünlərin mənzil-məişət şəraitinin və maddi təminatının yaxşılaşdırılması ilə bağlı Azərbaycanda görülən işlərin miqyası çox genişdir. Bu sahədə Birinci vitse-prezident xanım Mehriban Əliyevanın və onun rəhbərlik etdiyi Heydər Əliyev Fondunun mühüm xidmətləri vardır. Dövlət Komitəsinin sədri ölkəmizdəki qaçqın və məcburi köçkünlərə humanitar yardım göstərilməsi ilə bağlı beynəlxalq təşkilatların fəaliyyətindən də söz açıb. Bu istiqamətdə ABŞ-ın icra etdiyi layihələrin əhəmiyyəti qeyd edilib və minnətdarlıq bildirilib. 

 


Amerikalı qonaqlar səmimi qəbula görə təşəkkür ediblər. Qeyd olunub ki, səfərin əsas məqsədi ABŞ Konqresi üzvləri və onların köməkçilərində Azərbaycanla ABŞ arasında ikitərəfli və çoxtərəfli əməkdaşlıq münasibətlərinin əhəmiyyəti, həmçinin ABŞ-la ortaq maraqlar, o cümlədən enerji təhlükəsizliyi, müdafiə, təhlükəsizlik, terrorçuluq və ekstremizmə qarşı mübarizə sahələrində əməkdaşlıq, beynəlxalq sülhməramlı əməliyyatlarda iştirak, ölkəmizdə tolerantlıq, mültikulturalizm ənənələri, Ermənistanın ölkəmizə qarşı hərbi təcavüzü və onun nəticələri barəsində məlumatlılığın artırılmasıdır. 

 


Görüşdə, ABŞ Konqresinin üzvlərinin köməkçiləri ilə yanaşı, Azərbaycan Respublikasının Amerika Birləşmiş Ştatlarındakı səfirliyinin əməkdaşları, eləcə də Dövlət Komitəsinin rəsmiləri iştirak ediblər.

 


Görüşdə qarşılıqlı maraq doğuran məsələlər ətrafında fikir mübadiləsi aparılıb.

21 Avqust, 2019 / Görüşlər Dövlət Komitəsinin sədri və sədr müavinləri bölgələrdə vətəndaşları qəbul ediblər
20 Avqust, 2019 / Görüşlər Dövlət Komitəsində vətəndaşların növbəti qəbulu keçirilib
08 Avqust, 2019 / Görüşlər Dövlət Komitəsinin sədri Almaniyanın ölkəmizdə yeni təyin olunmuş səfiri ilə görüşüb
06 Avqust, 2019 / Görüşlər Dövlət Komitəsində vətəndaşların növbəti qəbulu keçirilib
30 İyul, 2019 / Görüşlər Dövlət Komitəsində vətəndaşların qəbulu keçirilib
26 İyul, 2019 / Görüşlər Dövlət Komitəsinin sədri və sədr müavini bölgələrdə vətəndaşları qəbul ediblər
23 İyul, 2019 / Görüşlər Dövlət Komitəsinin sədri vətəndaşları qəbul edib
16 İyul, 2019 / Görüşlər Dövlət Komitəsində vətəndaşların növbəti qəbulu keçirilib
11 İyul, 2019 / Görüşlər Dövlət Komitəsində vətəndaşların növbəti qəbulu keçirilib
11 İyul, 2019 / Görüşlər Dövlət Komitəsində Avropa Şurasının İnsan Hüquqları üzrə komissarı ilə görüş keçirilib
10 İyul, 2019 / Görüşlər Köçkünlərlə bir gün: heç kim diqqətdən kənarda deyil
02 İyul, 2019 / Görüşlər Dövlət Komitəsində vətəndaşların növbəti qəbulu keçirilib
25 İyun, 2019 / Görüşlər Dövlət Komitəsində muğam müsabiqəsinin qalibləri ilə görüş olub
25 İyun, 2019 / Görüşlər Dövlət Komitəsində vətəndaşların növbəti qəbulu keçirilib
21 İyun, 2019 / Görüşlər Dövlət Komitəsinin sədri Kürdəxanıda məcburi köçkünlərlə görüşüb
18 İyun, 2019 / Görüşlər Dövlət Komitəsinin sədri vətəndaşları qəbul edib
14 İyun, 2019 / Görüşlər Dövlət Komitəsində BMT İnkişaf Proqramının Azərbaycanda yeni təyin olunmuş rezident nümayəndəsi ilə görüş keçirilib
12 İyun, 2019 / Görüşlər Dövlət Komitəsinin sədri və sədr müavinləri bölgələrdə vətəndaşları qəbul ediblər
11 İyun, 2019 / Görüşlər Dövlət Komitəsində vətəndaşların növbəti qəbulu keçirilib
04 İyun, 2019 / Görüşlər Dövlət Komitəsində vətəndaşların növbəti qəbulu keçirilib