"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 271
Məcburi köçkünlərə hüquqi yardım göstərilib
Tədbirlər 25 Oktyabr, 2022

Qaçqınların və Məcburi Köçkünlərin İşləri üzrə Dövlət Komitəsi Azərbaycan Respublikası Vəkillər Kollegiyası ilə birgə Bakının Qaradağ rayonundakı "Qobu Park-2" yaşayış kompleksində məcburi köçkünlər üçün pulsuz hüquqi yardım aksiyası təşkil edib.

 

Prezident İlham Əliyevin məcburi köçkünlərin problemlərinin həllini sosial siyasətin prioritet istiqamətlərindən biri kimi müəyyənləşdirdiyi qeyd olunub. Bildirilib ki, onların mənzil-məişət şəraitinin və maddi vəziyyətinin yaxşılaşdırılması, məşğulluğunun artırılması istiqamətində məqsədyönlü ardıcıl iş aparılır. Bu kateqoriyadan olan şəxslərin mənzil, təhsil, sağlamlıq problemlərinin həllinə Birinci vitse-prezident xanım Mehriban Əliyeva xüsusi diqqət və qayğı yetirir.

 

Tədbirdə  Dövlət Komitəsi sədrinin müşaviri Nəsimi Nərimanov, Hüquq və kadrlar şöbəsinin müdiri vəzifəsini müvəqqəti icra edən hüquq sektorunun müdiri Mirhüseyin Hüseynov, Bakı şəhər 33 saylı Vəkil Bürosunun rəhbəri Elxan Süleymanlı və “Mirzəyev və portnyorları” Vəkil Bürosunun rəhbəri Səyyad Mirzəyev çıxış edərək, ölkəmizdə məcburi köçkünlərin dövlət tərəfindən hüquq və mənafelərinin qorunması, onların sosial müdafiəsinin təmin olunması, Böyük Qayıdışa hazırlanması, bu zaman qarşıya çıxan hüquqi məsələlərin həlli və s. barədə fikirlərini bildiriblər. 

 

Dövlətimizin başçısının təşəbbüsü və rəhbərliyi ilə hazırda ölkəmizdə hüquqi islahatların aparıldığı, bu islahatların insan və vətəndaş hüquq və azadlıqlarının yüksək səviyyədə təmin olunmasına şərait yaradıldığı, məhkəmə-hüquq sistemində şəffaflığın daha da genişləndirildiyi, müasir informasiya-kommunikasiya texnologiyalarının tətbiqi ilə vətəndaşlara göstərilən hüquqi xidmətlərdə ciddi keyfiyyət dəyişikliyi yaradıldığı qeyd edilib.

 

Bildirilib ki, qaçqınların və məcburi köçkünlərin hüquqlarının qorunması, qanuni mənafelərinin təmin edilməsi dövlətimizin bu kateqoriyadan olan insanlarla iş sahəsində apardığı siyasətin vacib elementidir. Dövlət Komitəsi ilə Vəkillər Kollegiyası arasında əməkdaşlıq haqqında imzalanmış memoranduma əsasən,  bu qurumun mənsubları məcburi köçkünlərin hüquqi maarifləndirilməsinə və ödənişsiz hüquqi yardım almasına  töhfə verirlər.

 

Tədbirdə iştirak edən məcburi köçkünlərə vətəndaşların müraciətlərinə baxılması qaydaları, pensiya təminatı, məcburi köçkünlərin imtiyazları, sahibkarlıq məsələləri və s. barədə ətraflı məlumat verilib.

 

Sonra məcburi köçkünlərin fərdi müraciətləri dinlənilib, sualları cavablandırılıb, həmçinin hüquqi yardıma ehtiyacı olan 40 nəfərə yaxın məcburi köçkünə pulsuz hüquqi yardım göstərilib, müraciətləri dinlənilərək aidiyyəti qurumlara sorğularının ünvanlanacağına dair məlumat verilib.

 

Qeyd edək ki, məcburi köçkünlərə ödənişsiz hüquqi yardım göstərilməsi respublikamızın digər ərazilərində də təşkil olunacaq.

18 Noyabr, 2022 / Tədbirlər Koreya səfirliyi qaçqınlara və məcburi köçkünlərə dəstək tədbirləri həyata keçirir
07 Noyabr, 2022 / Tədbirlər “Zəfər arzuları” adlı sosial aksiya təşkil edilib
05 Noyabr, 2022 / Tədbirlər YAP-ın təsis edilməsinin 30 illiyi qeyd olunub
21 Oktyabr, 2022 / Tədbirlər Dövlət Komitəsində kollegiya iclası keçirilib
14 Oktyabr, 2022 / Tədbirlər Dövlət Komitəsi yanında İctimai Şuranın iclası keçirilib
13 Oktyabr, 2022 / Tədbirlər Məcburi köçkün qəsəbələrində Beynəlxalq Qız Övladları Günü qeyd edilib
07 Oktyabr, 2022 / Tədbirlər Dövlət Komitəsində Vəkillər Kollegiyası ilə əməkdaşlıq memorandumu imzalanıb
27 Sentyabr, 2022 / Tədbirlər Şəhidlərin xatirəsi anılıb...
10 Sentyabr, 2022 / Tədbirlər Daha 125 Ağalı sakini doğma yurduna qayıtdı
09 Sentyabr, 2022 / Tədbirlər Komitə sərgidə silahların ən güclüsünü təqdim etdi...
07 Sentyabr, 2022 / Tədbirlər Ağalıya növbəti köç karvanı yola salınıb
01 Sentyabr, 2022 / Tədbirlər Məcburi köçkünlərin sosial-iqtisadi inkişafı üzrə layihənin icrası davam edir
17 Avqust, 2022 / Tədbirlər Laçın şəhərinə qayıdışa hazırlıq başlanacaq
15 Avqust, 2022 / Tədbirlər Dövlət Komitəsində Zabux və Sus kəndlərinin sakinlərindən bir qrupu ilə görüş keçirilib
13 Avqust, 2022 / Tədbirlər Laçına, Zabuxa, Susa qayıdışın təşkili üçün tədbirlər müəyyən edilib
22 İyul, 2022 / Tədbirlər Dövlət Komitəsində kollegiya iclası keçirilib
20 İyul, 2022 / Tədbirlər Məcburi köçkün qadınlarla bağlı məsələlərə həsr olunmuş dəyirmi masa keçirilib
14 İyun, 2022 / Tədbirlər “Mine Mark” Fondunun nümayəndə heyəti ağdamlı məktəblilərə təlim keçib və Ağdam şəhərindəki dağıntıların miqyası ilə tanış olub
13 İyun, 2022 / Tədbirlər Mina təhlükəsinə dair interaktiv təlim keçirilib
04 İyun, 2022 / Tədbirlər Məcburi köçkünlər üçün yeni layihənin icrasına başlanılıb