"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 265
Dövlət Komitəsinin sədr müavini beynəlxalq vebinarda çıxış edib
Mətbuat xidmətinin məlumatı 27 May, 2022

Qaçqınların və Məcburi Köçkünlərin İşləri üzrə Dövlət Komitəsinin sədr müavini Fuad Hüseynov “Böhranlar şəraitində gender ayrı-seçkiliyinin, təlim və tədrisdə bərabərsizliklərin aradan qaldırılması – Azərbaycan nümunəsi” mövzusunda vebinarda çıxış edib.

 

Azərbaycan Respublikasının Efiopiya Federativ Demokratik Respublikasındakı səfirliyi, UNESCO-nun Əddis-Əbəbədəki ofisinin və Azərbaycanın UNESCO nəzdində Milli Komissiyasının birgə təşkilatçılığı ilə keçirilən beynəlxalq vebinarın əsas məqsədi  ölkəmizin gender bərabərliyi sahəsindəki təcrübəsini Afrika ölkələri ilə bölüşməkdən ibarət olub.

 

Dövlət Komitəsinin sədr müavini Fuad Hüseynov çıxışı zamanı Azərbaycanda Ermənistanın işğalçılıq və deportasiya siyasəti nəticəsində yaranan qaçqın və məcburi köçkün problemi, onların problemlərinin  həlli ilə bağlı həyata keçirilən dövlət siyasəti haqqında məlumat verilib. Bildirilib ki, Prezident İlham Əliyevin bu kateqoriyadan olan soydaşlarımızın mənzil-məişət şəraitinin yaxşılaşdırılması, maddi rifah halının yüksəldilməsi üçün verdiyi tapşırıqlar ardıcıllıqla icra olunur. Birinci vitse-prezident Mehriban xanım Əliyevanın məcburi köçkünlərə daim diqqət və qayğı göstərdiyi qeyd edilib.

 

Nəzərə çatdırılıb ki, məcburi köçkünlərin sosial problemlərinin həlli ilə bağlı hazırlanan hər bir normativ hüquqi aktda gender bərabərliyi məsələsi də diqqətə alınır. Qadınlara kişilərlə bərabər mənzil, məşğulluq, müavinət, təhsil, səhiyyə sahələrində tətbiq edilən güzəşt və imtiyazlardan yararlanmaq hüququ verilir. Eyni zamanda, məcburi köçkünlərin təhsil alması və bu sahədə tətbiq olunan güzəştlərdən yararlanması üçün də imkan yaradılıb. Azərbaycan ərazilərinin 30 ilə yaxın işğal altında olduğu dövrdə həmin rayonlarda fəaliyyət göstərmiş təhsil idarələrinin və məktəblərin müəllim kollektivi məcburi köçkünlərin müvəqqəti məskunlaşdığı şəhər və rayonlarda fəaliyyətini davam etdirib.

 

Vebinar iştirakçılarına bildirilib ki, 2020-ci ilin sentyabrında Azərbaycan Vətən müharibəsində əldə etdiyi tarixi qələbədən sonra ərazi bütövlüyünü bərpa edib. Keçmiş məcburi köçkünlərin ata-baba yurdlarına qayıtması üçün şərait yaranıb. Ərazilərin minalardan təmizlənməsi, rabitə-kommunikasiya xətləri və infrastrukturun qurulmasından sonra məcburi köçkünlərin könüllü, təhlükəsiz, ləyaqətlə qayıdışı həyata keçiriləcək. Böyük Qayıdışdan öncə məcburi köçkünlər arasında aparılan sorğu zamanı da gender bərabərliyi, gender və yaşa aid ehtiyaclar məsələsinə diqqət yetirilir, təhsil, məşğulluq kimi məsələlərin həlli ilə əlaqədar olaraq, həm qadınların, həm də kişilərin fikirləri öyrənilir. Bu, eyni zamanda, onların fərdi istəklərinin də qarşılanmasına müsbət təsir edəcək. 

 

Sonda əminliklə bildirilib ki, ölkə başçısının rəhbərliyi ilə aparılan siyasət nəticəsində yaxın illərdə Azərbaycan post-münaqişə reabilitasiyası və reinteqrasiyası üzrə yeni dünyəvi model təqdim edəcək.

 

Vebinar tədbir iştirakçılarının çıxışları ilə davam edib.

29 İyun, 2022 / Mətbuat xidmətinin məlumatı Məcburi köçkünlər doğma yurda qayıdışla bağlı fikirlərini bölüşür
23 İyun, 2022 / Mətbuat xidmətinin məlumatı Goranboyda məcburi köçkün qəsəbəsində selin törətdiyi fəsadların aradan qaldırılması üçün tədbirlər görülür
10 İyun, 2022 / Mətbuat xidmətinin məlumatı Xanəndə Ehtiram Hüseynov Laçında...
06 İyun, 2022 / Mətbuat xidmətinin məlumatı Ağalıda yeni həyat başlayır
31 May, 2022 / Mətbuat xidmətinin məlumatı Dövlət Komitəsinin sədri vətəndaşları qəbul edib
28 May, 2022 / Mətbuat xidmətinin məlumatı Xarici diplomatlara məcburi köçkünlərlə bağlı dövlət siyasəti barədə məlumat verilib
27 May, 2022 / Mətbuat xidmətinin məlumatı Məcburi köçkünlər doğma yurda qayıdışla bağlı fikirlərini bölüşür
19 May, 2022 / Mətbuat xidmətinin məlumatı Dövlət Komitəsinin əməkdaşları “İcma əsaslı hamilik” mövzusunda təlimdə iştirak ediblər
10 May, 2022 / Mətbuat xidmətinin məlumatı Dövlət Komitəsi ümummilli lider Heydər Əliyevin ad günü ilə bağlı videoreportaj hazırlayıb
04 May, 2022 / Mətbuat xidmətinin məlumatı Məcburi köçkünlər doğma yurda qayıdışla bağlı fikirlərini bölüşür
27 Aprel, 2022 / Mətbuat xidmətinin məlumatı Dövlət Komitəsi Dünya bankı ilə əməkdaşlığı davam etdirir
25 Aprel, 2022 / Mətbuat xidmətinin məlumatı Doğma yurda səfərlər şəhid ailələri üçün böyük təskinlikdir
22 Aprel, 2022 / Mətbuat xidmətinin məlumatı Müəllimlər üçün mina təhlükəsinə dair təlim keçiriləcək
21 Aprel, 2022 / Mətbuat xidmətinin məlumatı Məcburi köçkünlər doğma yurda qayıdışla bağlı fikirlərini bölüşür
19 Aprel, 2022 / Mətbuat xidmətinin məlumatı Məcburi köçkün gənclər doğma yurda qayıdışla bağlı fikirlərini bölüşüb
18 Aprel, 2022 / Mətbuat xidmətinin məlumatı Dövlət Komitəsi Başlıbel qətliam ilə əlaqədar videomaterial və infoqrafika hazırlayıb
15 Aprel, 2022 / Mətbuat xidmətinin məlumatı Dövlət Komitəsinin əməkdaşları üçün təlim keçiriləcək
13 Aprel, 2022 / Mətbuat xidmətinin məlumatı Məcburi köçkün gənclər doğma yurda qayıdışla bağlı fikirlərini bölüşüb
11 Aprel, 2022 / Mətbuat xidmətinin məlumatı Məcburi köçkün qadınlar üçün peşə təlimləri keçiriləcək
08 Aprel, 2022 / Mətbuat xidmətinin məlumatı Kəlbəcər rayonunun Ağdaban kəndində törədilən qətliamdan 30 il ötür