"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 239
Dövlət Komitəsində görüş keçirilib
Görüşlər 14 Aprel, 2022

Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev Almaniya Federativ Respublikasının ölkəmizdəki fövqəladə və səlahiyyətli səfiri Volfqanq Maniq, Almaniya Federativ Respublikasının ölkəmizdə akkreditə olunmuş iqtisadi əməkdaşlıq üzrə regional rəhbəri xanım Lidiya Kristmann və GİZ-in ölkə üzrə direktoru Karin Hörhan ilə görüşüb.

 

Prezident İlham Əliyevin rəhbərliyi ilə ölkəmizdə qaçqınlar və məcburi köçkünlərlə iş sahəsində həyata keçirilən dövlət siyasəti haqqında qonağa ətraflı məlumat verilib. Birinci vitse-prezident Mehriban xanım Əliyevanın bu siyasətin aparılmasında mühüm xidmətləri qeyd edilib.

 

44 günlük Vətən müharibəsinin qələbə ilə başa çatdırılması, təcavüzkar Ermənistanın işğalına son qoyulması, ölkəmizin ərazi bütövlüyünün bərpa edilməsi nəticəsində məcburi köçkünlərin öz yurdlarına qayıtmasına imkan yarandığı, dövlətimizin başçısının tapşırıqları əsasında, onların könüllü, ləyaqətli və təhlükəsiz qayıdışının təmin olunması üçün  zəruri tədbirlər görüldüyü diqqətə çatdırılıb.

 

Qeyd olunub ki, azad edilmiş ərazilərdə genişmiqyaslı iş aparılır, infrastruktur layihələri həyata keçirilir, ermənilərin tamamilə dağıtdığı kəndlərin və şəhərlərin yerində müasir tipli yaşayış məntəqələri salınır. Mina və partlayıcı qalıqların təhlükəsizliyə ciddi maneə törətdiyi, onların zərərsizləşdirilməsinin böyük vaxt apardığı və məcburi köçkünlərin qayıdışını ləngidən amilə çevrildiyi  bildirilib.  

 

Vurğulanıb ki, bərpa-quruculuq işləri ölkə rəhbərinin Sərəncamı ilə həmin ərazilərdə məsələlərin mərkəzləşdirilmiş qaydada həlli üzrə yaradılmış Əlaqələndirmə Qərargahı tərəfindən operativ qaydada koordinasiya edilir. Qarabağın və Şərqi Zəngəzurun iqtisadi potensialından səmərəli istifadənin, bu ərazilərdə icma əsaslı dayanıqlı məskunlaşmanın təmin olunması Böyük Qayıdışın başlıca prioritetidir.

 

Dövlət Komitəsinin Almaniya Beynəlxalq Əməkdaşlıq Cəmiyyəti (GIZ) ilə əlaqələrinin əhəmiyyəti xüsusi qeyd edilib və məcburi köçkünlərlə bağlı layihələrə verilən dəstəyə görə minnətdarlıq ifadə olunub. 

 

Qonaqlar səmimi qəbula görə təşəkkür ediblər. Regionda münaqişənin başa çatmasını və məcburi köçkünlərin geri dönməsi üçün şəraitin yaranmasını yüksək qiymətləndirən diplomatlar dayanıqlı sülhün bərqərar edilməsinə, icmalararası əlaqələrin bərpasına Almaniya hökumətinin yardım göstərmək istəyini ifadə ediblər. Həmçinin bildirilib ki, məcburi köçkünlərlə bağlı layihələrin bundan sonra da dəstəklənməsinin davam etdirilməsi nəzərdə tutulur.

 

Görüşdə qarşılıqlı maraq doğuran məsələlər müzakirə edilib.

10 May, 2022 / Görüşlər Dövlət Komitəsinin sədri vətəndaşları qəbul edib
06 May, 2022 / Görüşlər Məcburi köçkünlərin qayıdışı və prosesə hazırlıq mövzusunda görüş keçirilib
26 Aprel, 2022 / Görüşlər Dövlət Komitəsinin sədri vətəndaşları qəbul edib
19 Aprel, 2022 / Görüşlər Dövlət Komitəsinin sədri vətəndaşları qəbul edib
13 Aprel, 2022 / Görüşlər Uzun müddətli məcburi köçkünlük və həsrətlə gözlənilən Qayıdış mövzusunda mühazirə deyilib
12 Aprel, 2022 / Görüşlər Dövlət Komitəsində vətəndaşların növbəti qəbulu keçirilib
08 Aprel, 2022 / Görüşlər Dövlət Komitəsinin sədri Biləsuvarda vətəndaşları qəbul edib
05 Aprel, 2022 / Görüşlər Dövlət Komitəsində vətəndaşların qəbulu keçirilib
29 Mart, 2022 / Görüşlər Dövlət Komitəsində almaniyalı beynəlxalq hüquq mütəxəssisi ilə görüş olub
15 Mart, 2022 / Görüşlər Dövlət Komitəsinin sədri BMT, Dünya Bankı və Avropa İttifaqının birgə qiymətləndirmə missiyasının ekspertləri ilə görüşüb
14 Mart, 2022 / Görüşlər Dövlət Komitəsinin sədri Goranboyda vətəndaşları qəbul edib
11 Mart, 2022 / Görüşlər Dövlət Komitəsində IFRC-nin nümayəndələri ilə görüş keçirilib
04 Mart, 2022 / Görüşlər Dövlət Komitəsində BMT-nin Kapitalın İnkişafı Fondunun nümayəndələri ilə görüş olub
16 Fevral, 2022 / Görüşlər Dövlət Komitəsində görüş keçirilib
01 Fevral, 2022 / Görüşlər Dövlət Komitəsində fransalı tarixçi ilə görüş olub
08 Dekabr, 2021 / Görüşlər Dövlət Komitəsində Böyük Britaniyadan gəlmiş analitiklərlə görüş olub
07 Dekabr, 2021 / Görüşlər Dövlət Komitəsinin sədri Beynəlxalq Qızıl Xaç və Qızıl Aypara Cəmiyyətləri Federasiyasının Baş katibi ilə görüşüb
30 Noyabr, 2021 / Görüşlər Dövlət Komitəsində BMqT-nin Cenevrədəki Baş Qərargahının departament direktoru ilə görüş olub
25 Noyabr, 2021 / Görüşlər Dövlət Komitəsində görüş keçirilib
17 Noyabr, 2021 / Görüşlər Dövlət Komitəsində Avropa İttifaqının Azərbaycandakı nümayəndəliyinin rəhbəri ilə görüş olub