"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 648
Məcburi köçkünlərə dəstək tədbiri keçirilib
Tədbirlər 11 Noyabr, 2021

Noyabrın 11-də Azərbaycan Respublikası Qaçqın və Məcburi Köçkünlərin İşləri üzrə Dövlət Komitəsinin dəstəyi ilə Koreya Respublikasının ölkəmizdəki səfirliyi “Qobu Park” yaşayış kompleksində yerləşən “Xarıbülbül” təlim və istehsal mərkəzində sosial dəstək tədbiri keçirib.

 

Tədbirdə çıxış edən Dövlət Komitəsi sədrinin müşaviri Nəsimi Nərimanov bildirib ki, məcburi köçkünlərin problemlərinin həlli Prezident İlham Əliyevin diqqət mərkəzindədir və hazırda onların öz doğma yurdlarına qayıdışına hazırlıq tədbirləri həyata keçirilir. Birinci vitse-prezident xanım Mehriban Əliyeva məcburi köçkünlərə xüsusi qayğı göstərir, onlarla görüşlər keçirir, arzu və istəklərini şəxsən dinləyir, mənzil-məişət, təhsil, sağlamlıq məsələlərini həll edir.

 

Ölkəmizdə məcburi köçkünlərin yaşayış şəraitinin yaxşılaşdırılması üçün dövlət tədbirlərinin görülməsi ilə yanaşı, son illər bu sahəyə özəl sektor da töhfələr verib. Qonaqların diqqətinə çatdırılıb ki, tədbirin keçirildiyi “Qobu park” yaşayış kompleksi özəl sektor tərəfindən, dövlət vəsaiti istifadə olunmadan tikilib. Eyni zamanda bildirilib ki, “Xarı bülbül” kompleks ərazisində yaşayan məcburi köçkünlərin məşğulluğuna dəstək məqsədi ilə yaradılıb. Burada məcburi köçkün şəhid və müharibə veteranlarının ailələri çalışır.  

 

Koreya Respublikasının Azərbaycandakı fövqəladə və səlahiyyətli səfiri Kim Tonq Op məcburi köçkünlərlə bağlı dövlət tərəfindən həyata keçirilən tədbirləri yüksək qiymətləndirib. Qeyd edib ki, gələcəkdə səfirlik tərəfindən məcburi köçkünlərlə bağlı icra edilən tədbirlər genişləndiriləcək.

 

Qonaqlar “Koreya-Azərbaycan” dostluq münasibətlərini əks etdirən sərgidə əl işlərindən ibarət rəsmlərə baxıb. Müsabiqədə iştirak edən məktəblilərə hədiyyə və sertifikatlar təqdim edilib.

 

Daha sonra tədbir iştirakçıları mərkəzdə hazırlanan zərgərlik əşyaları və xalçalarla tanış olublar, burada çalışan məcburi köçkünlərlə söhbət ediblər. Səfirlik tərəfindən “Xarıbülbül”ə ip, əriş-arğac və bir sıra texniki avadanlıqlar hədiyyə edilib.

27 Sentyabr, 2022 / Tədbirlər Şəhidlərin xatirəsi anılıb...
10 Sentyabr, 2022 / Tədbirlər Daha 125 Ağalı sakini doğma yurduna qayıtdı
09 Sentyabr, 2022 / Tədbirlər Komitə sərgidə silahların ən güclüsünü təqdim etdi...
07 Sentyabr, 2022 / Tədbirlər Ağalıya növbəti köç karvanı yola salınıb
01 Sentyabr, 2022 / Tədbirlər Məcburi köçkünlərin sosial-iqtisadi inkişafı üzrə layihənin icrası davam edir
17 Avqust, 2022 / Tədbirlər Laçın şəhərinə qayıdışa hazırlıq başlanacaq
15 Avqust, 2022 / Tədbirlər Dövlət Komitəsində Zabux və Sus kəndlərinin sakinlərindən bir qrupu ilə görüş keçirilib
13 Avqust, 2022 / Tədbirlər Laçına, Zabuxa, Susa qayıdışın təşkili üçün tədbirlər müəyyən edilib
22 İyul, 2022 / Tədbirlər Dövlət Komitəsində kollegiya iclası keçirilib
20 İyul, 2022 / Tədbirlər Məcburi köçkün qadınlarla bağlı məsələlərə həsr olunmuş dəyirmi masa keçirilib
14 İyun, 2022 / Tədbirlər “Mine Mark” Fondunun nümayəndə heyəti ağdamlı məktəblilərə təlim keçib və Ağdam şəhərindəki dağıntıların miqyası ilə tanış olub
13 İyun, 2022 / Tədbirlər Mina təhlükəsinə dair interaktiv təlim keçirilib
04 İyun, 2022 / Tədbirlər Məcburi köçkünlər üçün yeni layihənin icrasına başlanılıb
26 May, 2022 / Tədbirlər Alman səfiri ilə… bir gün Şuşada
17 May, 2022 / Tədbirlər İctimai Şuranın növbəti iclası keçirilib
10 May, 2022 / Tədbirlər Dövlət Komitəsində Ulu Öndər Heydər Əliyevin anadan olmasının 99-cu ildönümü ilə bağlı tədbir keçirilib
04 May, 2022 / Tədbirlər Dövlət Komitəsinin gənc əməkdaşlarına YAP-ın üzvlük vəsiqəsi təqdim edilib
20 Aprel, 2022 / Tədbirlər Dövlət Komitəsində “Tanrı yoxuşu” kitabının təqdimatı keçirilib
15 Aprel, 2022 / Tədbirlər “Hökumətin fermerlərə dəstək mexanizmləri” mövzusunda təlim keçirilib
15 Fevral, 2022 / Tədbirlər Dövlət Komitəsində kollegiya iclası keçirilib